ព័ត៌មាន
ស.ស.យ.ក បាននាំយកក្រមា សារ អំបុក នំខ្ញី និងជំនួយជូនដល់វីរកងទ័ពជួរមុខ
ក្រុមការងារសហភាពសហព័ន្ធយុវជនកម្ពុជា នៅថ្ងៃទី ៨ ខែមេសា ២០២៦ម្សិលម៉ិញនេះ បាននាំយកក្រមា សារ អំបុក នំខ្ញី ក៏ដូចជាជំនួយនានាពីប្រជាពលរដ្ឋជួរក្រោយជូនដល់វីរកងទ័ពជួរមុខ។ ការនាំយកទៅកាលពីម្សិលម៉ិញនេះ បានប្រគល់ជូនវីរកងទ័ពជួរមុខ ដែលឈរជើងការពារបូរណភាពទឹកដី នៅខេត្តព្រះវិហារ។
ឈរលើពាក្យស្លោក “ ស្មារតីនៅជាមួយជាតិ កងកម្លាំង និងជនភៀសសឹក គ្រប់វេលា”ក្រុមការងារសហភាពសហព័ន្ធយុវជនកម្ពុជា បាននាំយកនូវក្រមា នាំយកសាររបស់ពលរដ្ឋ អំបុក នំខ្ញី ក៏ដូចជា ជំនួយជាស្បៀង ជាសម្ភារប្រើប្រាស់ជាច្រើនបន្ថែមទៀត ដែលចេញពីការដឹងគុណរបស់ប្រជាពលរដ្ឋជួរក្រោយ ជូនដល់វីរកងទ័ពជួរមុខឈរជើងការពារបូរណភាពទឹកដី នៅខេត្តព្រះវិហារ។
ឯកឧត្តម សុខ សប្បាយណា សមាជិកគណៈអចិន្ត្រៃយ៍ ស.ស.យ.ក បានលើកឡើងនូវក្ដីរំភើប ដែលបានមកឈរនៅពីមុខវីរកងទ័ព ហើយបាននាំមកនូវ ការសាកសួរសុទុក្ខ ការផ្ដាំផ្ញើក្ដីរលឹក ការដឹងគុណ ពីក្រុមការងារ ស.ស.យ.ក ក៏ដូចជាពីប្រជាពលរដ្ឋជួរក្រោយទាំងអស់ ជូនដល់វីរកងទ័ព មុនឱកាសចូលឆ្នាំប្រពៃណីជាតិខ្មែរ កាន់តែខិតចូលមកដល់។
ក្រមា និងសារ ក៏បានប្រគល់ជូនដល់ដៃ វីរកងទ័ពដោយផ្ទាល់។ ចាប់កាន់ ចាប់ផ្ដើមអាន អានដោយក្ដីរំភើប ពោពេញដោយភាពកក់ក្ដៅ និងបង្ហាញស្នាមញញឹម ចំពោះពាក្យពេចន៍របស់ប្រជាពលរដ្ឋដែលបានសរសេរជូន។
ឯកឧត្តមក៏បានបានលើកឡើងថា ប្រជាពលរដ្ឋជួរក្រោយក៏ដូចជាក្រុមការងារ ស.ស.យ.ក ពុំដែលភ្លេចគុណបំណាច់វីរកងទ័ព ឬភ្លេចប្រជាពលរដ្ឋភៀសសឹកនោះទេ។ ឯកឧត្តមលើកឡើងដែរថា កន្លងមកនេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញនាំយកកម្មវិធីសង្ក្រាន្តជំរំភៀសសឹក និងការសាកសួរសុខទុក្ខ និងពិសារអាហារសាមគ្គីជាមួយប្រជាពលរដ្ឋភៀសសឹក ១២ជំរុំរួចមកហើយ។
ក្រៅពីប្រគល់ សារ ក្រមា អំបុក នំខ្ញី និងជំនួយផ្សេងៗទៀតជូនវីរកងទ័ពនាពេលនេះ ឯកឧត្តម សុខ សប្បាយណា ក៏បានជម្រាបជូនវីរកងទ័ពដែរថា ការរៀបចំព្រឹត្តិការណ៍នគរសង្ក្រាន្តនាឱកាសបុណ្យចូលឆ្នាំប្រពៃណីជាតិខ្មែរខាងមុខនេះ ក៏ជាការរៀបចំផ្សារភ្ជាប់ប្រជាពលរដ្ឋជួរក្រោយទៅនឹងជួរមុខផងដែរ។ ឯកឧត្តម បញ្ជាក់ថាគ្រប់ទីកន្លែងនៃព្រឹត្តិការណ៍នគរសង្ក្រាន្តនឹងមានការដាក់នូវពាក្យស្លោក “ ស្មារតីនៅជាមួយជាតិ កងកម្លាំង និងជនភៀសសឹក គ្រប់វេលា”។ ក្រុមការងារងារក៏ដូចជាប្រជាពលរដ្ឋក៏នឹងមានការរៀបចំ ការធ្វើនំអន្សម អំបុក នំខ្ញី សម្រាប់ផ្ញើមកជួរមុខបន្ថែមទៀត នាឱកាសចូលឆ្នាំខ្មែរ។ លើសពីនេះ រាល់ថវិកាដែលក្រុមការងារ ស.ស.យ.ក ទទួលបានពីការលក់វត្ថុអនុស្សាវរីយ៍ នឹងប្រគល់ជូនអ្នកនៅជួរមុខទាំងអស់៕ អត្ថបទ៖ គឹម ហុក
-
PR NEWS7 days agoចុងសប្តាហ៍នេះ មហាព្រឹត្តិកាណ៍ GANZBERG នឹងទៅដល់ខេត្តកមពង់ស្ពឺ
-
ព័ត៌មាន1 week agoសហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ
-
ព័ត៌មាន1 week agoចាប់ពីថ្ងៃទី១០ដល់១៣ មិថុនា អាជ្ញាធររាជធានីភ្នំពេញចុះត្រួតពិនិត្យទីតាំងឃ្លាំងទំនិញសង្ស័យនាំចូលពីថៃចំនួន ១០៧ទីតាំង រកឃើញ១២ទីតាំងនាំសាច់បង្កកពីថៃ
-
ព័ត៌មាន5 days agoបង្រ្កាបបទល្មើសគ្រឿងញៀននៅចំណុចស្តារវីហ្កាសឃាត់ខ្លួនមនុស្ស ចំនួន១៤១នាក់
-
ព័ត៌មាន5 days agoអាវុធហត្ថខេត្តព្រះសីហនុបង្រ្កាបទីតាំង ONLINE SCAMS មួយកន្លែងឃាត់ខ្លួនជនសង្ស័យចំនួន ១៨នាក់
-
ព័ត៌មាន5 days agoឯកឧត្តមទេសរដ្ឋមន្រ្តី លី ធុជ៖ ក្រោមការដឹកនាំប្រកបដោយចក្ខុវិស័យរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី កម្ពុជាកំពុងក្លាយជាគោលដៅវិនិយោគដែលមានស្ថិរភាព តម្លាភាព និងអាចជឿទុកចិត្តបាន
-
ព័ត៌មាន1 week agoបទល្មើសធនធានធម្មជាតិ ចំនួន២០ករណី ត្រូវបានបង្រ្កាបនៅក្នុងភូមិសាស្រ្តតំបន់ជួរភ្នំក្រវាញ ក្នុងខែឧសភា ឆ្នាំ២០២៦
-
ព័ត៌មាន1 week agoសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត