ឯកឧត្តម ហេង សួរ បានទទួលជួបសម្តែងការគួរសមជាមួយប្រធានឧត្តមមន្ត្រីការងារអាស៊ាន

នាព្រឹកថ្ងៃទី២១ ខែតុលា ឆ្នាំ២០២៥ នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានទទួលជួបសម្តែងការគួរសម ជាមួយប្រធាន​គណៈប្រតិភូ​ឧត្តមមន្ត្រីការងារអាស៊ាន ក្នុងឱកាសចូលរួមកិច្ចប្រជុំឧត្តមមន្ត្រីការងារអាស៊ានលើកទី២១ នៅខេត្តសៀមរាប ប្រទេសកម្ពុជា។

ក្នុងជំនួបដ៏មានសារៈសំខាន់នេះ ឯកឧត្តមរដ្ឋមន្ត្រី បានស្វាគមន៍យ៉ាងកក់ក្តៅដល់​ប្រធាន​គណៈប្រតិភូឧត្តមមន្ត្រីការងារអាស៊ាន​ ដោយបានវាយតម្លៃខ្ពស់លើកិច្ច​សហប្រតិបត្តិការ​របស់អាស៊ាន ក្នុងវិស័យការងារ លើការជំរុញ ​និងលើកកម្ពស់ការងារសមរម្យ កិច្ចគាំពារសង្គម និង​ការអភិវឌ្ឍធនធានមនុស្សនៅក្នុងតំបន់ ដើម្បីកសាងសហគមន៍អាស៊ានមួយប្រកបដោយភាពធន់ ថាមវន្ត និងយកកត្ដាមនុស្សជាស្នូល។

ទន្ទឹមនេះ ឯកឧត្តមរដ្ឋមន្ត្រី បានសង្កត់ធ្ងន់លើស្មារតីនៃការប្តេជ្ញាចិត្តរួមគ្នានៃរដ្ឋជាសមាជិកអាស៊ាន និងវឌ្ឍនភាពឆ្ពោះទៅមុខសំខាន់ៗ ក្នុងការជំរុញការអភិវឌ្ឍជំនាញ និងពង្រីកកិច្ចគាំពារសង្គម៕