តំណាងស្ថានទូតកម្ពុជាបានចូលរួមកិច្ចគណៈកម្មាធិការអាស៊ាននៅទីក្រុងតូក្យូ (ACT) លើកទី ៣៣០

លោក សុខ ធា អគ្គទីប្រឹក្សា និងជាតំណាងរបស់ ឯកឧត្តម ជុំ សុន្ទរី ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំប្រទេសជប៉ុន បានចូលរួមកិច្ចប្រជុំគណៈកម្មាធិការអាស៊ាននៅទីក្រុងតូក្យូ (ACT) លើកទី ៣៣០ នៅសណ្ឋាគារ RIHGA Royal ខេត្តហ៊ីរ៉ូស៊ីម៉ា កាលពីថ្ងៃទី៧ ខែសីហា ឆ្នាំ២០២៦។ កិច្ចប្រជុំនេះ រៀបចំឡើងដោយឯកឧត្តម ONG Eng Chuan ឯកអគ្គរដ្ឋទូតសាធារណរដ្ឋសិង្ហបុរីប្រចាំប្រទេសជប៉ុន ក្នុងនាមជាប្រធានឆ្លាស់វេននៃ ACT ដោយមានការគាំទ្រសហការជាមួយសមាគមហ៊ីរ៉ូស៊ីម៉ា-អាស៊ាន (Hiroshima-ASEAN Association-HAA)។

កិច្ចប្រជុំ ACT លើកទី៣៣០ បានពិភាក្សាផ្តោតលើការវិវត្តន៍ស្ថានការណ៍ថ្មីៗក្នុងប្រទេសជប៉ុន និងលទ្ធផលនៃកិច្ចប្រជុំរដ្ឋមន្ត្រីការបរទេសអាស៊ានលើកទី៥៩ នៅប្រទេសហ្វីលីពីន ការធ្វើបទបង្ហាញដោយលោកស្រី Komatsu Setsuko ប្រធានសមាគម HAA ការធ្វើបទបង្ហាញអំពីនិស្សិតពីតំបន់អាស៊ីអាស៊ីអាគ្នេយ៍ដែលបានប៉ះពាល់ពីការទម្លាក់គ្រាប់បែកបរមាណូដោយលោក Yoshifumi Ishida, Director of Hiroshima Peace Memorial Museum និងកម្មវិធីពិសារអាហារថ្ងៃត្រង់ដែលបានរៀបចំដោយសមាគម HAA ដើម្បីផ្តល់ឱកាសក្នុងការបង្កើតបណ្តាញទំនាក់ទំនងក្នុងចំណោមអ្នកចូលរួម​ រួមមាន​ សមាជិកសភាជប៉ុន អគ្គលេខាធិការនៃមជ្ឈមណ្ឌលអាស៊ាន-ជប៉ុន អាជ្ញាធរខេត្តហ៊ីរ៉ូស៊ីម៉ា ក្រុមហ៊ុនជប៉ុន និងនិស្សិត។