ព័ត៌មាន
តំណាងចំណតរថយន្តក្រុងខេមរភូមិន្ទបំភ្លឺជុំវិញការចោទប្រកាន់ថា យកភាស៊ីតាមដងផ្លូវលេខ៤៨
កោះកុង៖ តំណាងចំណតរថយន្តក្រុងខេមរភូមិន្ទ ខេត្តកោះកុង បានចេញបកស្រាយពីការចោទប្រកាន់ថាបានស្ទាក់យកលុយភាស៊ីតាមដងផ្លូវជាតិលេខ៤៨ ដោយគ្រាន់តែពួកគាត់បើកបរឆ្លងកាត់តាមផ្លូវប៉ុណ្ណោះ។
លោក ចាន់ អម្រឹត តំណាងម្ចាស់ចំណតរថយន្តក្រុងខេមរភូមិន្ទ បានឱ្យដឹងនៅរសៀលថ្ងៃទី១៦ ខែតុលា ឆ្នាំ២០២៥ថា ខ្លួនពុំបានស្ទាក់យកលុយពីអ្នកបើកបរថយន្តធន់ធំទាំងនោះទេ ពោលគឺយកថ្លៃភាស៊ីតែតាមការកំណត់នៃសៀវភៅបន្ទុកប៉ុណ្ណោះ។ ដូច្នេះការចោទប្រកាន់របស់អ្នកបើករថយន្តធុនធំម្នាក់លើបង្ហោះលើបណ្តាញសង្គម ជារឿងមិនមែនជាការពិតនោះទេ។
បើតាមលោក ចាន់ អម្រឹត ក្រុមអ្នកបើករថយន្តធុនធំទាំងអស់សុទ្ធតែដឹងពីកាតព្វកិច្ចបង់ភាស៊ីរាល់ការបើកបរឆ្លងកាត់ចំណតនីមួយៗ ប៉ុន្តែក្រុមបើកបរថយន្តទាំងនោះ បានកិបកេងលុយថៅកែដែលឱ្យបង់ភាស៊ី ទើបយកលេសបែបនេះបែបនោះ ដើម្បីបានចំណេញលុយបង់ភាស៊ីជាបន្តបន្ទាប់។
កន្លងទៅក្រុមអាជីវកម្ម និងរថយន្តទំនិញមួយចំនួនខិលខូល បានយកប៉ាយស្លាកអាជីវកម្មតាមរថយន្តមួយចំនួនមកសុំជជែកមិនឱ្យបង់ភាស៊ី ប៉ុន្តែត្រូវអ្នកគ្រប់គ្រងចំណតមិនយល់ព្រមទើបបែរជាបង្ហោះតាមបណ្តាញសង្គមនានាថាខ្លួនជាជនរងគ្រោះ ដែលនាំឱ្យមហាជនមានការភ័ន្តច្រឡំម្តងហើយម្តងទៀត។
គួរជម្រាបថា ថ្មីៗនេះ មានអ្នកបើករថយន្តធុនធំម្នាក់ បានបង្ហោះតាមបណ្តាញសង្គមថា គ្រាន់តែគាត់បើកបររថយន្តខ្លួនកាត់ចំណតរថយន្តផ្លូវជាតិលេខ៤៨ខេត្តកោះកុង ក៏តម្រូវឱ្យបង់ថ្លៃភាស៊ីផងដែរ ដោយរថយន្ត១គ្រឿងថ្លៃ២ម៉ឺនរៀលឡើងទៅសម្រាប់រថយន្តធុនធ្ងន់៕ អត្ថបទ៖ ឈឹម មករា
-
ព័ត៌មាន5 days agoជនបរទេស ១,១៧៥នាក់ មាន២៨សញ្ជាតិ ត្រូវបានបណ្ដេញចេញពីកម្ពុជាពាក់ព័ន្ធករណីឆបោកតាមប្រព័ន្ធអនឡាញ
-
ព័ត៌មាន6 days agoជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ
-
ព័ត៌មាន1 week agoខេត្តតាកែវទទួលបានភ្ញៀវទេសចរណ៍ជិត១លានាក់ក្នុងរយ:ពេល៣ថ្ងៃនៃពិធីបុណ្យចូលឆ្នាំខ្មែរ
-
ព័ត៌មាន1 week agoបីថ្ងៃចូលឆ្នាំនៅស្វាយរៀងមានប្រជាពលរដ្ឋ ភ្ញៀវជាតិ-អន្តរជាតិ មកដើរលេងកម្សាន្តជាង ៤សែននាក់
-
ព័ត៌មាន5 days agoកម្ពុជា និងចិន នឹងមានកិច្ចប្រជុំរដ្ឋមន្ត្រីការបរទេស និងរដ្ឋមន្ត្រីការពារជាតិ នៅថ្ងៃទី២២ ខែមេសា នេះ
-
ព័ត៌មាន1 week ago៣ថ្ងៃនៃសង្រ្កាន្តឆ្នាំថ្មីកោះកុង ទទួលបានភ្ញៀវទេសចរជាង២ម៉ឺននាក់
-
ព័ត៌មាន1 week agoភ្ញៀវទេសចរជិត ២លាននាក់ ទៅទស្សនាខេត្ដសៀមរាប នាឱកាសចូលឆ្នាំថ្មីរយៈពេលបីថ្ងៃ
-
ព័ត៌មាន1 week agoអ្នកនាំពាក្យ៖ ការប្រារព្ធពិធីចូលឆ្នាំថ្មីមិនត្រឹមតែជាការថែរក្សាទំនៀមទម្លាប់ប្រពៃណី និងវប្បធម៌ពីដូនតាប៉ុណ្ណោះទេ ប៉ុន្ដែបានរួមចំណែកដល់ចរន្តសេដ្ឋកិច្ចជាតិថែមទៀត