សិប្បករខ្មែរចាត់ទុកព្រឹត្តិការណ៍នគរសង្ក្រាន្តជាការជួយផ្សព្វផ្សាយ និងលើកកម្ពស់ដល់ផលិតផលជាតិ

សិប្បករខ្មែរ បានចាត់ទុកព្រឹត្តិការណ៍នគរសង្ក្រាន្ត ជាការជួយផ្សព្វផ្សាយឱ្យសាធារណៈជនបានស្គាល់ផលិតផលរបស់ពួកគាត់ និង ជួយជ្រោមជ្រែងដល់ការរីកលូតលាស់នៃផលិតកម្មក្នុងស្រុក ជំរុញកាត់បន្ថយការនាំចូលផលិតផលពីប្រទេសជិតខាង និងជំរុញ ពង្រីកការប្រកួតប្រជែង ជាពិសេសការនាំចេញផលិតផលរបស់កម្ពុជា។

សិប្បករខ្មែរដែលដាក់តាំងបង្ហាញ និងលក់ផលិតផលនៅក្នុងព្រឹត្តិការណ៍នគរសង្ក្រាន្ត ក្នុងថ្ងៃបុណ្យចូលឆ្នាំប្រពៃណីខ្មែរ នៅ រាជធានីភ្នំពេញ ថ្លែងលើកឡើងនៅល្ងាចថ្ងៃទី១៩ ខែមេសា ឆ្នាំ២០២៦ ម្សិលមិញនេះថា ជុំវិញការអភិវឌ្ឍវិស័យគ្រាសធុនតូច និង មធ្យម និងសិប្បកម្ម, រាជរដ្ឋាភិបាលបានលើកទឹកចិត្តដល់វិស័យឯកជន តាមរយៈការផ្តល់កម្ចីឥណទាន និងការលើកទឹកចិត្តផ្នែក ពន្ធដារជាដើម ដើម្បីការរីកលូតលាស់នៃវិស័យទាំងនេះនៅក្នុងស្រុក ក្នុងគោលដៅជំរុញផ្គត់ផ្គង់ផលិតផលលើទីផ្សារប្រកបដោយ និរន្តភាព និងមានភាពប្រកួតប្រជែង។

តាមរយៈនៃនគរសង្ក្រាន្តនេះ, សិប្បករដែលដាក់តាំងបង្ហាញ និងលក់ផលិតផល ក៏បានថ្លែងអំណអរគុណដល់រាជរដ្ឋាភិបាល ដែលបានរៀបចំព្រឹត្តិការណ៍នគរសង្ក្រាន្តដ៏ធំ ដែលតាមរយៈនេះ គឺជាការជួយផ្សព្វផ្សាយដល់សាធារណៈជនបានស្គាល់ផលិតផល ពួក គាត់ និងជាការជួយលើកកម្ពស់ដល់ចលនានៃការផលិតនិងកែច្នៃ ជំរុញផ្គត់ផ្គង់ទំនិញលើទីផ្សារឱ្យមានភាពសម្បូបែប និងប្រកបដោយ គុណភាព ឆ្លើយតបទៅនិងតម្រូវការរបស់ប្រជាពលរដ្ឋ។

សិប្បករទាំងនោះក៏បានថ្លែងនូវការប្តេជ្ញាខ្ពស់ ក្នុងការជុំរុញធ្វើនវានុវត្តន៍ផលិតផលផលរបស់ខ្លួន ដើម្បីលើកកម្ពស់ផលិតផល ជាតិ ការប្រកួតប្រជែង និងចូលរួមដល់កំណើននៃការនំាចេញផលិតផលរបស់កម្ពុជាឱ្យកាន់តែច្រើន និងក៏បានអំពាវនាវដល់ប្រជាជន កម្ពុជា ក្នុងការបន្តធ្វើពហិការមិនប្រើប្រាស់ផលិតផលថៃផងដែរ។ ការចូលរួមរបស់ប្រជាពលរដ្ឋ, មិនត្រឹមតែជួយលើកកម្ពស់ដល់ខ្សែ ច្រវាក់ផលិតកម្មក្នុងស្រុកប៉ុណ្ណោះទេ គឺថែមទាំងជួយគាំទ្រដល់ការដាំដុះរបស់ប្រជាកសិករកម្ពុជា ខណៈផលិតផលជាច្រើនត្រូវបាន យកមកកែច្នៃចេញជាផលិតផលសម្រេចផ្សេងៗ៕

អត្ថបទ៖ សុន រ៉ាឌី