ឮល្ហៀងៗ IDOL Make Up Battle ចាប់ផ្តើមវគ្គពិសេសដំបូងក្នុងសប្តាហ៍នេះ

រម្លឹកដល់ ស្ថានីទូរទស្សន៍បាយ័ន និងភេសជ្ជៈប៉ូវកំលាំង Idol បានបង្កើតកម្មវិធីដ៏ល្អឯកមួយដែលមានឈ្មោះថា « Idol Make Up Battle » ដើម្បីផ្តល់ឱកាសដល់បេក្ខជនបេក្ខនារីអាចបង្ហាញសមត្ថភាពជាសាធារណៈ ព្រមទាំងទទួលបានការទទួលស្គាល់ពីសំណាក់មហាជន។

បន្ទាប់ពី Spoil រូបភាព និងវីដេអូខ្លីៗពីកម្មវិធីកន្លងទៅជាច្រើនសប្តាហ៍រួចមក យើងសង្កេតឃើញមហាជនភាគច្រើន ពីសេសក្រុមយុវវ័យសម័យថ្មី ចាប់អារម្មណ៍យ៉ាងខ្លាំងទៅលើកម្មវិធី IDOL Make Up Battle ព្រមជាមួយការបញ្ចេញមតិល្អៗជាច្រើនតាមរយៈការខម្មិនផងដែរ។

យ៉ាងណាមិញ ថ្មីៗនេះ ពីកម្មវិធីបានប្រកាសថានឹងចាក់ផ្សាយកម្មវិធី IDOL Make Up Battle លើកដំបូងដែលជាវគ្គពិសេស នៅលើកញ្ចក់ទូរទស្សន៍បាយ័ន ព្រមជាមួយការគេហៈទំព័រហ្វេសប៊ុក IDOL Make Up Battle និង IDOL Drink នៅថ្ងៃទី ១២ ខែកក្កដា ២០២៥ វេលាម៉ោង ៨យប់តទៅ។

គួរបញ្ជាក់ផងដែលថា សម្រាប់ប្រាក់រង្វាន់៖ ចំណាត់ថ្នាក់លេខ១ ទទួលបាន ២០លានរៀល ចំណាត់ថ្នាក់លេខ២ ទទួលបាន ៨លានរៀល និងចំណាត់ថ្នាក់លេខ៣ទទួលបាន ៤លានរៀល។ កម្មវិធីបានធ្វើការជ្រើសរើសបេក្ខជនឆ្នើមបំផុតចំនួន ១០រូប ចេញពីការប្រលងវគ្គ Audition ដើម្បីមានឱកាសមកប្រកួតក្នុងកម្មវិធីជាបន្ត។ IDOL Make Up Battle មានគណៈកម្មាការចំនួន ៣រូប ដែលសុទ្ធសឹងតែជាអ្នកជំនាញ ពោរពេញទៅដោយសមត្ថភាពពិសេសខុសៗពីគ្នា រង់ចាំដាក់ពន្ទុកដល់បេក្ខជនបេក្ខនារីយ៉ាងសុក្រិតភាព។
សូមរង់ចាំតាមដានទស្សនាទាំងអស់គ្នានៅថ្ងៃសៅរ៍ ទី១២ ខែកក្កដា ២០២៥ វេលាម៉ោង ៨៖០០ យប់តទៅ៕

កម្មវិធីឧបត្ថម្ភផ្តាច់មុខដោយ IDOL
អត្ថបទដោយ៖ Hati