ព័ត៌មាន
មនុស្សជាង ៧ម៉ឺននាក់ ដែលគ្រូពេទ្យមិនឲ្យចាក់វ៉ាក់សាំង នឹងត្រូវពិនិត្យឡើងវិញ!
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ឲ្យផ្នែកពាក់ព័ន្ធទាំងអស់ ពិនិត្យឡើងវិញលើមនុស្សជាង ៧ម៉ឺននាក់ ដែលគ្រូពេទ្យ មិនឲ្យចាក់វ៉ាក់សាំង នាពេលកន្លងមក។
នៅក្នុងពិធីបើកការដ្ឋាន គម្រោងសាងសង់លើកកម្រិតគុណភាព ផ្លូវជាតិលេខ ៤៨ ប្រវែង១៤៨ គីឡូម៉ែត្រ នៅព្រឹកថ្ងៃទី ៣ ខែមករា ឆ្នាំ ២០២២នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ឲ្យផ្នែកពាក់ព័ន្ធទាំងអស់ ពិនិត្យឡើងវិញលើមនុស្សជាង ៧ម៉ឺននាក់ ដែលគ្រូពេទ្យ មិនឲ្យចាក់វ៉ាក់សាំង នាពេលកន្លងមក។
សម្តេចតេជោនាយករដ្ឋមន្ត្រី បានមានប្រសាសន៍ថា វ៉ាក់សាំងមិនមែនជាថ្នាំទិព្វនោះទេ វ៉ាក់សាំងគ្រាន់តែជួយទប់ស្កាត់កុំឲ្យឆ្លង ក្នុងចំណែកណាមួយប៉ុណ្ណោះ។ ប៉ុន្តែអ្វីដែលសំខាន់ នៅពេលដែលឆ្លងហើយ វាមិននាំទៅដល់ឲ្យមានជំងឺធ្ងន់ធ្ងរ។ ដូច្នេះអ្នកដែលមិនទាន់បានចាក់ដោយសារមូលហេតុនេះ មូលហេតុនោះ ត្រូវតែទៅចាក់ឲ្យបានគ្រប់គ្នា។ សម្តេចតេជោ បន្តថា អ្នកខ្លះ នៅពេលមានយុទ្ធនាការចាក់វ៉ាក់សាំង គាត់កំពុងមានផ្ទៃពោះ ហើយនៅពេលសំរាលរួច ត្រូវការពេលវេលាប៉ុន្មានខែទៀត ទើបអាចចាក់បាន។
ជាមួយគ្នានេះ សម្ដេចតេជោបានស្នើគ្រប់ទីកន្លែងទាំងអស់ ពិនិត្យមើលមនុស្សជាង ៧ម៉ឺននាក់ ដែលគ្រូពេទ្យមិនអនុញ្ញាតឲ្យចាក់វ៉ាក់សាំង ដែលចំណុចនេះ គេបានរកឃើញកន្លងមក នៅក្នុងក្រសួងការពារជាតិ សម្ដេចពិជ័យសេនា ទៀ បាញ់ បានដឹកនាំខ្លួនឯងតែម្តង ដើម្បីចាក់វ៉ាក់សាំង ពីព្រោះអ្នកនេះក៏ចាក់មិនបាន អ្នកនោះក៏ចាក់មិនបាន ដោយសារគ្រូពេទ្យមិនឲ្យចាក់។ ប៉ុន្តែនៅពេលសម្ដេចពិជ័យសេនា ទៀ បាញ់ ឲ្យចាក់ អត់មានអ្នកណាកើតអី។
សម្តេចតេជោ បានបញ្ជាក់យ៉ាងដូច្នេះថា «ឥឡូវសុំពិនិត្យឡើងវិញជាង ៧ម៉ឺននាក់ គាត់ទៅ ក៏ប៉ុន្តែគ្រូពេទ្យយើងមិនឲ្យគាត់ចាក់ សុំពិនិត្យអាហ្នឹងឡើងវិញ។ ដូច្នេះសូមលោកជំទាវ ឱ វណ្ណឌីន បញ្ជាទៅគ្រប់ទីកន្លែងឲ្យពិនិត្យឡើងវិញ ដើម្បីឲ្យពួកគាត់ត្រឡប់មករកការចាក់។ ជំងឺខ្លះអាចចាក់បាន។ ពីព្រោះមានករណីហាម ដូចជាមនុស្សកើតហឺត ប៉ុន្តែអ្នកខ្លះកើតហេតុតាំងពីតូចម៉្លេះ ហាមតែនៅពេលចាក់ប៉ុណ្ណោះ ទើបមិនឲ្យចាក់ ប៉ុន្តែជំងឺខ្លះគាត់បានកើតតាំងពីនៅតូច ឥឡូវគាត់អាយុជាង ៤០ ជាង ៥០ ឆ្នាំទៅហើយ នៅតែមិនឲ្យចាក់ ដោយសារតែមានប្រវត្តិកើតជំងឺហឺត។ ពេលខ្លះគ្រូពេទ្យយើង អាចមានបញ្ហាខ្វះចន្លោះ ទាក់ទងបញ្ហានេះ ខ្ញុំសូមអំពាវនាវ ដើម្បីយើងទាំងអស់គ្នាឈ្នះ ហើយយើងមិនត្រឡប់ទៅក្រោយវិញទេ”។
សូមបញ្ជាក់ថា គិតត្រឹមថ្ងៃទី ២ ខែមករា ឆ្នាំ ២០២២ ការចាក់វ៉ាក់សាំងកូវីដ-១៩ នៅកម្ពុជា ប្រជាជនអាយុពី ១៨ឆ្នាំឡើងមាន ១០១,៥១ភាគរយ ធៀបជាមួយចំនួនប្រជាជនគោលដៅ១០លាននាក់, លើកុមារ-យុវវ័យអាយុពី១២ឆ្នាំ ទៅក្រោម ១៨ឆ្នាំ មាន៩៩,១២ ភាគរយ ធៀបជាមួយចំនួនប្រជាជនគោលដៅ១,៨២៧,៣៤៨ នាក់, លើកុមារអាយុពី០៦ឆ្នាំ ដល់ក្រោម១២ឆ្នាំ មាន១០៥,២៣ភាគរយ ធៀបជាមួយនឹងប្រជាជនគោលដៅ១,៨៩៧,៣៨២ នាក់, លើកុមារអាយុ០៥ឆ្នាំ មាន៩៩,៨៨ ភាគរយ ធៀបជាមួយនឹងប្រជាជនគោលដៅ៣០៤,៣១៧នាក់ ហើយនៅទូទាំងប្រទេសសរុបចំនួន១៤,២៦២,៩៥៩នាក់ ស្មើនឹង៨៩.១៤ ភាគរយនៃប្រជាជនសរុប១៦ លាននាក់៕
អត្ថបទពី៖ KPT
-
ព័ត៌មាន1 week agoអភិបាលខេត្តកោះកុង ជំរុញដល់កម្មករកម្មការិនី និងនិយោជក ចាត់ទុករោងចក្រជាឆ្នាំងបាយរួម និងជាផ្ទះទីពីរ
-
ព័ត៌មាន1 week agoប្រធានគណៈកម្មាធិការ គណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ
-
ព័ត៌មាន4 days agoក្រសួងសុខាភិបាល ប្រគល់-ទទួលរថយន្តគិលានសង្គ្រោះចំនួន ១០គ្រឿង ដែលជាហិរញ្ញប្បទានឥណទានរបស់ធនាគារអភិវឌ្ឍន៍អាស៊ី (ADB Loan)
-
ព័ត៌មាន3 days agoសម្តេចតេជោ៖« ការដកមន្ត្រីផ្លែទុរេនចេញពីក្របខណ្ឌមិនទាន់គ្រប់គ្រាន់ទេ គួរបញ្ជូនទៅACU»
-
ព័ត៌មាន3 days agoសម្តេចធិបតី៖គុណតម្លៃមិនអាចកាត់ថ្លៃបានរបស់នគរបាលជាតិគឺការចូលរួមការពារបូរណភាពទឹកដី ដែលរងនូវការឈ្លានពានពីថៃ
-
ព័ត៌មាន3 days agoសម្រាលការលំបាកពលរដ្ឋភៀសសឹក៖ យុវជនគណបក្សប្រជាជនកម្ពុជា អគ្គលេខាធិការដ្ឋានរដ្ឋសភា ផ្តល់ការបណ្តុះបណ្តាលជំនាញផលិតសាប៊ូលាងចាន ចែកកង់ សម្ភារៈសិក្សា ដាំដើមឈើ និងអំពូលសូឡា ក្នុងភូមិស្លក្រាម
-
ព័ត៌មាន4 days agoអគ្គលេខាធិការដ្ឋានរដ្ឋសភា និងព្រឹទ្ធសភា បិទវគ្គបណ្តុះបណ្តាលស្តីពី “ការទូតសភា” ជូនដល់មន្ត្រីជំនាញនៃសភា កម្ពុជា-ឡាវ
-
ព័ត៌មាន4 days agoរដ្ឋសភាកម្ពុជាសហការជាមួយ AVI និងKASបើកវគ្គបណ្តុះបណ្តាលកសាងសមត្ថភាពមន្ត្រីនិងយុវជន ដើម្បីក្លាយជា«ខែលការពារសុចរិតភាពព័ត៌មាន» ក្នុងយុគសម័យបញ្ញាសិប្បនិម្មិត (AI)