កាន់តែកក្រើក! ជាមួយនឹងវិស័យច្នៃម៉ូតកម្ពុជា ពីកម្មវិធី ABC Lions of Fashion

បច្ចុប្បន្នវិស័យច្នៃម៉ូតតាមបណ្តាប្រទេសមួយចំនួនកាន់តែរីកចម្រើន និងមានភាពល្បីល្បាញខ្លាំងទៅលើឆាកអន្តរជាតិ។ ដោយក្រឡេកឃើញពីចំណុចនេះហើយ ទើបស្រាបៀរ ABC បានសហកាណ៍ជាមួយនឹងស្ថាននីទូរទស្សន៍បាយ័ន​រៀបចំកម្មវិធីដ៏ល្អឯកមួយនេះឡើងដើម្បីលើកស្ទួយវិស័យច្នៃម៉ូតក៏ដូចជាផ្សព្វផ្សាយទៅកាន់ឆាកអន្តរជាតិពីប្រទេសកម្ពុជាយើង។

កម្មវិធីនេះរៀបចំឡើងក្នុងគោលបំណងលើកស្ទួយវិស័យឧស្សាហកម្មម៉ូដនៃព្រះរាជាណាចក្រកម្ពុជា តាមរយៈការផ្តល់​វេទិកា​មួយ​ដែល​លើកតម្កើង​សហគ្រិនម៉ូតដែលមានទេព​កោសល្យបញ្ចេញស្នាដៃដ៏ឆ្នើមរបស់ពួកគេ។
ពីកម្មវិធី ពុកម៉ែ បងប្អូននឹងបានជួបជាមួយនឹងបេក្ខជនដែលជា​កំពូលអ្នក​ច្នៃម៉ូតទាំង ១០រូប​ ដែលមកបញ្ចេញសម្ថភាព​នៅក្នុងកម្មវិធី ABC Lions of Fashion។

បេក្ខជននិងបេក្ខនារីទាំង១០រូបដែលសុទ្ធសឹងតែជាអ្នកជំនាញខាងច្នៃម៉ូតមកពីគ្រប់បណ្តាខេត្តក្រុងនឹងត្រូវមកប្រកួតគ្នា ដើម្បីបញ្ចេញសម្ថភាពរៀងៗខ្លួន។ គួរបញ្ជាក់ផងដែរថា រាល់សិល្បៈក្នុងការច្នៃម៉ូតសំលៀកបំពាក់នីមួយៗ គឺផ្សាភ្ជាប់ជាមួយនឹងពីវប្បធម៌ ប្រពៃណី បូករួមការច្នៃពីវត្ថធាតុដើមរបស់ខ្មែរទាំងអស់។ កម្មវិធីដ៏ល្អឯកនេះនឹងជួយលើកតម្កើនដ៏វិស័យច្នៃម៉ូត និងក្រុមអ្នកស្រឡាញ់វិស័យនេះនៅកម្ពុជាឱ្យកាន់តែទូលំទូលាយ និងក្តីសង្ឃឹម។

មិនត្រឹមតែប៉ុណ្ណោះទស្សនិកជននឹងបានជួបជាមួយនឹង Mentor ទាំង២រូបដែលសុទ្ធសឹងតែជាអ្នកជំនាញ និងមាន​បទពិសោធន៍​យូរឆ្នាំក្នុងវិស័យច្នៃម៉ូតនឹងមកផ្តល់មតិក៏ដូចជាជួយបង្ហាត បង្ហាញបន្ថែមទៅលើគំនិតច្នៃម៉ូដថ្មីៗជាច្រើន​ថែមទៀត​ទៅដល់បេក្ខជនបេក្ខនារីរបស់យើង។

ក្នុងនោះរួមមាន លោក ណាត សុខណាន់ ដែលជាអ្នកជំនាញជនជាតិខ្មែរមានបទពិសោធន៍ជាង១០ឆ្នាំ ទៅលើផ្នែកកែ​ច្នៃម៉ូដ​សម្លៀកបំពាក់ទាំងបុរាណនិងសម័យទំនើប។ ចំណែក Mentor ទី២របស់យើង គឺជាកញ្ញា Van Natacha  ក៏ជាកំពូលអ្នកចំណេះជំនាញ បំរើការងារទៅលើផ្នែកច្នៃម៉ូតសម្លៀកបំពាក់មិនក្រោម១០ឆ្នាំនោះទេ។ អ្វីដែលកាន់តែពិសេសនោះគឺ Mentor ទាំង ២រូប មានគោលដៅ ឆន្ទះតែមួយ គឺចង់កែប្រែ និងលើកស្ទួយវិស័យ ច្នៃម៉ូតនៅកម្ពុជាឱ្យកាន់តែលេចធ្លោឈានជំហានទៅកាន់ឆាកអន្តរជាតិកាន់តែច្រើន។

ហេតុដូច្នេះ សូមពុកម៉ែបងប្អូនកុំភ្លេចរង់ចាំតាមដានទស្សនាកម្មវិធី ABC Lions of Fashion ដែលនឹងមានចាក់ផ្សាយនៅលើកញ្ចក់ទូរទស្សន៍បាយ័ន រៀងរាល់ថ្ងៃអង្គារ វេលាម៉ោងចាប់ពី ៩យប់នេះតទៅ។
កម្មវិធីនេះនាំមកជូនផ្តាច់មុខដោយស្រាបៀរ ABC ជាឧត្តមភាពដ៏ល្អឯក BE EXCEPTIONAL៕

ទស្សនាវីដេអូ៖

អត្ថបទដោយ៖ Ha Ti