Uncategorized
សម្តេច ហ៊ុន សែន ប្រាប់ជាមុនថា COC សម្រេចបាន ឬមិនបាននៅឆ្នាំក្រោយ កុំមកជេរ ឬបន្ទោសកម្ពុជា
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្ញើសារទៅកាន់បណ្តាប្រទេសសមាជិកអាស៊ាន និងពិភពលោកថា កម្ពុជា នឹងខិតខំប្រឹងប្រែង ដើម្បីសម្រេចឱ្យបាននូវក្រមប្រតិបត្តិសមុទ្រចិនខាងត្បូង(COC) ក្នុងពេលកម្ពុជាធ្វើជាប្រធានអាស៊ាននៅឆ្នាំក្រោយនេះ។
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្ញើសារទៅកាន់បណ្តាប្រទេសសមាជិកអាស៊ាន និងពិភពលោកថា កម្ពុជា នឹងខិតខំប្រឹងប្រែង ដើម្បីសម្រេចឱ្យបាននូវក្រមប្រតិបត្តិសមុទ្រចិនខាងត្បូង(COC) ក្នុងពេលកម្ពុជាធ្វើជាប្រធានអាស៊ាននៅឆ្នាំក្រោយនេះ។ ប៉ុន្តែ បើសម្រេចមិនបានវិញ សម្តេចតេជោ បានគូសបញ្ចាក់ថា កុំមកជេរ ឬបន្ទោសកម្ពុជាឱ្យសោះ។
នៅចំពោះមុខបណ្តាទូតបរទេសនានាក្នុងពិធីសម្ពោធដាក់ឲ្យប្រើប្រាស់ជាផ្លូវការសណ្ឋាគារ «ហាយ៉ាត់ រីជិនស៊ី ភ្នំពេញ» នៅព្រឹកថ្ងៃពុធនេះ សម្តេចនាយករដ្ឋមន្រ្តី បានអះអាងថា ការសម្រេចបាន ឬមិនបាននូវក្រមប្រតិបត្តិសមុទ្រចិនខាងត្បូង(COC) គឺមិនមែនអាស្រ័យទាំងស្រុងលើកម្ពុជានោះទេ ព្រោះកន្លងមក ប្រធានអាស៊ានដទៃទៀតក៏សម្រេចមិនបាននោះដែរ។ ប្រទេសទាំងនេះ មានដូចជា ប្រទេសហ្វីលីពិន វៀតណាម ម៉ាឡេស៊ី ជាដើមដែលជាប្រទេសពាក់ព័ន្ធនឹងបញ្ហានៅសមុទ្រចិនខាងត្បូង។
សម្តេចតេជោ ហ៊ុន សែន បានបញ្ជាក់ថា៖ «ប្រសិនបើវាកើតឡើងនូវ COCនៅទីក្រុងភ្នំពេញ ចុះហត្ថលេខាបាននៅទីក្រុងភ្នំពេញ គឺកម្ពុជាសប្បាយចិត្តណាស់ សប្បាយចិត្តនៅត្រង់ថា អា DOC ក៏វាកើតនៅភ្នំពេញ អា COC ក៏វាកើតនៅភ្នំពេញ RCEP គេហៅថា ភាពជាដៃគូសេដ្ឋកិច្ចគ្រប់ជ្រុងជ្រោយរបស់តំបន់ វាក៏បានចេញពីទីក្រុងភ្នំពេញ ហើយវាចូលជាធរមាននៅពេលដែលកម្ពុជាធ្វើជាប្រធានអាស៊ានឡើងវិញ។ ប៉ុន្តែ ក្នុងករណីដែលធ្វើមិនបាន ក្នុងករណីដែលចេញមិនរួច សុំកុំបន្ទោសកម្ពុជា។ មូលហេតុងាយយល់ ចុះប្រទេសដទៃទៀតដែលធ្វើអាស៊ានមុនកម្ពុជា ម៉េចក៏ធ្វើមិនបាន? ហេតុអីដល់កម្ពុជា មកបន្ទោសកម្ពុជា? និយាយគ្នាទុកឲ្យហើយអាកន្លែងហ្នឹង!»។
សូមបញ្ជាក់ជូនថា បញ្ហាជម្លោះនៅសមុទ្រចិនខាងត្បូងនេះ គឺជាបញ្ហាដ៏រសើប និងជាជំងឺដ៏រ៉ាំរ៉ៃមួយដែលមិនទាន់អាចដោះស្រាយបាននៅឡើយទេគិតមកដល់ពេលនេះ។ ប្រទេសជាសមាជិកអាស៊ានដែលមានជម្លោះជាមួយចិននៅសមុទ្រចិនខាងត្បូងនេះ តែងតែលើកយកបញ្ហានេះមកដាក់ និងសង្កត់ឲ្យកម្ពុជាដោះស្រាយនៅពេលដែលកម្ពុជាធ្វើជាប្រធានអាស៊ានម្តងៗ។ ប៉ុន្តែ លើកនេះ ប្រមុខរដ្ឋាភិបាលកម្ពុជា បានចេញមកគូសបញ្ជាក់ជាមុនហើយថា ប្រធានអាស៊ានមិនមែនជាចៅក្រមកាត់សេចក្តី ឬចុះវាស់វែងដីចែកឲ្យគ្នានៅក្នុងតំបន់ជម្លោះនៅសមុទ្រចិនបាននោះឡើយ៕
អត្ថបទពី៖ KPT
-
Boxing Bayontv3 weeks ago
គាំទ្រតន្រ្តី គាំទ្រប្រដាល់គុនខ្មែរចូលរួមលើកស្ទួចប្រដាល់គុនខ្មែរឡើងដល់កម្រឹតពិភពលោក!
-
ព័ត៌មាន3 weeks ago
កម្ពុជាបានទាក់ទាញរោងចក្របង្កើតថ្មីចំនួន ៥៥ ក្នុងត្រីមាសទី១ កើនឡើង២៥ភាគរយ
-
ព័ត៌មាន3 weeks ago
គម្រោងព្រែកជីកហ្វូណនតេជោ ធ្វើឲ្យកម្ពុជាចំណេញថ្លៃដឹកជញ្ជូនពី ២០០ ទៅ ៣០០ ដុល្លារ
-
PR NEWS3 weeks ago
អ្នកឧកញ៉ា សំអាង វឌ្ឍនៈ ដៃគូសហការក្លិបព្រះខ័នរាជស្វាយរៀង ឧបត្ថម្ភទឹកប្រាក់ ១ម៉ឺនដុល្លារចំពោះជ័យជម្នះព្រះខ័នរាជស្វាយរៀងក្នុងពានរង្វាន់សម្តេច ហ៊ុន សែន
-
ព័ត៌មាន2 weeks ago
ប្រជាពលរដ្ឋ នាំគ្នាប្រារព្ធពិធីរំឭកគុណព្រះបាទជ័យវរ្ម័នទី៧ នៅស្រុកពួក ខេត្តសៀមរាប
-
ព័ត៌មាន3 weeks ago
បេក្ខជនបន្តប្រឡងប្រជែង ក្លាយជាគ្រូអនុវិទ្យាល័យនៅមណ្ឌលពីរផ្សេងគ្នាថ្ងៃទី២ នេះ
-
ព័ត៌មាន3 weeks ago
ប្រមុខរាជរដ្ឋាភិបាល៖ សេរីភាពសារព័ត៌មាននៅកម្ពុជាកាន់តែរីកចម្រើន និងមានភាពល្អប្រសើរ
-
ព័ត៌មាន2 weeks ago
ពាណិជ្ជកម្មអន្តរជាតិកម្ពុជា សម្រេចបានទឹកប្រាក់ជាង ១៦ ពាន់លានដុល្លារ