ព័ត៌មាន
ឯកឧត្តម ឌី វិជ្ជា បញ្ជាឱ្យសមត្ថកិច្ចបន្តបង្ក្រាបគ្រឿងញៀន ល្បែងស៊ីសង និងត្រៀមជួយពលរដ្ឋជួបគ្រោះផ្សេងៗ
ឯកឧត្ដម ឌី វិជ្ជា ដាក់ចេញបញ្ជាបែបនេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារប៉ុស្តិ៍រដ្ឋបាលចំនួន៥ នៅក្នុងខេត្តស្វាយរៀង នាថ្ងៃទី២៣ ខែឧសភា ឆ្នាំ២០២៤។
ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិបានបញ្ជាដល់អាជ្ញាធរពាក់ព័ន្ធ កងកម្លាំងគ្រប់លំដាប់ថ្នាក់នៅមូលដ្ឋាន ត្រូវបន្តបង្ក្រាបបញ្ហាបទល្មេីសគ្រឿងញៀនខុសច្បាប់គ្រប់ប្រភេទ និងល្បែងស៉ីសងជាដេីម ក្នុងនោះត្រូវត្រៀមជាប់ជានិច្ចនូវវិធានអន្តរាគមន៍ជួយសង្គ្រោះប្រជាពលរដ្ឋឲ្យបានទាន់ពេលវេលា នៅពេលមានគ្រោះថ្នាក់ផ្សេងៗកើតឡើង។ ឯកឧត្ដម ឌី វិជ្ជា ដាក់ចេញបញ្ជាបែបនេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារប៉ុស្តិ៍រដ្ឋបាលចំនួន៥ នៅក្នុងខេត្តស្វាយរៀង នាថ្ងៃទី២៣ ខែឧសភា ឆ្នាំ២០២៤។
បន្ថែមពីនេះ ឯកឧត្ដម ឧត្ដមសេនីយ៍ឯក បានដាស់តឿនកងកម្លាំងទាំងអស់ត្រូវតែមានការបេជ្ញាចិត្តខ្ពស់បំផុត ក្នុងការបម្រើសេវាជូនប្រជាពលរដ្ឋ និងធានាឲ្យបាននូវ ការថែរក្សា សន្តិសុខ សុវត្ថិភាព សណ្តាប់ធ្នាប់សាធារណៈជូនប្រជាពលរដ្ឋក្នុងមូលដ្ឋានរបស់ខ្លួនឲ្យបានល្អប្រសើ។
គួរឱ្យដឹងថា អគារប៉ុស្តិ៍រដ្ឋបាលទាំង៥ខ្នង ដែលដាក់សម្ពោធនាពេលនេះ គឺស្ថិតនៅប៉ុស្តិ៍រដ្ឋបាល ធ្លក, ប៉ុស្តិ៍រដ្ឋបាល ឈើទាល, ប៉ុស្តិ៍រដ្ឋបាល គ្រួស, ប៉ុស្តិ៍រដ្ឋបាល ព្រះពន្លា និងប៉ុស្តិ៍រដ្ឋបាលថ្នាធ្នង់។ អគារប៉ុស្តិ៍រដ្ឋបាលទាំង៥នេះ គឺជាចំណាយថវិកាសាងសង់ប្រមាណ៧ ៥០០០ដុល្លារ ជាអំណោយរបស់ឯកឧត្ដម ឧត្ដមសេនីយ៍ឯក ឌី វិជ្ជា ព្រមទាំងលោកជំទាវ ហ៊ុន ម៉ាណា។
ក្នុងឱកាសចូលរួមដាក់សម្ពោធឱ្យប្រើប្រាស់អគារប៉ុស្តិ៍រដ្ឋបាលទាំង៥ នាព្រឹកនេះ ឯកឧត្តម ឌី វិជ្ជា បាននាំយកអំណោយជាសម្ភារៈឧបត្ថម្ភដល់ប៉ុស្តិ៍នគរបាលទាំង០៥ ក្នុង០១ប៉ុស្តិ៍ទទួលបានកុំព្យូទ័រលើតុ០១គ្រឿង និងម៉ាស៊ីនព្រីនធ័រ០១គ្រឿង៕
អត្ថបទពី៖ កម្ពុជាថ្មី
-
កីឡា3 weeks ago
វត្តមានកិត្តិយសកំពូលអ្នកប្រដាល់ហ្វីលីពីន Pacquiao នឹងមកខ្មែរចូលរួមកម្មវិធីប្រដាល់ហនុមាន
-
ព័ត៌មាន1 week ago
សម្ដេចធិបតី៖ ក្រុមហ៊ុនរដ្ឋចំនួន២ ចូលរួមវិនិយោគលើគម្រោងព្រែកជីកហ្វូណនតេជោ
-
ព័ត៌មាន6 days ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មាន6 days ago
សម្ដេច ហ៊ុន ម៉ាណែត ប្រាប់ឱ្យពង្រឹងសុក្រឹតភាពក្នុងការប្រឡងជ្រើសរើសមន្រ្ដីចូលក្របខ័ណ្ឌ
-
ព័ត៌មាន1 week ago
សេដ្ឋកិច្ចកម្ពុជានឹងមានកំណើន ៥,៨% ក្នុងឆ្នាំ ២០២៤នេះ ជាមួយភាពប្រសើរឡើងនៃការនាំចេញ
-
PR NEWS2 weeks ago
ស្មារតីខ្មែរតែ១ វឌ្ឍនៈ ប្រ៊ូវើរី នាំយកផលិតផលខ្មែរទៅឆាកអន្តរជាតិ និងទទួលពានរង្វាន់ជាច្រើនពី Monde Selection ប្រចាំឆ្នាំ២០២៤
-
ព័ត៌មាន5 days ago
សមត្ថកិច្ចមិនដកថយការទប់ស្កាត់ក្មេងទំនើង ខណៈត្រឹមមួយសប្ដាហ៍ចុងក្រោយនេះ ឃាត់ខ្លួនជាង៣០០នាក់
-
ព័ត៌មាន2 days ago
ពលរដ្ឋសាទរចំពោះប្រព័ន្ធដោះទឹកជំនន់ចេញពីភ្នំពេញ និងតំបន់រណប ស្ទឹងព្រែកត្នោត