តែមួយ និង ដំបូងគេនៅកម្ពុជា! កម្មវិធី Idol Make Up Battle មកដល់ហើយ

តើបងប្អូនដែលជំនាញខាងតុបតែងមុខ (Make Up) កំពុងស្វែងរកឱកាសបង្ហាញស្នាដៃ និងទេពកោសល្យរបស់ខ្លួនជាសាធារណៈមែនទេ? ឱកាសល្អ និងវិសេសបានមកដល់ហើយ ស្ថានីទូរទស្សន៍បាយ័ន និងភេសជ្ជៈប៉ូវកំលាំង Idol បានបង្កើតកម្មវិធីដ៏ល្អឯកមួយដែលមានឈ្មោះថា « Idol Make Up Battle » ដើម្បីផ្តល់ឱកាសដល់បេក្ខជនបេក្ខនារីអាចបង្ហាញសមត្ថភាពជាសាធារណៈ ព្រមទាំងទទួលបានការទទួលស្គាល់ពីសំណាក់មហាជន។

កម្មវិធី « Idol Make Up Battle » ជាកម្មវិធីប្រកួតផាត់មុខធំដំបូងគេក្នុងប្រទេស​ ដែលមានច្រើនវគ្គ​ជាមួយនឹង​ វិញ្ញាសារ​ប្លែក​ ដូចជា​ ការផាត់មុខបែប សិល្បៈ (Art)  ការផាត់មុខបែប Special Effect សម្រាប់ភាយន្ត និងការផាត់មុខ​បែប Drag ជាដើម។

គួរបញ្ជាក់ផងដែលថា សម្រាប់ប្រាក់រង្វាន់៖ ចំណាត់ថ្នាក់លេខ១ ទទួលបាន​ ២០លានរៀល ចំណាត់ថ្នាក់លេខ២ ទទួលបាន​ ៨លានរៀល និងចំណាត់ថ្នាក់លេខ៣ទទួលបាន​ ៤លានរៀល​។ កម្មវិធី​បានធ្វើការជ្រើសរើសបេក្ខជនឆ្នើមបំផុតចំនួន ១០រូប ចេញពីការប្រលងវគ្គ Audition ដើម្បីមានឱកាសមកប្រកួតក្នុងកម្មវិធី​ជាបន្ត។ Idol Make Up Battle មានគណៈកម្មាការចំនួន ៣រូប ដែលសុទ្ធសឹងតែជាអ្នកជំនាញ ពោរពេញទៅដោយសមត្ថភាពពិសេសខុសៗពីគ្នា រង់ចាំដាក់ពន្ទុកដល់បេក្ខជនបេក្ខនារីយ៉ាងសុក្រិតភាព។

សម្រាប់អត្ថប្រយោជន៍បន្ថែម ​ចំពោះបេក្ខជន បេក្ខនារី​ គឺ​ ស្នាដៃប្រកួតរបស់ពួកគាត់នៅក្នុងកម្មវិធី​ នឹងមានឱកាសចូលរួមប្រកួតនៅក្រៅប្រទេស​ជាច្រើនទៀត។ នៅក្នុងផងដែរ ពីកម្មវិធីប្រកួត​ បេក្ខជននឹងទទួលបានថ្នាក់រៀនពិសេស​សម្រាប់ជំនាញផាត់មុខបន្ថែមថែមទៀត។

សូមរង់ចាំតាមដានទស្សនាជាបន្ត ក្នុងពេលឆាប់ៗនេះនៅលើកញ្ចក់ទូរទស្សន៍ បាយ័ន។ កម្មវិធី​ឧបត្ថម្ភ​ផ្តាច់មុខដោយ Idol
អត្ថបទដោយ៖ Hati