ព័ត៌មាន
ជម្លោះព្រំដែនកម្ពុជា-ថៃ ទាមទារឱ្យកម្ពុជាគិតជ្រៅ និងបែបយុទ្ធសាស្រ្ដជាទីបំផុតដើម្បីទាមទារទឹកដីមកវិញ
ឯកឧត្តម ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានថ្លែងបញ្ជាក់ថា ស្ថានភាពជម្លោះព្រំដែនកម្ពុជា-ថៃ បានដើរមកដល់របត់មួយទាមទារឱ្យកម្ពុជាគិតជ្រៅ វែងឆ្ងាយ លម្អិត និងបែបយុទ្ធសាស្រ្ដជាទីបំផុត ដើម្បីសម្រេចចិត្តឱ្យត្រូវទាមទារឱ្យទាល់តែបានមកវិញនូវទឹកដីដែលថៃកាន់កាប់ គឺជាអាទិភាពចំបងរបស់រាជរដ្ឋាភិបាល។
ឯកឧត្តម ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានបញ្ជាក់បែបនេះ តាមរយៈសន្និសីទសារព័ត៌មានក្នុងឱកាសសម្ដេចធិបតី និងលោកជំទាវបណ្ឌិត ដឹកនាំគណៈប្រតិភូរាជរដ្ឋាភិបាលកម្ពុជាធ្វើមាតុភូមិនិវត្តន៍ដល់កម្ពុជាវិញ ក្រោយបញ្ចប់បេសកកម្មដោយជោគជ័យ ក្នុងការចូលរួមកិច្ចប្រជុំកំពូលស្តីពីសុខភាពតែមួយ នៅទីក្រុងលីយ៉ុង និងទស្សនកិច្ចការងារ នៅទីក្រុងប៉ារីស នៃសាធារណរដ្ឋបារាំង ចាប់ពីថ្ងៃទី៦-៩ ខែមេសា ឆ្នាំ២០២៦។
ឯកឧត្តម ហ្សង់ ហ្វ្រង់ស័រ តាន់ បានថ្លែងបញ្ជាក់ថាក្នុងឱកាសបេសកកម្មនៅប្រទេសបារាំងលើកនេះសម្ដេចធិបតីបន្តប្រាប់ការពិតអំពីទង្វើឈ្លានពានរបស់ថៃមកលើដែនអធិបតេយ្យភាពរបស់កម្ពុជា ដោយសម្ដេចលើកឡើងពីការពិត ឈរលើគោលការណ៍មួយច្បាប់ លាតត្រដាងការពិត។
ឯកឧត្តមថ្លែងថាសម្ដេចធិបតីបានប្រាប់ការពិតអំពីទង្វើឈ្លានពានរបស់ថៃមកលើដែនអធិបតេយ្យភាពកម្ពុជាដល់ប្រធានាធិបតីបារាំងចំនួនបីចំណុច ទីមួយ គឺភាពតាងតឹងអចិន្រ្ដៃយ៍កំពុងបន្តគ្រប់ដណ្ដប់តាមព្រំដែន បណ្ដាលមកពីកងទ័ពថៃបន្តចូលជ្រៅមកលើទឹកដីកម្ពុជា, ទីពីរ កម្ពុជាដាច់ខាតមិនទទួលឡើយនូវសកម្មភាពការកែប្រែខ្សែបន្ទាត់ព្រំដែនដែលខុសច្បាប់អន្តរជាតិ បានន័យថា ទោះបីថៃឈ្លានពានយកក្ដី និងទីបីកម្ពុជាប្រកាន់ភ្ជាប់ជំហរដោះស្រាយជម្លោះព្រំដែនដោយសន្ដិវិធី ផ្អែកលើច្បាប់អន្តរជាតិ សន្ធិសញ្ញាដែលមានស្រាប់ និងគ្រប់កិច្ចព្រមព្រៀងដែលភាគីទាំងបានឯកភាពគ្នា។
ឯកឧត្តម ហ្សង់ ហ្វ្រង់ស័រ តាន់ បានបញ្ជាក់ថា ជុំវិញជំនួបការងាររវាងសម្ដេចធិបតី និងប្រធានាធិបតីបារាំង បានប្រព្រឹត្តទៅក្រោមបរិយាកាសស្និទ្ធស្នាល និងស្មោះស្ម័គ្រលើភាពជាមិត្តភាពរវាងសម្ដេចធិបតី និងប្រធានាធិបតីបារាំង និងការពង្រឹង-ពង្រីកទំនាក់ទំនងទៅជាភាពជាដៃគូយុទ្ធសាស្រ្ដក្នុងពេលឆាប់ៗខាងមុខនេះ ខណៈដែលថ្នាក់ដឹកនាំកំពូលទាំងពីរបានស្គាល់គ្នាច្បាស់ទៅវិញទៅមក។
ឯកឧត្តម បញ្ជាក់ទៀតថា ៖«ស្ថានភាពជម្លោះព្រំដែនកម្ពុជា-ថៃ បានដើរមកដល់របត់មួយទាមទារឱ្យកម្ពុជាគិតជ្រៅ វែងឆ្ងាយ លម្អិត និងបែបយុទ្ធសាស្រ្ដជាទីបំផុត ដើម្បីសម្រេចចិត្តឱ្យត្រូវ ទាមទារឱ្យទាល់តែបានមកវិញនូវទឹកដីដែលថៃកាន់កាប់គឺជាអាទិភាពចំបងរបស់រាជរដ្ឋាភិបាល»។
ឯកឧត្តម ហ្សង់ ហ្វ្រង់ស័រ តាន់ ជម្រាបជូនជនរួមជាតិថា ក្នុងជម្លោះបែបកម្ពុជា-ថៃ គឺមានច្រើនណាស់នៅលើពិភពលោក។ ក្នុងជម្លោះបែបយោធានេះ អ្នកដែលមានកម្លាំងយោធាខ្លាំងមិនមែនចេះតែឈ្នះរហូតនោះទេ ឧទាហរណ៍ដូចជាករណីទីម័រឡេស្ដេ និងករណីប្រទេសប៉ាណាម៉ា ដែលជម្លោះនេះទាមទារពេលវេលា និងកាលៈទេសៈក្នុងការដោះស្រាយ៕
-
ព័ត៌មាន1 week agoមន្ទីរពេទ្យព្រះអង្គឌួង ដាក់ឱ្យប្រើប្រាស់ជាផ្លូវការ នូវម៉ាស៊ីន Endoscope សំរាប់ពិនិត្យ ព្យាបាល បញ្ហាក្នុងបំពង់ទឹកប្រមាត់ និងលំពែង
-
PR NEWS4 days agoមហាព្រឹត្តិការណ៍តន្ត្រីគុនខ្មែរលំដាប់ប្រទេសរបស់ស្រាបៀរ GANZBERG បានទៅដល់ខេត្តក្រចេះហើយ!
-
ព័ត៌មាន1 week agoសម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត
-
ព័ត៌មាន1 week agoក្រសួងការងារបង្ហាញក្តីរន្ធត់យ៉ាងក្រៃលែងចំពោះករណីចរាចរណ៍បណ្តាលឱ្យបងប្អូនកម្មករជាង ១០នាក់ស្លាប់ និងរបួសជាង៣០នាក់ នៅស្រុកកំពង់ត្រឡាច ខេត្តកំពង់ឆ្នាំ
-
ព័ត៌មាន1 week agoបច្ចុប្បន្នភាពត្រឹមម៉ោង១២! គ្រោះថ្នាក់ចរាចរណ៍នៅខេត្តកំពង់ឆ្នាំង និងស្វាយរៀង “ស្លាប់ ១៤នាក់ របួសធ្ងន់-ស្រាល ៩៣នាក់”
-
ព័ត៌មាន7 days agoអ្នកនាំពាក្យក្រសួងការពារជាតិ៖ មានឮសំឡេងបាញ់កាំភ្លើងចំនួន ២២គ្រាប់ ពីសំណាក់យោធាថៃដោយគ្មានមូលហេតុ នៅតំបន់ច្រកអន្តរជាតិអូរស្មាច់
-
ព័ត៌មាន1 week agoកម្ពុជានាំយកសក្តានុពលទេសចរណ៍ បេតិកភណ្ឌពិភពលោក វប្បធម៌ប្រពៃណីនិងស្នាមញញឹមកម្ពុជា ទៅភ្ជាប់បេះដូងប្រជាជនចិននៅហៃណានមកទស្សនាកម្ពុជាដោយផ្ទាល់
-
ព័ត៌មាន2 days agoកងទ័ពមានសុទិដ្ឋិនិយមស្ដូបអនុស្សាវរីយ៍នយោបាយឈ្នះ ឈ្នះ ខេត្តកោះកុងជានិមិត្តសញ្ញាសន្តិភាព