ព័ត៌មាន

ឧត្តមសេនីយ៍ទោ ហ៊ុល សំអុន ក្រើនរំលឹកដល់យោធិនកងពលតូចដឹកជញ្ជូនលេខ៩៩ ត្រូវអនុវត្តឱ្យបានខ្ជាប់ខ្ជួននូវវិន័យសណ្ដាប់ធ្នាប់កងទ័ព

ឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ បានអប់រំដាស់តឿនដល់នាយទាហាន នាយទាហានរង និងពលទាហានទាំងអស់នៃកងពល ត្រូវអនុវត្តឱ្យបានខ្ជាប់ខ្ជួននូវវិន័យសណ្ដាប់ធ្នាប់ ច្បាប់លក្ខន្តិកៈទូទៅរបស់កងយោធពលខេមរភូមិន្ទ ដើម្បីរក្សាបាននូវសេចក្តីថ្លៃថ្នូរ ត្រូវគោរពតាមបទបញ្ជារបស់ថ្នាក់លើឱ្យបានម៉ឺងម៉ាត់ និងអនុវត្តឱ្យបានជោគជ័យតាមផែនការកំណត់ព្រមទាំងចូលរួមការងារកសាងអង្គភាពរឹងមាំលើគ្រប់វិស័យ និងត្រៀមកម្លាំងអន្តរាគមន៍២៤ម៉ោងលើ២៤ម៉ោង សម្រាប់ដោះស្រាយយថាហេតុផ្សេងៗដែលអាចនឹងកើតមាន។

ការរំលឹក និងដាស់តឿនរបស់ឧត្តមសេនីយ៍ទោ ហ៊ុល សំអុន នេះគឺបានធ្វើឡើង នាព្រឹកថ្ងៃទី៣០ ខែឧសភា ឆ្នាំ២០២៥ ក្នុងឱកាសអញ្ជើញចុះអប់រំផ្សព្វផ្សាយអំពីសភាពការណ៍ថ្មីៗទាំងជាតិ និងអន្តរជាតិ ជូនដល់នាយទាហាន នាយទាហានរង និងពលទាហាននៅបញ្ជាការកងពលតូចដឹកជញ្ជូនលេខ៩៩៕