អង្គភាពស៊ីម៉ាក់ផ្តល់ការលើកទឹកដល់មន្ត្រីដែលចូលនិវត្តន៍ថ្មីមកពីក្នុងរាជធានីខេត្តចំនួន ២៥នាក់

ភ្នំពេញ ៖  ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឍមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) បានជួបសំណេះសំណាលនិងលើកទឹកចិត្តដល់មន្រ្តីនៃមជ្ឈ មណ្ឌលសកម្មភាពកំចាត់មីនកម្ពុជា ដែលបានចូលនិវត្តន៍ថ្មីចំនួន ២៥នាក់មកពីរាជធានីខេត្ត នាថ្ងៃទី១០ ខែ កញ្ញា ឆ្នាំ២០២៤នេះ នៅក្នុងទីបញ្ជាការស៊ីម៉ាក់ភ្នំពេញ ។

ការជួបសំណេះសំណាលនិងលើកទឹកចិត្តដល់មន្រ្តីនៃមជ្ឈមណ្ឌលសកម្មភាពកំចាត់មីនកម្ពុជា ដែលបានចូល និវត្តន៍ចំនួន ២៥នាក់នាពេលនេះ គឺជាការគិតគូរ និងយក ចិត្តទុកដាក់និងដឹងគុណដល់មន្រ្តីចូលនិវត្តន៍របស់អង្គភាពស៊ីម៉ាក់ ដែលបានលះបង់កម្លាំងកាយចិត្ត អាយុជីវិតដើម្បី ចូលរួមរំដោះផ្ទៃដីដែលមានគ្រាប់មីន និងសំណល់យុទ្ធ ភណ្ឌសង្រ្គាមអស់រយៈពេលជាច្រើនឆ្នាំកន្លងមក ដើម្បីផ្តល់សុខសុវត្ថិភាពដល់ប្រជាពលរដ្ឋ ។

ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឍមណ្ឌលសកម្មភាពកម្ចាត់មីនកម្ពុជា

បានថ្លែងឲ្យដឹងថា បងប្អូនម្នាក់ៗនេះសុទ្ធតែបានលះបង់ពេលវេលាពីគ្រួសាររាប់សិបឆ្នាំដើម្បីបម្រើដល់អង្គភាពស៊ីម៉ាក់លើការងារបោសសំអាតមីន និង គ្រាប់យុទ្ធភណ្ឌមិនទាន់ផ្ទុះនៅគ្រប់ទីកន្លែងទាំងក្នុងផ្ទៃដីនិងក្រោមផ្ទៃទឹក ដើម្បីរក្សាសុខសុវត្ថិភាពក្នុងប្រទេសកម្ពុជា ហើយគ្រានេះគឺជាពេលវេលាដែលបងប្អូនត្រូវប្រើជីវិតចុងក្រោយ ជា មួយនឹងក្រុមគ្រួសារ ។

បើទោះបីក្លាយជានិវត្តន៍ជនក៏ដោយ ប៉ុន្តែពួកគាត់នូវបានបង្ហាញពីឆន្ទះ ចូលរួមជាកម្លាំងចិត្តនិងបទពិសោធពន្យល់និងបង្ហាត់បង្ហាញដល់មន្ត្រីស៊ីម៉ាក់ជំនាន់ក្រោយៗក្នុងការបោសសំអាតគ្រាប់មីននិងសំណល់ពីសង្គ្រាមឲ្យ អស់តាមផែនការរបស់រាជរដ្ឋាភិបាលកម្ពុជាដើម្បីសុខសុវត្ថិភាពសង្គមជាតិ ។

បើតាមឯកឧត្តម ហេងរតនា បានបញ្ជាក់ឲ្យដឹងបន្ថែមថា មន្ត្រីទាំងអស់សុទ្ធតែបានយកចិត្តទុកដាក់ពីអង្គភាពស៊ីម៉ាក់និងពីរាជរដ្ឋាភិបាល ដោយបានជួយបណ្តុះបណ្តាលនូវជំនាញផ្សេងៗជាច្រើនរួមទាំងការថវិកា ផងដែរ ដើម្បីជាបំណិនជីវិតនិងជាទុនសម្រាប់ទ្រទ្រង់ជីវភាពប្រចាំថ្ងៃក្នុងពេលបច្ចុប្បន្ន និង ទៅអនាគត់ ក្រោយពេលចូលនិវត្តន៍ ខណះគិតមកដល់ពេលនេះ មានមន្ត្រីស៊ីម៉ាក់ជិត១ពាន់ ៤រយនាក់ហើយដែលបានទទួលរបបសោធននិវត្តន៍ ៕ អត្ថបទ.ភា

រម្យ