ភ្ញៀវទេសចរចាប់ផ្ដើមនាំគ្នាដើរទស្សនាទីតាំងរៀបចំព្រឹត្តិការណ៍«នគរសង្ក្រាន្ត» ដែល​មាន​ការ​តុប​តែង​យ៉ាង​ល្អ

នៅថ្ងៃចុងសប្តាហ៍នេះ ភៀវទេសចរ​ចាប់​ផ្ដើម​នាំ​គ្នា​ដើរ​ទស្សនា​កម្សាន្ត​នៅតា​មទី​តាំង​រៀប​ចំ​ព្រឹត្តិការណ៍ ​«នគរសង្ក្រាន្ត» ដែលមានការតុបតែងលម្អយ៉ាងស្អាតតាមបែបប្រពៃណីជាតិ។

ក្នុងពេល​ដើរលេងកំសាន្តនៅរមណីដ្ឋានប្រវត្តិសាស្រ្តវត្តភ្នំ ភ្ញៀវទេសចរ បានប្រាប់BTV នៅ​ព្រឹក​ថ្ងៃទី​១១​ខែមេសានេះថា តាមការសង្កេតការតុបតែងលំអរនៅក្នុងរាជធានីភ្នំពេញ ជាពិសេសវត្តភ្នំ មាន​ភាពស្រស់ស្អាត និងបែបប្រពៃណី ម្លោះហើយទើបនៅចុងសប្តាហ៍នេះ នាំគ្រួសារ និង​មិត្រ​ភក្តិ​មក​ដើរ​លេងនៅទីនេះ។ ភ្ញៀវទេសចរទាំងនោះបន្តថា នៅពេលខាងមុន នឹងចូលរួមក្នុង​ព្រឹត្តិការណ៍ ​«នគរសង្ក្រាន្ត» ដែលមានទស្សនីយភាពជាច្រើន និងជូនពរដល់វីរៈកងទ័ពនៅជួរមុខ មាន​សុខភាពល្អផងដែរ។

ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិ សហភាពសហព័ន្ធយុវជនកម្ពុជា សហការ​ជាមួយ​រដ្ឋបាលរាជធានីភ្នំពេញ និងស្ថាប័នពាក់ព័ន្ធនានា រៀបចំព្រឹត្តិការណ៍ «នគរសង្ក្រាន្ត» ជា​លើក​ដំបូង ក្នុងរយៈពេល៦ថ្ងៃ ដោយចាប់ពីថ្ងៃទី ១៤ រហូតដល់ថ្ងៃទី ១៩ ខែមេសា ឆ្នាំ២០២៦ ស្ថិត​នៅរាជធានីភ្នំពេញ។ ក្នុងព្រឹត្តិការណ៍នេះ មានកម្មវិធីជាច្រើនដូចជា៖ លេងល្បែងប្រជាប្រិយ របាំបុរាណ ប្រពៃណី យុទ្ធគុនចម្រុះខ្មែរបុរាណ ការប្រកួតអុកចត្រង្គ និងពិធីបែប​សាសនា​ជាដើម​។

បច្ចុប្បន្ននៅទីតាំងរៀបចំព្រឹត្តិការណ៍ «នគរសង្រ្កាន្ត» បានតុបតែងលំអរជិតរួចរាល់១០០ភាគរយ ពោល​មានដូចជា៖ តំបន់រមណីយដ្ឋានប្រវត្តិសាស្ត្រវត្តភ្នំ ផ្លូវថ្មើរជើងចតុមុខ សួនច្បារ Vattanac មក​ដល់​ផ្សារ​រាត្រី ​បរិវេណវត្តបុទុមវត្តី បាសាក់លែន និងផ្សារទួលទំពូង៕ អត្ថបទ៖ ទូច សោភ័ណ