ព័ត៌មាន
នគរបាលរាជធានីប្រជុំការងារពង្រឹងសន្តិសុខ សុវត្ថិភាពជូនប្រជាពលរដ្ឋនៅរាជធានីភ្នំពេញ
ភ្នំពេញ៖ នគរបាលរាជធានីភ្នំពេញប្រាប់ឲ្យដឹងថា ដោយទទួលបានការអនុញ្ញាតពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីរសៀលថ្ងៃទី៦ ខែតុលា ឆ្នាំ២០២៥ លោកឧត្តមសេនីយ៍ត្រី ប៊ុន សត្យា ស្នងការរងផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ ញ៉ុង រស់មេត្តា ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតធ្ងន់ បានដឹកនាំកិច្ចប្រជុំបូកសរុបសភាពការណ៍បទល្មើស និងបង្ក្រាបបទល្មើសប្រចាំខែកញ្ញា និងលើកទិសដៅការងារសម្រាប់ខែតុលា ឆ្នាំ២០២៥ ដោយមានការចូលរួមពីលោកនាយការិយាល័យនគរបាលព្រហ្មទណ្ឌកម្រិតធ្ងន់-ស្រាល លោកអធិការរងនគរបាលខណ្ឌទាំង១៤ ទទួលការងារយុត្តិធម៌ លោកនាយផ្នែក និង ពាក់ព័ន្ធមួយចំនួនទៀតផងដែរ។
នាកិច្ចប្រជុំនេះដែរ លោកឧត្តមសេនីយ៍ត្រី ប៊ុន សត្យា ស្នងការរងផែនការងារនគរបាលព្រហ្មទណ្ឌ បានណែនាំដល់ជំនាញពាក់ព័ន្ធ ត្រូវយកចិត្តទុកដាក់ក្នុងការបង្ក្រាបបទល្មើសផ្សេងៗ ក្រុមក្មេងទំនើង, បង្ក្រាបករណីសេសសល់ ពាក់ព័ន្ធក្រុមជនសង្ស័យជាមុខសញ្ញាឆក់ មុខសញ្ញាលួចឲ្យអស់ ដើម្បីធ្វើយ៉ាងណាត្រូវផ្តល់ទំនុកចិត្តទៅដល់ប្រជាពលរដ្ឋ។
លោកឧត្តមសេនីយ៍ត្រី ប៊ុន សត្យា លើកឡើងបន្តថា បច្ចុប្បន្ននេះសមត្ថកិច្ចទាំងអស់បានខិតខំណាស់ ដើម្បីបង្ក្រាបរាល់បទល្មើសគ្រប់ប្រភេទ មិនថា ពេលយប់ ឬ ពេលថ្ងៃនោះឡើយ ប៉ុន្តែបទល្មើសមួយចំនួនចេះតែមានកើតឡើង ទោះបីយ៉ាងណាក្តី សមត្ថកិច្ចចំណុះរាជធានីភ្នំពេញនឹងប្រឹងប្រែងបន្តទៀតក្នុងការពួនស្ទាក់ បង្ការ ទប់ស្កាត់បង្ក្រាបរាល់បទល្មើសទាំងអស់ ដើម្បីសន្តិសុខប្រជាពលរដ្ឋ និងសង្គម៕ តារាវុទ្ធី
-
ព័ត៌មាន5 days agoជនបរទេស ១,១៧៥នាក់ មាន២៨សញ្ជាតិ ត្រូវបានបណ្ដេញចេញពីកម្ពុជាពាក់ព័ន្ធករណីឆបោកតាមប្រព័ន្ធអនឡាញ
-
ព័ត៌មាន7 days agoជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ
-
ព័ត៌មាន1 week agoខេត្តតាកែវទទួលបានភ្ញៀវទេសចរណ៍ជិត១លានាក់ក្នុងរយ:ពេល៣ថ្ងៃនៃពិធីបុណ្យចូលឆ្នាំខ្មែរ
-
ព័ត៌មាន1 week agoបីថ្ងៃចូលឆ្នាំនៅស្វាយរៀងមានប្រជាពលរដ្ឋ ភ្ញៀវជាតិ-អន្តរជាតិ មកដើរលេងកម្សាន្តជាង ៤សែននាក់
-
ព័ត៌មាន6 days agoកម្ពុជា និងចិន នឹងមានកិច្ចប្រជុំរដ្ឋមន្ត្រីការបរទេស និងរដ្ឋមន្ត្រីការពារជាតិ នៅថ្ងៃទី២២ ខែមេសា នេះ
-
ព័ត៌មាន1 week ago៣ថ្ងៃនៃសង្រ្កាន្តឆ្នាំថ្មីកោះកុង ទទួលបានភ្ញៀវទេសចរជាង២ម៉ឺននាក់
-
ព័ត៌មាន1 week agoភ្ញៀវទេសចរជិត ២លាននាក់ ទៅទស្សនាខេត្ដសៀមរាប នាឱកាសចូលឆ្នាំថ្មីរយៈពេលបីថ្ងៃ
-
ព័ត៌មាន1 week agoអ្នកនាំពាក្យ៖ ការប្រារព្ធពិធីចូលឆ្នាំថ្មីមិនត្រឹមតែជាការថែរក្សាទំនៀមទម្លាប់ប្រពៃណី និងវប្បធម៌ពីដូនតាប៉ុណ្ណោះទេ ប៉ុន្ដែបានរួមចំណែកដល់ចរន្តសេដ្ឋកិច្ចជាតិថែមទៀត