ព័ត៌មាន
អាជ្ញាធរមូលដ្ឋាន និងនគរបាល អះអាងថា មិនមានទឹកដី និងបង្គោលព្រំដែនបានបាត់បង់នោះទេ
អាជ្ញាធរមូលដ្ឋាន និងនគរបាលការពារព្រំដែន នៅខេត្តរតនគិរីដែលជាប់នឹងប្រទេសវៀតណាម អះអាងថា មិនមានទឹកដី និងបង្គោលព្រំដែនណាមួយរបស់កម្ពុជាបានបាត់បង់ដូចការចោទប្រកាន់ បំភ្លៃព័ត៌មានរបស់ក្រុមប្រឆាំងជ្រុលនិយមនោះទេ។
ស្របពេលក្រសួង-ស្ថាប័ន មជ្ឈដ្ឋានក្នុង និងក្រៅប្រទេសបន្តគាំទ្រដល់កិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) ដើម្បីឆ្លុះបញ្ចាំងដល់អត្ថប្រយោជន៍លើពាណិជ្ជ និងការអភិវឌ្ឍ ដែលផ្ទុយពីក្រុមមួយក្តាប់តូចចោទថាបាត់បង់ទឹកដីប្រទេសកម្ពុជាតាមរយៈខេត្តទាំង៤ ដែលត្រូវដាក់បញ្ជូនក្នុងគម្រោងនេះ។ បើតាមការឱ្យដឹងពីលោក ជាម សុខា អភិបាលរងស្រុកអណ្តូងមាស ខេត្តរតនគិរី បានបដិសេធចំពោះការចោទប្រកាន់ថា ដីក្នុងស្រុកអណ្តូងមាសបានបាត់ទឹកដី ឬជនបរទេសមកកាន់កាប់តាមបន្ទាត់ព្រំដែនកម្ពុជា។
លោកបញ្ជាក់ថា ក្នុងនាមអាជ្ញាធរមូលដ្ឋាននៅជាប់នឹងបន្ទាត់ព្រំដែន គឺមិនមានជនជាតិវៀតណាមណាមួយមកកាន់កាប់ទឹកដីកម្ពុជានោះទេ។ ផ្ទុយទៅវិញ ក្នុងនាមអាជ្ញាធរសូមស្វាគមន៍ដល់ប្រជាពលរដ្ឋដែលចង់ការពិតអាចអញ្ជើញទៅពិនិត្យ ដើម្បីស្វែងយល់ការពិតបានគ្រប់ពេលវេលា។
ជាមួយគ្នា លោកអនុសេនីយទោ តឿង ភុក នាយរងប៉ុស្ត៍នគរបាលការពារព្រំដែនគោកលេខ៣០១ (តាង៉ា) អះអាងថា ក្នុងនាមនគរបាលដែលបានបំពេញភារកិច្ចរយៈពេល១០ឆ្នាំនៅចំណុចព្រំដែនជាប់ប្រទេសវៀតណាម ស្ថិតក្នុងភូមិង៉ា ឃុំញ៉ាង ស្រុកអណ្តូងមាស គឺមិនមានបង្គោលព្រំដែនណាមួយបានប្រែប្រួលខុសពីសភាពដើម ឬឆ្លងដែនខុសច្បាប់នោះទេ ដោយសារកងកម្លាំងធ្វើការយាមល្បាតជារៀងរាល់ថ្ងៃ។
សូមជម្រាបថា ខេត្តរតនគិរីមានចំងាយជិត៦០០គីឡូម៉ែត្រពីរាជធានីភ្នំពេញ។ ខេត្តរតនគិរីមានព្រំដែនជាប់នឹងប្រទេសវៀតណាមប្រមាណ២០០គីឡូម៉ែត្រ និងប្រទេសឡាវជាង១០០គីឡូម៉ែត្រ ព្រមទាំងមានកងទ័ព និងនគរបាលការពារព្រំដែនបានបន្តឈរជើងតាមបន្ទាត់ព្រំដែនទាំងនោះ ដើម្បីការពារសន្តិសុខ សណ្តាប់ធ្នាប់ និងបទល្មើសខុសច្បាប់នានា៕
-
ព័ត៌មាន2 days agoមេបញ្ជាការកងទ័ពជើងទឹកអញ្ជើញបិទវគ្គហ្វឹកហ្វឺនពលទាហានថ្មី វគ្គទី៧ បំពេញក្របខណ្ឌឲ្យកងទ័ពជើងគោក ឆ្នាំ២០២៦ និងបើកវគ្គហ្វឹកហ្វឺនបំប៉នជំនាញកាំភ្លើងការពារអាកាសឆ្នាំ២០២៦
-
ព័ត៌មាន1 week agoអភិបាលខេត្តកោះកុង ចាត់ទុកបុណ្យពូនភ្នំទុរេន ជាកម្លាំងសាមគ្គី និងលើកស្ទួយទិន្នផលកសិកម្ម
-
ព័ត៌មាន1 week agoអតីតសកម្មជនគណបក្សប្រឆាំងចំនួន ១០២នាក់ សុំចូលរួមជីវភាពនយោបាយជាមួយគណបក្សប្រជាជនកម្ពុជា
-
ព័ត៌មាន4 days agoកម្ពុជាបានទាក់ទាញក្រុមហ៊ុនផលិតរថយន្តអន្តរជាតិ និងក្រុមហ៊ុនក្នុងស្រុកធំៗ១៣ មកបង្កើតរោងចក្រផ្គុំនិងដំឡើង
-
ព័ត៌មាន5 days agoសម្ដេចធិបតី៖ អត្ថប្រយោជន៍ពិតប្រាកដនៃយុគសម័យ AI មិនអាចសម្រេចបានពេញលេញ ដោយធ្វើសកម្មភាពឯកឯងនោះទេ
-
ព័ត៌មាន4 days agoកម្ពុជា-ស្វ៊ីស សាទរសមិទ្ធផលនៃគម្រោងគំនិតផ្ដួចផ្ដើម TVET អាស៊ាន-ស្វ៊ីស ដំណាក់កាលទី ១ និងឯកភាពបន្តដំណាក់កាលទី ២ ដើម្បីបន្តលើកកម្ពស់កម្មវិធី TVET នៅកម្ពុជា
-
ព័ត៌មាន1 week agoកងទ័ពជើងទឹកត្រៀមកម្លាំង និងសម្ភារៈសង្រ្គោះរួចជាស្រេចដើម្បីអន្តរាគមន៍ជួយពលរដ្ឋរងគ្រោះដោយទឹកជំនន់ និងគ្រោះមហន្តរាយផ្សេងៗទៀត
-
ព័ត៌មាន1 week agoសភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីកម្ពុជា