នៅថ្ងៃទី១៥ ខែតុលា ឆ្នាំ២០២៦ អនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម រដ្ឋមន្ត្រី រដ្ឋមន្ត្រីក្រសួងមហាផ្ទៃ, ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី សហការជាមួយស្ថានទូតចិន ប្រចាំនៅព្រះរាជាណាចក្រកម្ពុជា ធ្វើការបណ្ដេញជនជាតិចិន សរុបចំនួន ៩០នាក់ (ស្រី ០៣នាក់) ដែលពាក់ព័ន្ធនឹងការលួចស្នាក់នៅ ធ្វើការងារខុសច្បាប់ លួចឆ្លងដែន និងឆបោកតាមប្រព័ន្ធបច្ចេកវិទ្យា...
ឡាអេ៖ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា នៅថ្ងៃទី១៥ ខែតុលា ឆ្នាំ២០២៦ បានចេញសេចក្ដីប្រកាសព័ត៌មានបញ្ជាក់ថា កិច្ចប្រជុំលើកទី២ នៃគណៈកម្មការផ្សះផ្សាក្រោមអនុសញ្ញាអ.ស.ប.ស្តីពីនីតិសមុទ្រ រវាងកម្ពុជា និងថៃ ថ្ងៃទី១៤ ដល់១៨ ខែតុលា ឆ្នាំ២០២៦ នៅវិមានសន្តិភាព (ICJ) ទីក្រុងឡាអេនឹងមិនមានការផ្សាយជាសាធារណៈនោះទេ។ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ជម្រាបជូនសាធារណជន និងប្រព័ន្ធផ្សព្វផ្សាយទាំងអស់ឱ្យបានជ្រាបថា អនុលោមតាមបទប្បញ្ញត្តិនៃនីតិវិធី ដែលភាគីទាំងពីរបានឯកភាពគ្នា គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS)...
គណៈប្រតិភូនៃស្ថាប័នធំៗពីប្រទេសជប៉ុន ដែលរួមមានស្ថាប័ន Japan External Trade Organization (JETRO), The Japan Aerospace Exploration Agency (JAXA) the Japan Space Forum (JSF) ជាដើមបានថ្លែងអំណរគុណយ៉ាងជ្រាលជ្រៅ ចំពោះការទទួលស្វាគមន៍យ៉ាងកក់ក្តៅពី ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាននៃព្រះរាជាណាចក្រកម្ពុជា ក្នុងឱកាសនៃការរៀបចំកម្មវិធី «Cambodia-Japan...
ឡាអេ៖ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ក្នុងនាមជាភ្នាក់ងារតំណាងកម្ពុជា បានដឹកនាំគណៈប្រតិភូ និងក្រុមអ្នកច្បាប់កម្ពុជា អញ្ជើញចូលរួមកិច្ចប្រជុំលើកទី២ ថ្ងៃទី២ របស់គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ជាមួយកម្ពុជា និងថៃ ដែលបានចាប់ផ្តើមនៅព្រឹកថ្ងៃទី១៥ ខែតុលា ឆ្នាំ២០២៦ (ម៉ោងនៅហូឡង់) នៅវិមានសន្តិភាព ទីស្នាក់ការកណ្តាលតុលាការយុត្តិធម៌អន្តរជាតិ (ICJ) និងតុលាការមជ្ឈត្តការអចិន្រ្តៃយ៍ (PCA) នៅទីក្រុងឡាអេ...
ប្រទេសវៀតណាមនឹងជំរុញវិនិយោគិនរបស់ខ្លួន មកវិនិយោគលើវិស័យកសិ-ឧស្សាហកម្ម ឧស្សាហកម្មកែច្នៃ និងឡូជីស្ទិកនៅ កម្ពុជាបន្ថែម ក្នុងគោលដៅជំរុញការធ្វើពាណិជ្ជកម្មទ្វេភាគីឱ្យកាន់តែខ្លាំងក្លា ដើម្បីប្រជាជន និងការរីកចម្រើននៃសេដ្ឋកិច្ចប្រទេស ទាំងពីរ។ ជុំវិញកិច្ចសហប្រតិបត្តិការរវាងកម្ពុជា និងវៀតណាម ត្រូវបានបន្តជំរុញ ជាពិសេសលើវិស័យកសិ-ឧស្សាហកម្ម និងឡូជីស្ទិក ដោយបានឯកភាពគ្នាក្នុងការពង្រឹងកិច្ចសហប្រតិបត្តិការលើការវិនិយោគ ដើម្បីបង្កើតតុល្យភាពពាណិជ្ជកម្ម និងបន្ថែមតម្លៃដល់ផលិត ផលក្នុងស្រុក និងទិសដៅសេដ្ឋកិច្ច ក្នុងការជំរុញឱ្យវិនិយោគិនវៀតណាមមកវិនិយោគលើវិស័យកែច្នៃនៅកម្ពុជា ជួយបង្កើតការងារ និងជំរុញកំណើនសេដ្ឋកិច្ចប្រកបដោយចីរភាពសម្រាប់ប្រជាជននៃប្រទេសទាំងពីរ។ ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្ពុជា...
ក្រុមយុវជនស្ម័គ្រចិត្តចូលកាតព្វកិច្ចយោធា បានបង្ហាញជំហរប្តេជ្ញាចិត្តខ្ពស់ ក្នុងការបន្តការពារអធិបតេយ្យភាពជាតិ ដោយហ៊ានពលីសូម្បីអាយុជីវិត ប្រសិនមានខ្មាំងឈ្លានពាន ។ ក្រោមការអនុវត្តតាមគោលការណ៍ដឹកនាំរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ នៅមូលដ្ឋានកងរាជអាវុធហត្ថខណ្ឌកំបូល ក្រោមការដឹកនាំដោយលោកវរសេនីយ៍ទោ ឈៀង ចាន់ថុល មេបញ្ជាការអាវុធហត្ថខណ្ឌ កម្លាំងមន្ត្រីអាវុធ នៅបន្តការយកចិត្តទុកដាក់ជាមួយការទទួលពាក្យពីយុវជនស្ម័គ្រចិត្ត ដែលគិតត្រឹមថ្ងៃទី១៥ ខែតុលា ឆ្នាំ២០២៦នេះ មានយុវជន យុវនារីជាច្រើន បានបន្តយកពាក្យទៅដាក់ជូនមន្ត្រីអាវុធហត្ថវិញ ។ ក្រុមយុវជន...
នៅថ្ងៃទី១៧ ខែតុលា ឆ្នាំ២០២៦ខាងមុខនេះ មន្ទីរពេទ្យព្រះអង្គឌួង និងចូលរួមគាំទ្រដោយមូលនិធិហ្រេ្វដហូឡូកម្ពុជា (The Fred Hollows Foundation) នឹងរៀបចំកម្មវិធីពិនិត្យសុខភាពភ្នែក ផ្តល់វ៉ែនតា និងវះកាត់ដោយឥតគិតថ្លៃជូនបងប្អូនប្រជាពលរដ្ឋមានបញ្ហាសុខភាពភ្នែក។ កម្មវិធីមនុស្សធម៌ដ៏មានសារៈសំខាន់នេះ នឹងប្រព្រឹត្តទៅនៅក្នុងបរិវេណសាលាបឋមសិក្សាភ្នំពេញថ្មី ដែលស្ថិតក្នុងខណ្ឌសែនសុខ រាជធានីភ្នំពេញ។ បើតាមការបញ្ជាក់ពីឯកឧត្តមសាស្រ្តាចារ្យ រង លូ លីឃាង ទីប្រឹក្សាក្រសួងសុខាភិបាល និងជានាយកមនី្ទរពេទ្យព្រះអង្គឌួង បានឱ្យដឹងថា យុទ្ធនាការសប្បុរសធម៌ដ៏ធំនេះ ត្រូវបានរៀបចំឡើងក្នុងគោលបំណងជួយកាត់បន្ថយអត្រាពិការភាពភ្នែក និងលើកកម្ពស់សុខុមាលភាពគំហើញរបស់ប្រជាពលរដ្ឋ ពិសេសអ្នកដែលមានជីវភាពខ្វះខាត។...
ស្ថិតក្នុងដំណើរពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០២៦ ពលរដ្ឋរស់នៅរាជធានីភ្នំពេញ បន្តនាំគ្នាទៅពិនិត្យបញ្ជីឈ្មោះ និងចុះឈ្មោះបោះឆ្នោត ដើម្បីជោគវាសនាជាតិ។ ពលរដ្ឋរស់នៅសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ នៅព្រឹកថ្ងៃទី១៥ខែតុលា ឆ្នាំ២០២៦នេះ បានប្រាប់BTVឲ្យដឹងថា នៅថ្ងៃនេះមកចុះឈ្មោះបោះឆ្នោត នៅសង្កាត់ផ្សារដើមថ្កូវ ដើម្បីមានសិទ្ធិអាចបោះឆ្នោតជ្រើសរើសក្រុមប្រឹក្សាឃុំសង្កាត់ ដែលពួកយើងស្រលាញ់ពេញចិត្ត។ ហើយពេលមកដល់ទីតាំងការិយាចុះឈ្មោះបោះឆ្នោត ក្រុមការងារចុះឈ្មោះបោះឆ្នោតផ្តល់សេវារហ័ស និងរួសរាយរាក់ទាក់ផងដែរ។ សម្រាប់ពលរដ្ឋមួយចំនួនទៀតបានលើកឡើងដែរថា ការផ្ទៀងផ្ទាត់បញ្ជីឈ្មោះបោះឆ្នោតឲ្យបានត្រឹមត្រូវក៏ជារឿងសំខាន់ដែរ ដើម្បីងាយស្រួលដល់ថ្ងៃបោះឆ្នោតកុំឲ្យមានកំហុសត្រង់ចំណុចណាមួយដែលនាំឲ្យមិនអាចបោះឆ្នោតបាន ដូច្នេះបានជាពួកយើងផ្ទៀងផ្ទាត់ឈ្មោះឲ្យបានត្រឹមត្រូវតាមវេបសាយរបស់ គ.ជ.ប ដែលមានភាពងាយស្រួល...
នៅថ្ងៃទី១៥ ខែតុលា ឆ្នាំ២០២៦ នេះ គឺជាថ្ងៃគម្រប់ខួប ១៤ឆ្នាំ ដែលសម្តេចឪ, សម្តេចតា, សម្តេចតាទួត ព្រះបិតាឯករាជ្យជាតិខ្មែរ ព្រះបាទសម្តេចព្រះ នរោត្ដម សីហនុ «ព្រះបរមរតនកោដ្ឋ» ព្រះអង្គបានសោយទិវង្គត។ ប្រជានុរាស្ត្រវ័យចាស់ នៅថ្ងៃនេះដែរបានសម្តែងការចងចាំជានិច្ចមិនអាចភ្លេចបាននូវព្រះរាជកេរដំណែលរបស់ព្រះអង្គដែលបានបន្សល់ទុកជាពិសេសព្រះរាជកិច្ចដ៏អស្ចារ្យក្នុងការទាមទារឯករាជ្យ ការកសាងជាតិ និងការរក្សាបូរណភាពទឹកដី។ ប្រជានុរាស្ត្រវ័យចាស់នានា បានថ្លែងប្រាប់BTV ដោយសូមសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ «ព្រះបរមរតនកោដ្ឋ» ដែលព្រះអង្គបានលះបង់ព្រះកាយពល ព្រះបញ្ញាញាណ ក្នុងព្រះរាជសកម្មភាពដ៏ធំធេងបំផុត...
អ្នកនាំពាក្យរាជរដ្ឋាភិបាលកម្ពុជា ឯកឧត្តម ប៉ែន បូណា បានថ្លែងបញ្ជាក់តាមរយៈសន្និសីទសារព័ត៌មាននៅថ្ងៃទី១៥ ខែតុលា ឆ្នាំ២០២៦នេះថា ពេលនេះ សម្តេចមហាបវរធិបតី ហ៊ុន ម៉ាណែត អមដោយលោកជំទាវបណ្ឌិតនិងគណៈប្រតិភូជាន់ខ្ពស់កំពុងបន្តបេសកកម្មការទូតយ៉ាងមមាញឹកនៅសាធារណរដ្ឋអាស៊ែបៃហ្សង់ និងចូលរួមកិច្ចប្រជុំកំពូលលើកទី៧ នៃសន្និសីទស្ដីពីអន្តរសកម្មភាព និងវិធានការកសាងទំនុកចិត្តនៅអាស៊ី (CICA) ដែលនឹងប្រព្រឹត្តទៅនៅថ្ងៃទី១៥ ខែតុលា មុននឹងបន្តដំណើរបេសកកម្មការទូតទៅកាន់សាធារណរដ្ឋតួកគីយ៉េ និងសាធារណរដ្ឋកាហ្សាក់ស្ថាន។ ឯកឧត្តម ប៉ែន បូណា បានថ្លែងថា បេសកកម្មការទូតនៅក្រៅប្រទេសរបស់សម្ដេចធិបតីនាពេលនេះ ក្រៅពីការពង្រឹង...