ព័ត៌មាន
ពលរដ្ឋ និងភ្ញៀវទេសចរ ចូលទស្សនា ព្រលានយន្តហោះពោធិ៍ចិន មានចំនួនច្រើនលើសការរំពឹងទុក
គិតត្រឹមថ្ងៃទី១៨មេសា ម្សិលមិញ ចំនួនប្រជាពលរដ្ឋ និងភ្ញៀវទេសចរ ដែលបានចូលទស្សនា ហាត់ប្រាណ និងដើរកម្សាន្តនៅព្រលានយន្តហោះពោធិ៍ចិនតុង កាន់តែមានចំនួនកើនឡើងជាបន្តបន្ទាប់ ដែលចំនួននេះបានកើនឡើងលើសពីការរំពឹងទុក។
បញ្ជាក់ប្រាប់ BTV លោក គឹម យូឃៀង អ្នកទទួលរៀបចំបើកដំណើរការឲ្យចូលទស្សនាអាកាសយានដ្ឋានអន្តរជាតិភ្នំពេញចាស់ជាបណ្តោះអាសន្ន ប្រាប់ថា ក្នុងនាមជាអ្នករៀបចំ ពិតជាមានអារម្មណ៍សប្បាយរីករាយ និងពេញចិត្តជាខ្លាំង ដោយមិននឹកស្មានថា មានប្រជាពលរដ្ឋ និងភ្ញៀវទេសចរបានចូលទស្សនា ហាត់ប្រាណ និងដើរកម្សាន្តនៅព្រលានយន្តហោះពោធិ៍ចិនតុងច្រើនលើសពីការរំពឹងទុកបែបនេះទេ។ លោកបានប្រាប់ទៀតថា សូម្បីកន្លែងចំណតម៉ូតូ និងរថយន្តត្រូវពេញទំាងអស់ ហើយបងប្អូនប្រជាពលរដ្ឋ ពិតជាមានការយល់ដឹងច្រើន ដោយបានចូលរួមទុកដាក់អនាម័យបានយ៉ាងល្អស្អាត ហើយលោកក៏បានថ្លែងអំណរគុណដល់រាជរដ្ឋាភិបាលផងដែរ ដែលបានបើកព្រលានយន្តហោះពោធិ៍ចិនតុងនេះជាបណ្តោះអាសន្នឱ្យបងប្អូនប្រជាពលរដ្ឋចូលលម្ហែក្នុងឱកាសចូលឆ្នាំថ្មី សង្ឃឹមថា ព្រលានមួយនេះនឹងក្លាយជាកន្លែងទាក់ទាញភ្ញៀវទេសចរនៅថ្ងៃខាងមុខ។
ចំណែក ប្រជាពលរដ្ឋ យុវជន និងជនបរទេស បានប្រាប់ថា ពួកគាត់ពិតជាពេញចិត្តចំពោះរាជរដ្ឋាភិបាល ដែលបានបើកព្រលានមួយនេះជាបណ្តោះអាសន្ន ដើម្បីផ្តល់ឱកាសឱ្យបងប្អូនប្រជាពលរដ្ឋ និងភ្ញៀវទេសចរ បានចូលទស្សនាស្រូបយកខ្យល់អាកាសដ៏បរិសុទ្ធ ដើរហាត់ប្រាណ ពិតជាសប្បាយរីករាយ និងរំភើបណាស់ ដោយពួកគាត់សង្ឃឹមថា នៅថ្ងៃខាងមុខព្រលានមួយនេះ នឹងក្លាយជាកន្លែងទាក់ទាញភ្ញៀវទេសចរដ៏សំខាន់។
សូមបញ្ជាក់ថា ចាប់តាំងពីថ្ងៃបើកឱ្យប្រជាពលរដ្ឋ ភ្ញៀវទេសចរបានចូលទស្សនា និងដើរហាត់ប្រាណស្រូបយកខ្យល់អាកាសនៅព្រលានយន្តហោះពោធិ៍ចិនតុង ចាប់ពីថ្ងៃទី១១មេសា មកដល់ថ្ងៃទី១៨មេសាម្សិលមិញ បានធ្វើឱ្យចំនួនប្រជាពលរដ្ឋ និងភ្ញៀវទេសចរ ដែលចូលទស្សនា មានប្រមាណ១៥ម៉ឺននាក់ហើយ ក្រៅពីចូលទស្សនា ដើរហាត់ប្រាណស្រូបខ្យល់អាកាស នៅមានការសម្តែងភ្លេងមហោរី ឆៃយុំា របាំត្រុដិ ការប្រគុំចម្រៀងសម័យ និងមានស្តង់លក់ដូរម្ហូបអាហារ ហើយពួកគាត់ចង់ឱ្យបើកព្រលាននេះជារៀងរហូតផងដែរ៕ អត្ថបទ៖ គង់ រ៉េន
-
ព័ត៌មាន1 week agoមន្ទីរពេទ្យព្រះអង្គឌួង ដាក់ឱ្យប្រើប្រាស់ជាផ្លូវការ នូវម៉ាស៊ីន Endoscope សំរាប់ពិនិត្យ ព្យាបាល បញ្ហាក្នុងបំពង់ទឹកប្រមាត់ និងលំពែង
-
PR NEWS4 days agoមហាព្រឹត្តិការណ៍តន្ត្រីគុនខ្មែរលំដាប់ប្រទេសរបស់ស្រាបៀរ GANZBERG បានទៅដល់ខេត្តក្រចេះហើយ!
-
ព័ត៌មាន1 week agoក្រសួងការងារបង្ហាញក្តីរន្ធត់យ៉ាងក្រៃលែងចំពោះករណីចរាចរណ៍បណ្តាលឱ្យបងប្អូនកម្មករជាង ១០នាក់ស្លាប់ និងរបួសជាង៣០នាក់ នៅស្រុកកំពង់ត្រឡាច ខេត្តកំពង់ឆ្នាំ
-
ព័ត៌មាន1 week agoសម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត
-
ព័ត៌មាន1 week agoបច្ចុប្បន្នភាពត្រឹមម៉ោង១២! គ្រោះថ្នាក់ចរាចរណ៍នៅខេត្តកំពង់ឆ្នាំង និងស្វាយរៀង “ស្លាប់ ១៤នាក់ របួសធ្ងន់-ស្រាល ៩៣នាក់”
-
ព័ត៌មាន1 week agoកម្ពុជានាំយកសក្តានុពលទេសចរណ៍ បេតិកភណ្ឌពិភពលោក វប្បធម៌ប្រពៃណីនិងស្នាមញញឹមកម្ពុជា ទៅភ្ជាប់បេះដូងប្រជាជនចិននៅហៃណានមកទស្សនាកម្ពុជាដោយផ្ទាល់
-
ព័ត៌មាន6 days agoអ្នកនាំពាក្យក្រសួងការពារជាតិ៖ មានឮសំឡេងបាញ់កាំភ្លើងចំនួន ២២គ្រាប់ ពីសំណាក់យោធាថៃដោយគ្មានមូលហេតុ នៅតំបន់ច្រកអន្តរជាតិអូរស្មាច់
-
ព័ត៌មាន1 day agoកងទ័ពមានសុទិដ្ឋិនិយមស្ដូបអនុស្សាវរីយ៍នយោបាយឈ្នះ ឈ្នះ ខេត្តកោះកុងជានិមិត្តសញ្ញាសន្តិភាព