ព័ត៌មាន
កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម
កម្លាំងជំនាញកងរាជអាវុធហត្ថកំពុងតែស្រាវជ្រាវតាមស្វែងរកចាប់ខ្លួនមេខ្លោងធំពាក់ព័ន្ធករណីគ្រឿងញៀនខុសច្បាប់ប្រមាណជិត ២០០គីឡូក្រាម។ ការតាមចាប់ខ្លួនមេក្លោងធំនេះ គឺបន្ទាប់ពីកងរាជអាវុធហត្ថខេត្តព្រះសីហនុ បានបើកប្រតិបត្តិការបង្ក្រាបទីតាំងលួចលាក់ផលិតគ្រឿងញៀននៅចំណុចសណ្ឋាគារស៊ីជី ស្ថិតក្នុងភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ កាលពីថ្ងៃទី៣១ ខែមីនា ឆ្នាំ២០២៦។
យោងតាមរបាយការណ៍របស់កងរាជអាវុធហត្ថខេត្តព្រះសីហនុបានបង្ហាញថា ក្នុងប្រតិបត្តិការបង្ក្រាបនេះ ឃាត់ខ្លួនជនសង្ស័យចំនួន ២២នាក់ (ស្រី០៣) ក្នុងនោះមានជនជាតិចិន ចំនួន១៨នាក់, ជនជាតិវៀតណាម ចំនួន០១នាក់ (ស្រី), ជនជាតិខ្មែរ ចំនួន០៣នាក់ (ស្រី០១នាក់)។
តាមការស្ដាប់ចម្លើយសារភាពរបស់ជនសង្ស័យ និងតាមការស្រាវជ្រាវរបស់មន្រ្តីជំនាញ បច្ចុប្បន្នឈ្មោះ YU ZHI HUI ភេទប្រុស ជនជាតិចិន សង្ស័យជាមេខ្លោងធំកំពុងរត់គេចខ្លួន។
ចំណែកវត្ថុតាងដកហូតមានដូចជា ៖
១/ សារធាតុញៀន៖
១-ហេរ៉ូអ៉ីន (HEROINE) ទម្ងន់សុទ្ធចំនួន១គីឡូ ៨៦០.២៩ ក្រាម
២- កូកាអ៉ីន (COCAINE) ទម្ងន់សុទ្ធចំនួន១គីឡូ ៤២៧.៣០ ក្រាម
៣- កេតាមីន (KETAMINE) ទម្ងន់សុទ្ធចំនួន៤គីឡូ ៥២៤.២៤ ក្រាម
៤- មេតំហ្វេតាមីន (METAMPHETAMINE) ទម្ងន់សុទ្ធចំនួន១៦គីឡូ ៤៩៤ ក្រាម
៥- អ៉ិចស្តាស៊ី (MDMA) ទម្ងន់សុទ្ធចំនួន៦៣គីឡូ ៦៥៧.៥២ ក្រាម
៦- កញ្ញាក្រៀម ទម្ងន់សុទ្ធចំនួន១គីឡូ ៧៧៨.៥៨ ក្រាម
៧- សារធាតុផ្សំ ទម្ងន់សុទ្ធចំនួន៥៧គីឡូ ៨២៤.៩១ ក្រាម
៨- សារធាតុគីមីផ្សំ ទម្ងន់ថ្លឹងទាំងសំបកវេចខ្ចប់ចំនួន៩០គីឡូក្រាម
(ទម្ងន់សារធាតុញៀនសុទ្ធសរុបៈ ៨៩គីឡូ ៧៤១.៩៣ ក្រាម,ទម្ងន់សារធាតុផ្សំសុទ្ធសរុបៈ ៥៧គីឡូ ៨២៤.៩១ ក្រាម ,ទម្ងន់សារធាតុគីមីផ្សំសរុបៈ ៩០គីឡូក្រាម)
៩/ រថយន្តចំនួន ៦ គ្រឿង
១០/ អាវុធខ្លីចំនួន ១ ដើម ម៉ាក K59 លេខ ៥៩៤៤ ១៩៩០(បង់:១,គ្រាប់ ៣គ្រាប់)
១១/ គ្រាប់បែកដៃចំនួន ១ គ្រាប់ (ផ្លែទាប)
១២/ ម៉ូតូចំនួន ៤ គ្រឿង
១៣/ ទូរសព្ទដៃចំនួន ៣៣ គ្រឿង
១៤/ លិខិតឆ្លងដែន ចំនួន ៩ ក្បាល(ចិន ៨ និងវៀតណាម ១)
១៥/ សៀវភៅការងារជនបរទេសចំនួន ១៤ សន្លឹក(ចិន)
១៦/ បណ្ណបើកបរចំនួន ០៣ សន្លឹក
១៧/ គ្រាប់ អាវុធវែង(AK)៧.៦២មីលីម៉ែត្រ ចំនួន ១៦ គ្រាប់
១៨/ ជញ្ជីង ចំនួន ៣៨ គ្រឿង
១៩/ ឧបករណ៍ផលិត ,សម្ភារៈកែឆ្នៃ និងសំបកវេចខ្ចប់ជាច្រើន
ចំពោះមុខជនសង្ស័យខាងលើត្រូវបានកម្លាំងការិយាល័យជំនាញបញ្ជូនមកបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីចាត់ការតាមនីតិវិធី ពាក់ព័ន្ធករណី ផលិត ជួញដូរ រក្សាទុកដោយខុសច្បាប់នូវសារធាតុញៀន៕
-
ព័ត៌មាន1 week agoសម្តេច ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម
-
ព័ត៌មាន1 week agoជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា
-
ព័ត៌មាន1 week agoអភិបាលរាជធានីណែនាំឱ្យមន្ត្រី និងកងកម្លាំងប្រឹងប្រែងបន្ថែមទៀតលើការរក្សាសន្តិសុខ និងការងារនានា
-
ព័ត៌មាន1 week agoករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត
-
ព័ត៌មាន1 week agoសម្តេចតេជោ ហ៊ុន សែន ណែនាំដល់មន្ត្រីរក្សាសន្តិសុខសណ្តាប់ធ្នាប់សង្គមឲ្យបានល្អ ពិសេសបទល្មើសអនឡាញត្រូវបង្ក្រាបកុំអោយងើបឡើងវិញអោយសោះ
-
ព័ត៌មាន4 days agoរដ្ឋមន្ត្រីក្រសួងយុត្តិធម៌បញ្ជាក់អំពីវិធានការចំនួន៣ដែលនឹងត្រូវដាក់ឲ្យអនុវត្តន៍ចំពោះករណីក្មេងទំនើង
-
ព័ត៌មាន1 week agoសមណនិស្សិត និងនិស្សិតជាង៦០០អង្គ/នាក់ ប្រឡងចូលរៀនថ្នាក់អនុបណ្ឌិត ឆ្លើយតបតម្រូវការធនធានមនុស្សនៅកម្ពុជា
-
ព័ត៌មាន1 week agoបង្រ្កាបអគារប្រព្រឹត្តបទល្មើស Online Scams នៅទីតាំង ១កន្លែង ក្នុងក្រុងប៉ោយប៉ែត ឃាត់ខ្លួនមនុស្សប្រមាណ ៣០០នាក់