ម្ចាស់ជ័យលាភីកម្មវិធី Dutch Mill Selected Celebrity Chef នាំយកប្រាក់រង្វាន់បរិច្ចាគដល់មណ្ឌលមែកឈើ

ឆ្លងកាត់វគ្គជម្រុះអស់ជាច្រើនសប្តាហ៍មក កម្មវិធី Dutch Mill Selected Celebrity Chef ជំនាន់ទី២ បានឈានដល់វគ្គបញ្ចប់ និងរកឃើញម្ចាស់ជ័យលាភីហើយ។

កាលពីថ្ងៃទី ២៣ ខែឧសភា ២០២៣ កន្លងទៅនេះម្ចាស់ជ័យលាភីកម្មវិធី Dutch Mill Selected Celebrity Chef ជំនាន់ទី ២ កញ្ញា ទ្រី ស្រីនិច ដែលជាម្ចាស់ជ័យលាភីក្នុងកម្មវិធី បាននាំយកប្រាក់រង្វាន់ពីកម្មវិធីចំនួន 10 លានរៀល រួមទាំងផលិតផលទឹកដោះគោដ័ចមៀល សេឡិចធិឌ, ដ័ចមៀល 4អ៊ីន1 ទឹកសណ្តែកសៀង ដ័ចមៀល ស៊យ សេឌគ្រេឌហ្ស៍, ស្ករគ្រាប់ផែរី ព្រមទាំងផលិតផលចំណីអាហារបេតាហ្គ្រោ ដើម្បីបរិច្ចាគដល់មណ្ឌលមែកឈើ ដែលស្ថិតនៅ ភូមិលិចវត្ត សង្កាត់កំបូល ខណ្ឌកំបូល រាជធានីភ្នំពេញ។

គួររម្លឹកផងដែរ កម្មវិធី Dutch Mill Selected Celebrity Chef ជំនាន់ទី 2 ធ្វើឡើងរយៈពេល ៦សប្តាហ៍ ដែលមានតារាកិត្តិយសចំនួន ៨ រូប ចូលរួមប្រកួតប្រជែងស្នាដៃចម្អិនម្ហូប ទើបស្វែងរកបានម្ចាស់ ជ័យលាភី គឺ កញ្ញា ទ្រី ស្រីនិច។