ព័ត៌មាន
កម្មករ-និយោជិត ត្រូវចាត់ទុករោងចក្រជាកន្លែងប្រភពចំណូលផ្គត់ផ្គង់គ្រួសារឱ្យមានភាពល្អប្រសើរ
កម្មករ-និយោជិត ត្រូវចាត់ទុករោងចក្រជាកន្លែងប្រភពចំណូលផ្គត់ផ្គង់គ្រួសារឱ្យមានភាពល្អប្រសើរ…
លោក គួច ចំរើន អភិបាល នៃគណៈអភិបាលខេត្តព្រះសីហនុ បានណែនាំដល់កម្មករ-និយោជិតទាំងអស់ ត្រូវចាត់ទុករោងចក្រជាកន្លែងប្រភពចំណូលផ្គត់ផ្គង់គ្រួសារឱ្យមានភាពល្អប្រសើរ សុភមង្គល និងសេចក្ដីថ្លៃថ្នូរ។
លោកអភិបាលខេត្ត បានណែនាំទៀតថា ដូច្នេះសូមឱ្យកម្មករ-និយោជិតទាំងអស់ ត្រូវរៀបចំធ្វើសៀវភៅការងារឱ្យបានគ្រប់គ្នា ព្រោះសៀវភៅនេះ ផ្ដល់អត្ថប្រយោជន៍ដល់ពួកគាត់នៅពេលក្រោយ។ ក្នុងពិធីអបអរសាទរខួបអនុស្សាវរីយ៍លើកទី ១៣៨ នៃទិវាពលកម្មអន្តរជាតិ ១ ឧសភា ឆ្នាំ ២០២៤ ក្រោមប្រធានបទ (សហគ្រាសមួយ ជាសហគមន៍សុខសាន្តមួយ) កាលពីថ្ងៃទី ០៨ ឧសភា នៅតំបន់សេដ្ឋកិច្ចពិសេស ខេមបូឌាន(ចេជាង ហ្គ័រជី) លោកអភិបាលខេត្ត បានបន្តថា រាជរដ្ឋាភិបាលបានរៀបចំគោលនយោបាយប្រាក់សោធននិវត្តន៍ជូនដល់និយោជក កម្មករ និយោជិត នៅតាមបណ្តារោងចក្រ សហគ្រាស និងអ្នកបម្រើការងារក្រៅប្រព័ន្ធ ផ្តល់អត្ថប្រយោជន៍ជូនអ្នកដែលពីមុនមិនមានរបបសោធននិវត្ត តែឥឡូវនេះបានពង្រីករបបថែទាំសុខភាពជូនអ្នកនៅក្នុងបន្ទុកសមាជិកបេឡាជាតិសន្តិសុខសង្គម (ប.ស.ស)។
ជាមួយគ្នានេះដែរ រាជរដ្ឋាភិបាលបានដាក់ចេញគោលនយោបាយគាំពារសង្គម របបសោធននិវត្ត បើកម្មករ-និយោជិត មានជំងឺអាចទៅព្យាបាលនៅមន្ទីរពេទ្យតាមរយៈមានប័ណ្ណ (ប.ស.ស) ក្នុងនោះរាជរដ្ឋាភិបាលបន្តនិរន្តរភាព និងបង្កើនប្រសិទ្ធភាពឧបត្ថម្ភសាច់ប្រាក់ដល់ស្ត្រីមានផ្ទៃពោះមុនពេលសម្រាលកូន និងក្រោយសម្រាលកូនរហូតដល់កូនអាយុ ២ ឆ្នាំ ចំនួន ១៤ លើក ដោយ ១ លើក ទទួលបានថវិកា ៨ ម៉ឺនរៀល និងប្រាក់ឧបត្ថម្ភពេលសម្រាលកូនចំនួន ៨០ ម៉ឺនរៀល ដើម្បីលើកកម្ពស់សុខុមាលភាពមាតា និងទារក រួមចំណែកដោះស្រាយកង្វះអាហារូបត្ថម្ភ ព្រមទាំងជំរុញការលូតលាស់កាយសម្បទា និងបញ្ញាស្មារតី។ លោកអភិបាលខេត្ត ក៏បានធ្វើការណែនាំ និងអំពាវនាវដល់រោងចក្រ សហគ្រាស រួមទាំងកម្មករ-និយោជិត ត្រូវយល់ថា រោងចក្រជាកន្លែងប្រភពចំណូលផ្គត់ផ្គង់គ្រួសារឱ្យមានភាពល្អប្រសើរ មានសុភមង្គល និងសេចក្ដីថ្លៃថ្នូរ។ ដូច្នេះសូមឱ្យកម្មករ-និយោជិតទាំងអស់ ត្រូវរៀបចំធ្វើសៀវភៅការងារឱ្យបានគ្រប់គ្នា ព្រោះសៀវភៅនេះ ផ្ដល់អត្ថប្រយោជន៍នៅពេលក្រោយ។
ក្នុងឱកាសនោះ លោកអភិបាលខេត្ត ក៏បាននាំយកថវិកា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ឧបត្ថម្ភជូនកម្មករ-និយោជិត ចំនួន ៨០០ នាក់ ក្នុងម្នាក់ៗ ទទួលបាន ២ ម៉ឺនរៀល ចំពោះអ្នកមានផ្ទៃពោះ ១៩ នាក់ ក្នុងម្នាក់ៗ ទទួលបាន ២០ ម៉ឺនរៀល៕
ប្រភពអត្ថបទ ៖ កម្ពុជាថ្មី
-
PR NEWS4 days agoស្វាគមន៍បងប្អូនកំពង់ឆ្នាំង! ចុងសប្តាហ៍នេះ GANZBERG នឹងនាំមកនូវមហាព្រឹត្តិការណ៍ដ៏អស្ចារ្យមួយ!
-
កីឡា3 days agoមកហើយ!! ប្រជុំដោយកំពូលខ្លាំងគុនខ្មែរប៉ះខ្លាំងមកពីបរទេស វាយកក្រើកសង្វៀន “BOOSTRONG KUN KHMER SPECIAL BATTLE” នៅបាយ័នស្ទឹងមានជ័យ
-
ព័ត៌មាន1 week agoសម្ដេចតេជោ-ធិបតី តែងតែក្រើនរម្លឹកដល់អាជ្ញាធរគ្រប់លំដាប់ថ្នាក់ឱ្យបង្ក្រាបបទល្មើសតាមប្រព័ន្ធបច្ចេកវិទ្យាដោយវិធានការយ៉ាងតឹងរ៉ឹង និងម៉ឺងម៉ាត់បំផុត
-
ព័ត៌មាន1 week agoក្រុមគ្រូពេទ្យភ្នែកស្ម័គ្រចិត្តចុះពិនិត្យព្យាបាលភ្នែក និងផ្ដល់វ៉ែនតាជូនពលរដ្ឋស្រុកស្ទោងខេត្ដកំពង់ធំ
-
ព័ត៌មាន3 days agoលិខិតចំហស្តីពី «គំរូខ្នងផ្សារ»៖ ការអភិវឌ្ឍដែលស្តែងចេញពីបេះដូងមនុស្សធម៌
-
ព័ត៌មាន1 week agoសម្តេចតេជោ ហ៊ុន សែន ជម្រុញដល់មន្ត្រីខេត្តកណ្តាលខិតខំបំពេញការងារបម្រើប្រជាជនដោយស្មោះត្រង់ និងមានទំនាក់ទំនងល្អជាមួយប្រជាជន
-
ព័ត៌មាន1 week agoអ្នកនាំពាក្យ៖កម្លាំងមហាសាមគ្គីជាតិខ្មែរបានគាំទ្ររាជរដ្ឋាភិបាលក្នុងប្រើប្រាស់យន្តការផ្សះផ្សារដោយបង្ខំជាមួយថៃដើម្បីដោះស្រាយវិវាទទាមទារដែនសមុទ្រត្រួតស៊ីគ្នា
-
ព័ត៌មាន1 week agoលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមកម្មវិធីបញ្ចុះបឋមសិលាកសាង «រតនមន្ទីរពុទ្ធមណ្ឌលវិបស្សនាឧដុង្គ» ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា