ព័ត៌មាន
វិធានការគន្លឹះក្នុងការកែទម្រង់រដ្ឋបាលសាធារណៈ ចូលរួមយ៉ាងសំខាន់ក្នុងការលើកកម្ពស់គុណភាពធនធានមនុស្ស ការអភិវឌ្ឍសមត្ថភាពស្ថាប័ន ការលើកកម្ពស់សមិទ្ធកម្ម និងភាពជាគំរូក្នុងការផ្តល់សេវាសាធារណៈ
ក្រោយពីឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាអនុប្រធានប្រចាំការនៃ គ.វ.រ. បានប្រកាសបើកវេទិកាកែទម្រង់រួចមក វេទិកាបានរៀបចំឱ្យមានបទបង្ហាញ និងកិច្ចពិភាក្សា ដោយផ្តោតលើការកែទម្រង់រដ្ឋបាលសាធារណៈ ការកែទម្រង់ការគ្រប់គ្រងហិរញ្ញវត្ថុសាធារណៈ ការកែទម្រង់សម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ និងការកែទម្រង់ច្បាប់។
ក្នុងនោះ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាប្រធានអនុគណៈកម្មាធិការប្រតិបត្តិនៃគ.វ.រ. ដែលជាវាគ្មិនមួយរូបក្នុងចំណោមវាគ្មិនទាំងបួន ឯកឧត្តមបានលើកឡើងពីកម្មវិបាកជាវិជ្ជមានពីការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ របស់រាជរដ្ឋាភិបាល នីតិកាលទី៧ នៃរដ្ឋសភា ថា នៅក្នុងក្របខ័ណ្ឌការកែទម្រង់រដ្ឋបាលសាធារណៈ របស់រាជរដ្ឋាភិបាល នីតិកាលទី៧ នៃរដ្ឋសភា បានចូលរួមយ៉ាងសំខាន់ក្នុងការលើកកម្ពស់គុណភាពធនធានមនុស្ស ក្នុងរដ្ឋបាលសាធារណៈ ការអភិវឌ្ឍសមត្ថភាពស្ថាប័ន និងការលើកកម្ពស់សមិទ្ធកម្មក្នុងរដ្ឋបាលសាធារណៈ និងភាពជាគំរូក្នុងការផ្តល់សេវាសាធារណៈ។
ជាវាគ្មិនមួយរូបក្នុងវេទិកា ដែលមានពេលវេលា១៥នាទី ក្នុងការធ្វើបទបង្ហាញ ឯកឧត្តម យក់ ប៊ុនណា បានបញ្ជាក់ថា វិធានការកែទម្រង់រដ្ឋបាលសាធារណៈ និងកម្មវិបាកវិជ្ជមាន ដែលរួមចំណែកដល់ការលើកកម្ពស់អភិបាលកិច្ចនៃរដ្ឋបាលសាធារណៈ ឆ្ពោះទៅការកសាងរដ្ឋបាលទំនើប សមត្ថភាពខ្ពស់ ខ្លាំង វៃឆ្លាត និងស្អាតស្អំ ដើម្បីសម្រេចគោលដៅអភិវឌ្ឍឆ្នាំ២០៣០ និងឆ្នាំ២០៥០។ វិធានការគន្លឹះក្នុងការកែទម្រង់រដ្ឋបាលសាធារណៈ ដែលរាជរដ្ឋាភិបាលក្នុងនីតិកាលទី៧ នៃរដ្ឋសភា បានដាក់ឱ្យអនុវត្ត ដើម្បីដោះស្រាយបញ្ហាប្រឈមជាអាទិភាព និងសម្រេចឱ្យបាននូវលទ្ធផលជាវិជ្ជមានជាក់ស្តែង រួមមាន៖ ១)ការដាក់ឱ្យអនុវត្តប្រព័ន្ធជ្រើសរើសមន្ត្រីឱ្យចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ២)ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់គុណភាពការងារប្រកបដោយវិន័យ សីលធម៌ វិជ្ជាជីវៈ ប្រសិទ្ធភាព និងស័ក្ដិសិទ្ធភាព និង ៣)ការដាក់ឱ្យអនុវត្តប្រព័ន្ធលើកទឹកចិត្តគាំទ្រសមិទ្ធកម្ម ប្រកបដោយសង្គតិភាព សមធម៌ ប្រសិទ្ធភាព និងចីរភាព។
សូមជម្រាបថា វេទិកាកែទម្រង់នាពេលនេះ រៀបចំឡើងដើម្បីផ្តល់ព័ត៌មានអំពីវឌ្ឍនភាពការងារដែលការដ្ឋានកែទម្រង់សំខាន់ៗ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភា សម្រេចបាន ក្នុងការលើកកម្ពស់អភិបាលកិច្ចនៃរដ្ឋបាលសាធារណៈ និងបង្កើតកាលានុវត្តភាពឱ្យបានកាន់តែទូលំទូលាយ សម្រាប់សាធារណជនក្នុងការចូលរួម និងផ្លាស់ប្តូរមតិយោបល់ រួមចំណែកជាធាតុចូលដល់ការលើកកម្ពស់អភិបាលកិច្ចក្នុងរដ្ឋបាលសាធារណៈឱ្យកាន់តែប្រសើរ ក៏ដូចជាផ្តល់ជាវេទិកា និងបង្កើតឱ្យមានវប្បធម៌សន្ទនា ឈរលើមូលដ្ឋានវិជ្ជាជីវៈ និងស្មារតីស្ថាបនា រវាងថ្នាក់ដឹកនាំ និងមន្ត្រីជំនាញដែលអនុវត្តការងារកែទម្រង់ផ្ទាល់ និងសាធារណជន៕
-
ព័ត៌មាន1 week agoមន្ទីរពេទ្យព្រះអង្គឌួង ដាក់ឱ្យប្រើប្រាស់ជាផ្លូវការ នូវម៉ាស៊ីន Endoscope សំរាប់ពិនិត្យ ព្យាបាល បញ្ហាក្នុងបំពង់ទឹកប្រមាត់ និងលំពែង
-
PR NEWS4 days agoមហាព្រឹត្តិការណ៍តន្ត្រីគុនខ្មែរលំដាប់ប្រទេសរបស់ស្រាបៀរ GANZBERG បានទៅដល់ខេត្តក្រចេះហើយ!
-
ព័ត៌មាន1 week agoសម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត
-
ព័ត៌មាន1 week agoក្រសួងការងារបង្ហាញក្តីរន្ធត់យ៉ាងក្រៃលែងចំពោះករណីចរាចរណ៍បណ្តាលឱ្យបងប្អូនកម្មករជាង ១០នាក់ស្លាប់ និងរបួសជាង៣០នាក់ នៅស្រុកកំពង់ត្រឡាច ខេត្តកំពង់ឆ្នាំ
-
ព័ត៌មាន1 week agoបច្ចុប្បន្នភាពត្រឹមម៉ោង១២! គ្រោះថ្នាក់ចរាចរណ៍នៅខេត្តកំពង់ឆ្នាំង និងស្វាយរៀង “ស្លាប់ ១៤នាក់ របួសធ្ងន់-ស្រាល ៩៣នាក់”
-
ព័ត៌មាន7 days agoអ្នកនាំពាក្យក្រសួងការពារជាតិ៖ មានឮសំឡេងបាញ់កាំភ្លើងចំនួន ២២គ្រាប់ ពីសំណាក់យោធាថៃដោយគ្មានមូលហេតុ នៅតំបន់ច្រកអន្តរជាតិអូរស្មាច់
-
ព័ត៌មាន1 week agoកម្ពុជានាំយកសក្តានុពលទេសចរណ៍ បេតិកភណ្ឌពិភពលោក វប្បធម៌ប្រពៃណីនិងស្នាមញញឹមកម្ពុជា ទៅភ្ជាប់បេះដូងប្រជាជនចិននៅហៃណានមកទស្សនាកម្ពុជាដោយផ្ទាល់
-
ព័ត៌មាន2 days agoកងទ័ពមានសុទិដ្ឋិនិយមស្ដូបអនុស្សាវរីយ៍នយោបាយឈ្នះ ឈ្នះ ខេត្តកោះកុងជានិមិត្តសញ្ញាសន្តិភាព