ស្ថាន​ទូត​កម្ពុជាប្រចាំសាធារណរដ្ឋកូរ៉េ​ រៀបចំការ​ប្រគំតន្ត្រីរៃអង្គាសថវិកាជួយវីរកងទ័ព និងជន​ភៀសសឹក

កាលពីថ្ងៃទី៥ ខែតុលា ឆ្នាំ២០២៥ ឯកឧត្តម​ ឃួន ផុនរតនៈ ឯកអគ្គរាជទូកម្ពុជា​ ប្រចាំ​ប្រទេស​កូរ៉េខា​ង​ត្បូង​ បានចូលរួមកម្មវិធីអបអរសាទរ បុណ្យភ្ជុំបិណ្ឌ និងការប្រគុំតន្ត្រីសប្បុរសធម៌ នៅតំបន់​ក្វាង​ជូតូច ប្រទេសកូរ៉េខាងត្បូង​ ដែលរៀបចំដោយ​មជ្ឈ​មណ្ឌល​គាំពារ​ពលករ​បរទេស​ក្វាង​ជូ​តូច ដោយមាន​ការ​ចូល​រួម​ពី​​បង​ប្អូន​ប្រជាពលរដ្ឋ​ខ្មែររស់នៅប្រទេសកូរ៉េខាងត្បូងប្រមាណ ៥ពាន់នាក់។

កម្មវិធីនេះធ្វើឡើងក្នុងគោលបំណងរៃអង្គាសថវិកាជួយដល់កងទ័ព និង​ជន​ភៀស​សឹក​នៅ​តាម​ខ្សែ​ប​​ន្ទាត់ព្រំដែនកម្ពុជា-ថៃ​ ។

ឆ្លៀតក្នុង​ឱកាសនោះឯកឧត្តមឯកអគ្គរាជទូត ក៏បានចូលរួមមតិសំណេះសំណាល និង​ទស្សនា​ស្តង់​ម្ហូប​ខ្មែរ​ ព្រមទាំងបានធ្វើការថ្លែងអំណរគុណយ៉ាងជ្រាលជ្រៅដល់តំណាងអាជ្ញាធរពាក់ព័ន្ធ ដែ​ល​តែង​តែជួយសម្របសម្រួល និងជួយយកចិត្តទុកដាក់គាំពារដល់បងប្អូនពលករ និង​ប្រជា​ពលរដ្ឋ​ខ្មែរ​​ នៅក្នុងតំបន់ ក៏ដូចជាក្នុងខេត្តខ្យង់គីទាំងមូល៕