ព័ត៌មាន
សម្តេចតេជោ ហ៊ុន សែន ៖ អាស៊ានបានឯកភាពគ្នា មិនត្រូវជ្រើសរើសមហាអំណាចណាមួយនោះទេ
មានប្រសាសន៍ នៅក្នុងកម្មវិធីពិភាក្សាក្រោមប្រធានបទ ទិដ្ឋភាពយុទ្ធសាស្រ្ត ស្តីពីអាស៊ាន តួនាទីជាប្រធានអាស៊ានរបស់កម្ពុជា នៅទីក្រុងដាវ៉ូស ប្រទេសស្វីស នៅថ្ងៃទី ២៤ ខែឧសភាម្សិលមិញ
មានប្រសាសន៍ នៅក្នុងកម្មវិធីពិភាក្សាក្រោមប្រធានបទ ទិដ្ឋភាពយុទ្ធសាស្រ្ត ស្តីពីអាស៊ាន តួនាទីជាប្រធានអាស៊ានរបស់កម្ពុជា នៅទីក្រុងដាវ៉ូស ប្រទេសស្វីស នៅថ្ងៃទី ២៤ ខែឧសភាម្សិលមិញ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា អាស៊ាន គឺជាសហគមន៍មួយ ដែលកំពុងស្ថិតនៅក្នុងស្ថានភាពមួយ នាំមកនូវការប៉ះពាល់ចំពោះខ្លួន។
បើតាមសម្តេចតេជោ ហ៊ុន សែន ចំណុចនេះ អាស៊ានបានឯកភាពគ្នា ហើយបានកត់សម្គាល់មិនត្រូវជ្រើសរើសមហា អំណាចណាមួយនោះទេ។ សម្តេចបានកត់សម្គាល់ដែរថា «មិត្តភក្កិរបស់យើងជាមហាអំណាច ក៏បានប្រាប់មកយើងថា គ្មានការចាំបាច់ ដើម្បីឲ្យជ្រើសរើសអ្នកណានោះទេ។ យើងក៏បានបញ្ជាក់ទៅវិញថា ទោះបីជាអស់លោកឲ្យយើងខ្ញុំជ្រើសរើស យើងខ្ញុំក៏មិនជ្រើសរើសដែរ ប៉ុន្តែយើងត្រូវតែមានភាពអ្វីមួយ ដូចជាទំនាក់ទំនងការរកស៊ីជាដើម វាមិនអាចថា នៅកណ្តាលមិនពាក់ព័ន្ធជាមួយអ្នកណានោះទេ»។
សម្តេចតេជោ ហ៊ុន សែន បានលើកឡើងដែរថា ការប្រកួតប្រជែងភូមិសាស្ត្រនយោបាយ បានធ្វើឲ្យអាស៊ាន របស់យើងជួបការលំបាកជាច្រើន នៅត្រង់ថា បច្ចុប្បន្នមានគំនិតផ្ដួចផ្ដើមឥណ្ឌូប៉ាស៊ីហ្វិកច្រើន ដូចជា ឥណ្ឌូប៉ាស៊ីហ្វិករបស់អាមេរិក, ឥណ្ឌូប៉ាស៊ីហ្វិករបស់អូស្ត្រាលី, ឥណ្ឌូប៉ាស៊ីហ្វិករបស់ជប៉ុន, ប៉ាស៊ីហ្វិករបស់អឺរ៉ុបជាដើម។ ប៉ុន្តែសម្តេចបានបញ្ជាក់ថា គំនិតផ្ដួចផ្ដើមណាក៏ដោយ គឺត្រូវឆ្លើយតបដល់គោលបំណង ដើម្បីសន្តិភាព និងការអភិវឌ្ឍ និងមិនត្រូវប្រឆាំងជាមួយអ្នកណា ហើយទីបី គឺត្រូវតែបម្រើដល់មជ្ឈភាពអាស៊ាន។
សម្ដេចតេជោ ហ៊ុន សែន បញ្ជាក់ថា ក្នុងមជ្ឈភាពអាស៊ាននេះ យើងចាំបានថា គឺជាគំនិតផ្ដួចផ្ដើមរបស់ឥណ្ឌូនេស៊ី ដែលបានតាក់តែងនូវទស្សនៈឥណ្ឌូប៉ាស៊ីហ្វិក របស់អាស៊ានផ្ទាល់ ដែលកំពុងតែប្រែក្លាយទៅជាសកម្មភាពឥណ្ឌូប៉ាស៊ីហ្វិក របស់អាស៊ានតែប៉ុណ្ណោះ។ ដូច្នេះអាស៊ានក៏មានឥណ្ឌូប៉ាស៊ីហ្វិចដែរ ដូច្នេះយើងមិនចាំបាច់ទេអាស៊ានគាំទ្រអ្នកដទៃទេ សូមឲ្យអ្នកដទៃគាំទ្រអាស៊ានវិញ៕
អត្ថបទពី៖ KPT
-
Boxing Bayontv2 weeks ago
គាំទ្រតន្រ្តី គាំទ្រប្រដាល់គុនខ្មែរចូលរួមលើកស្ទួចប្រដាល់គុនខ្មែរឡើងដល់កម្រឹតពិភពលោក!
-
ព័ត៌មាន2 weeks ago
គម្រោងព្រែកជីកហ្វូណនតេជោ ធ្វើឲ្យកម្ពុជាចំណេញថ្លៃដឹកជញ្ជូនពី ២០០ ទៅ ៣០០ ដុល្លារ
-
ព័ត៌មាន2 weeks ago
កម្ពុជាបានទាក់ទាញរោងចក្របង្កើតថ្មីចំនួន ៥៥ ក្នុងត្រីមាសទី១ កើនឡើង២៥ភាគរយ
-
PR NEWS3 weeks ago
អ្នកឧកញ៉ា សំអាង វឌ្ឍនៈ ដៃគូសហការក្លិបព្រះខ័នរាជស្វាយរៀង ឧបត្ថម្ភទឹកប្រាក់ ១ម៉ឺនដុល្លារចំពោះជ័យជម្នះព្រះខ័នរាជស្វាយរៀងក្នុងពានរង្វាន់សម្តេច ហ៊ុន សែន
-
ព័ត៌មាន2 weeks ago
បេក្ខជនបន្តប្រឡងប្រជែង ក្លាយជាគ្រូអនុវិទ្យាល័យនៅមណ្ឌលពីរផ្សេងគ្នាថ្ងៃទី២ នេះ
-
ព័ត៌មាន1 week ago
ប្រជាពលរដ្ឋ នាំគ្នាប្រារព្ធពិធីរំឭកគុណព្រះបាទជ័យវរ្ម័នទី៧ នៅស្រុកពួក ខេត្តសៀមរាប
-
ព័ត៌មាន2 weeks ago
ប្រមុខរាជរដ្ឋាភិបាល៖ សេរីភាពសារព័ត៌មាននៅកម្ពុជាកាន់តែរីកចម្រើន និងមានភាពល្អប្រសើរ
-
ព័ត៌មាន1 week ago
ពាណិជ្ជកម្មអន្តរជាតិកម្ពុជា សម្រេចបានទឹកប្រាក់ជាង ១៦ ពាន់លានដុល្លារ