អនុប្រធានទី១ក្រុមការងារចុះមូលដ្ឋានខេត្តតាកែវ ជំរុញសមាជិកបក្សឱ្យសហការនិងសាមគ្គីគ្នា ដើម្បីបង្កើនភាពឈ្នះ

អនុប្រធានទី១ក្រុមការងារគណបក្សប្រជាជនកម្ពុជាចុះ មូលដ្ឋានខេត្តតាកែវ ជំរុញសមាជិកបក្សឱ្យសហការ និងសាមគ្គីគ្នា ដើម្បីបង្កើនភាពឈ្នះ

ឯកឧត្តម គី តិច សមាជិកគណះកម្មាធិការកណ្តាលគណបក្សប្រជាជនកម្ពុជា ជាអនុប្រធានទី១ក្រុមការងារគណបក្សប្រជាជនកម្ពុជាចុះមូលដ្ឋានខេត្តតាកែវ និងជាប្រធានក្រុមការងារគណបក្សចុះមូលដ្ឋានស្រុកបាទី បានជំរុញលើកទឹកចិត្តសមាជិកសមាជិការគណបក្សថ្នាក់កណ្តាល និងថ្នាក់មូលដ្ឋាននៅស្រុកបាទី ខេត្តតាកែវ ឱ្យបន្តពង្រឹងសាមគ្គីភាព រួមសហការគ្នាឱ្យស្អិតរមួត ក្នុងគោលដៅរួមគាំទ្រគណបក្សប្រជាជន ដោយធ្វើសកម្មភាពដើម្បីផលប្រយោជន៍ប្រជាជន និងការអភិវឌ្ឍមូលដ្ឋានឱ្យកាន់តែរីកចម្រើន ជាពិសេសបង្កើនភាពឈ្នះគ្រប់ៗអណ្ណតិរាល់ការបោះឆ្នោត។

ការជំរុញរបស់ ឯកឧត្ដម គី តិច បានធ្វើឡើងក្នុងឱកាដអញ្ជើញជាអធិបតីក្នុងពិធីប្រកាសសមាសភាពក្រុមការងារគណបក្សប្រជាជនកម្ពុជាក្នុងឃុំកណ្តឹង ស្រុកបាទី ខេត្តតាកែវ នារសៀលថ្ងៃទី៤ ខែមេសា ឆ្នាំ២០២៦ ។

ឯកឧត្តម គី តិច ក៏បានកោតសសើរ និងវាយតម្លៃខ្ពស់ចំពោះសមាជិកសមាជិការគ្រប់ជាន់ថ្នាក់ក្នុងឃុំកណ្តឹង ស្រុកបាទី ដែលមានឆន្ទះ និងស្មារតីខ្ពស់ក្នុងការងារបម្រើបក្ស និងប្រជាជនជាម្ចាស់ឆ្នោតក៏ដូចជាអភិវឌ្ឍន៍ក្នុងមូលដ្ឋានសម្រេចបានភាពរីកចម្រើនលើគ្រប់វិស័យជាបន្តបន្ទាប់។ ជាពិសេសចំពោះការកើនឡើងនៃចំនួនសមាជិកថ្មីសុំចូលរួមរស់ក្នុងជីវភាពគណបក្សប្រជាជនកម្ពុជាក្នុងស្រុកបាទី ហើយបានជាប់ជាស្រុកមួយដែលមានសមាជិកសមាជិការច្រើនជាងសមាជិកសមាជិកានៅខេត្តមួយចំនួនថែមទៀត។

ឯកឧត្តម ឈិត បូរ៉ាវុធ អនុប្រធានក្រុមការងារគណបក្សចុះមូលដ្ឋានស្រុកបាទី និងជាប្រធានក្រុមការងារគណបក្សចុះមូលដ្ឋានឃុំកណ្តឹង បានថ្លែង

ថា ជាការតបស្នងដល់សម្តេចប្រធានគណបក្ស ព្រមទាំងថ្នាក់ដឹកនាំគណបក្ស និងសេចក្តីសម្រេចនានារបស់ថ្នាក់លើ ក្រុមការងារគណបក្សចុះមូលដ្ឋានបានរួមចំណែកធ្វើឱ្យគណបក្សកាន់តែមានលទ្ធភាព និងជំរុញដល់ការបង្កើតបាននូវសមិទ្ធផលថ្មីៗបន្ថែមទៀតសម្រាប់ជាតិ និងប្រជាជន ទន្ទឹមនឹងនេះក្រុមការងារគណបក្សសូមប្រកាសគាំទ្រ និងគោរពអនុវត្តដោយឥតលក្ខខណ្ឌនូវរាល់គោលការណ៍ គោលនយោបាយ សេចក្តីណែនាំឱ្យបានម៉ឺងម៉ាត់បំផុត ព្រមទាំងធ្វើការប្តេជ្ញាចិត្តខិតខំអនុវត្តតាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឱ្យសម្រេចបានជោគជ័យ និងអនុវត្តបាវចនា កែទម្រង់ខាងក្នុង បង្កើនមិត្តខាងក្រៅ ក្នុងស្មារតីឯករាជ្យ គាំទ្រ ការពារ និងលើកកម្ពស់តួនាទីដឹកនាំរបសគណបក្សប្រជាជនកម្ពុជាឱ្យកាន់តែរឹងមាំនៅគ្រប់ដំណាក់កាល ការពាររាជរដ្ឋាភិបាល ការពារសន្តិភាព និងស្ថេរភាពនយោបាយមិនឱ្យអនុភាពប្រតិកិរិយាណាមកបំផ្លាញបានជាដាច់ខាត និងថែរក្សា រិតចំណងសាមគ្គីភាពផ្ទៃក្នុងបក្សឱ្យបានរឹងមាំ វិញជាធ្លុងមួយដើម្បីបម្រើ និងការពារប្រជាពលរដ្ឋ រួមសុខរួមទុក្ខជាមួយបងប្អូនប្រជាពលរដ្ឋក្នុងមូលដ្ឋានឃុំកណ្តឹងទាំងមូលឱ្យកាន់តែមានភាពស្និទ្ធស្នាល និងជឿទុកចិត្ត៕

អត្ថបទ ស៊ិន សុភារម្យ