រដ្ឋមន្ត្រីការបរទេសអាម៉េរិក ជូនពរឆ្មាំថ្មីដល់ព្រះរាជាណាចក្រកម្ពុជា និងប្រជាជនខ្មែរ ខណៈចំណងមិត្តភាពអាម៉េរិក និងកម្ពុជានឹងរីកចម្រើនបន្ថែមទៀត

ភ្នំពេញ៖ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស.២៥៧០នេះ ឯកឧត្តមរដ្ឋមន្ត្រីការបរទេសសហរដ្ឋអាម៉េរិក Marco Rubio បានផ្ញើសារជូនពរឆ្មាំថ្មីដល់ព្រះរាជាណាចក្រកម្ពុជា និងប្រជាជនខ្មែរ និងបញ្ជាក់ថា ចំណងមិត្តភាពអាម៉េរិក និងកម្ពុជានឹងរីកចម្រើនបន្ថែមទៀត។

ឯកឧត្តមបានថ្លែងថា «ក្នុងនាមសហរដ្ឋអាម៉េរិក ខ្ញុំសូមបួងសួងដល់ព្រះរាជាណាចក្រកម្ពុជា និងប្រជាជនខ្មែរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ថ្ងៃឈប់សម្រាកដ៏រីករាយនេះ គឺជាពេលវេលាមួយដើម្បីគោរពដល់សម្បត្តិវប្បធម៌ដ៏សម្បូរបែបរបស់កម្ពុជា ជួបជុំគ្រួសារ និងមិត្តភក្តិ ហើយសម្លឹងទៅដោយក្តីសង្ឃឹមឆ្ពោះទៅឆ្នាំខាងមុខ»។

ឯកឧត្តមបន្តថាសហរដ្ឋអាម៉េរិកឲ្យតម្លៃលើចំណងមិត្តភាពដែលស្ថិតស្ថេរជាមួយប្រទេសកម្ពុជា និងចំណងមិត្តភាពជាច្រើនរវាងប្រជាជនយើងទាំងពីរ។ យើងសង្ឃឹមថាចំណងទាំងនេះនឹងរីកចម្រើន ស្របពេលដែលភាពជាដៃគូទ្វេភាគីរបស់យើងក៏រីកចម្រើន និងបង្កើតផលដែលនឹងផ្តល់ផលប្រយោជន៍ដល់ប្រជាជាតិរបស់យើងទាំងពីរ។

ឯកឧត្តមរដ្ឋមន្ត្រីការបរទេសសហរដ្ឋអាម៉េរិកបញ្ជាក់ថា«ក្នុងពេលដែលប្រជាជនកម្ពុជាគ្រប់ទិសទីប្រារព្ធពិធីចូលឆ្នាំថ្មីដោយចិត្តសប្បុរស និងសប្បាយរីករាយ យើងសូមចូលរួមជាមួយកម្ពុជា ដើម្បីជូនពរឱ្យមានសន្តិភាព វិបុលភាព និងសុខភាពល្អក្នុងឆ្នាំខាងមុខ»៕