វិលតាមសន្យា! រៀងរាល់ចុងសប្តាហ៍ ទូរទស្សន៍បាយ័ននឹងមកនូវរឿងខ្មែរល្អៗបង្កប់ទៅដោយគំនិតអប់រំ

ក្រោយពីឃ្លាតឆ្ងាយពីចក្ខុទស្សនិកជនមួយរយៈ នៅពេលនេះទូរទស្សន៍បាយ័នបានរៀបចំយ៉ាងល្អិតល្អន់ និងសម្រិតសម្រាំងនាំយកប្រភេទភាពយន្តជីវិត និងសាច់រឿងខ្សែជីវិត ត្រឡប់មកកំដរអារម្មណ៍ពុកម៉ែ បងប្អូនដែលតែងតែនិយមគាំទ្រ និងទស្សនារាល់កម្មវិធីចាក់ផ្សាយរបស់ទូរទស្សន៍បាយ័ន។

ដូចសព្វមួយដង ប្រភេទ «ភាពយន្តជីវិតពិត» ជាប្រភេទសាច់រឿង១ភាគចប់ ហើយនិយាយពីជីវិតរបស់មនុស្សក្នុងសង្គមដែលធ្លាប់ឆ្លងកាត់ និងធ្លាប់បានឡើងរួចមកហើយ។ បន្ថែមពីនេះទៀតក៏មានឈុតឆាកមួយចំនួនបង្ហាញពីទិដ្ឋភាពនៅក្នុងសង្គមផងដែរ ដោយភ្ជាប់មកជាមួយគំនិតអប់រំទៅដល់អ្នកទស្សនា។
និយាយពីប្រភេទរឿងដែលជាប្រភេទ «ខ្សែរឿងជីវិត» ជាប្រភេទរឿងភាគចំនួនខ្លីដែលមានគ្រប់រសជាតិនិងអារម្មណ៍ គ្រប់រឿងនីមួយៗតែងតែផ្តល់នូវការអប់រំទៅកាន់ពុកម៉ែ បងប្អូនអ្នកទស្សនាជានិច្ច។

ដោយសង្កេតឃើញថាសន្ទុះនៃការគាំទ្រ ស្រឡាញ់ពេញចិត្តរបស់បងប្អូនមកកាន់រឿងខ្មែរយើង ដូច្នេះទូរទស្សន៍បាយ័នបានសហការជាមួយក្រុមហ៊ុនផលិតកម្ម សាស្ត្រាហ្វៀម (Sastra Film) នឹងនាំយករឿងខ្មែរល្អៗជាច្រើនដើម្បីបំពេញតាមត្រូវការរបស់អ្នកគាំទ្រ ដែលរឿងភាគច្រើនសុទ្ធសឹងតែជាស្នាដៃនិពន្ធរបស់កូនខ្មែរទាំងអស់។

គួរបញ្ជាក់ផងដែរថាចំពោះប្រភេទ «ភាពយន្តជីវិតពិត» ចាក់ផ្សាយរៀងរាល់ថ្ងៃ សៅរ៍ និង អាទិត្យ វេលាម៉ោង ៨ ដល់ម៉ោង ៩យប់ នៅលើកញ្ចក់ទូរទស្សន៍ប៉ុស្តិ៍បាយ័ន។
ចំពោះប្រភេទរឿង «ខ្សែរឿងជីវិត» ចាក់ផ្សាយរៀងរាល់ថ្ងៃ សៅរ៍ និង អាទិត្យ វេលាម៉ោង ៩ ដល់ម៉ោង ១០យប់ នៅលើកញ្ចក់ទូរទស្សន៍ប៉ុស្តិ៍បាយ័ន។ កុំភ្លេចរង់ចាំតាមដានទស្សនាទាំងគ្នា៕

រីករាយទស្សនាវីដេអូរឿងដែលនឹងចាក់ផ្សាយយប់នេះ៖