ព័ត៌មាន
សមាគមគ្រូពេទ្យស្ម័គ្រចិត្តយុវជនសម្ដេចតេជោ និងមន្ទីរពេទ្យរ៉ូយ៉ាល់ភ្នំពេញចុះកិច្ចសហការជាមួយគ្នាដើម្បីភាពជាដៃគូជួយសង្គម
មន្ទីរពេទ្យ រ៉ូយ៉ាល់ ភ្នំពេញ និងសមាគមគ្រូពេទ្យស្ម័គ្រចិត្តយុវជនសម្ដេចតេជោ ចុះអនុស្សរណៈលើភាពជាដៃគូក្នុងការព្យាបាល និងវះកាត់ជូនអ្នកជំងឺបេះដូង ឆ្អឹងខ្នង ក្បាលជង្គង់ និងថង់ទឹកប្រម៉ាត់ ដោយឥតគិតថ្លៃដើម្បីរួមចំណែកលើកកម្ពស់សុខុមាលភាពរបស់ប្រជាជនកម្ពុជា។
ថ្លែងក្នុងពិធីចុះហត្ថលេខាលើអនុស្សរណៈយោគយល់គ្នាស្តីពីភាពជាដៃគូជួយសង្គមរវាងមន្ទីរពេទ្យរ៉ូយ៉ាល់ ភ្នំពេញ និងសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) នាថ្ងៃទី១៩ ខែកញ្ញា ឆ្នាំ២០២៤ លោកសាស្ត្រាចារ្យ Attapoom Susupaus នាយកមន្ទីរពេទ្យ រ៉ូយ៉ាល់ ភ្នំពេញ បានថ្លែងថា ការចូលរួមសហការរវាងមន្ទីរពេទ្យ រ៉ូយ៉ាល់ ភ្នំពេញ ជាមួយសមាគមមូលនិធិក្រុមគ្រូពេទ្យ TYDA គឺជាផ្នែកមួយយ៉ាងសំខាន់ ដែល សមាគមនេះបង្កើតឡើងដោយសម្ដេចតេជោ ហ៊ុន សែន ហើយនេះក៏ជាផ្នែកមួយនៃគោលនយោបាយរបស់មន្ទីរពេទ្យផងដែរ ដើម្បីរួមចំណែកជាមួយសមាគម។ ការចុះអនុស្សរណៈជាមួយសមាគមមូលនិធិក្រុមគ្រូពេទ្យ TYDA នាថ្ងៃនេះ ខាងមន្ទីរពេទ្យ រ៉ូយ៉ាល់ ភ្នំពេញ នឹងជ្រើសរើសយកបញ្ជីឈ្មោះអ្នកជំងឺដែលត្រូវបញ្ជូនមកវះកាត់ក្នុងមន្ទីរពេទ្យរបស់យើងដើម្បីធ្វើការវះកាត់ និងព្យាបាលជូនអ្នកជំងឺ។ លោកសាស្រ្តាចារ្យក៏បានរម្លឹកផងដែរថា មន្ទីរពេទ្យធ្លាប់បានសហការជាមួយសមាគមមូលនិធិក្រុមគ្រូពេទ្យ TYDA កាលពីឆ្នាំ២០២០ កន្លងមក នៅក្នុងការនាំអ្នកជំងឺពីខាងមូលនិធិមកធ្វើការវះកាត់ទាក់ទងនឹងបញ្ហាបេះដូង ហើយសម្រាប់លទ្ធផលនៃការវះកាត់ គឺទទួលបានលទ្ធផលល្អដែលមានការទទួលស្គាល់ និងកោតសរសើរពីសំណាក់ប្រជាជនកម្ពុជាយើង។
ក្នុងឱកាសនោះលោកវេជ្ជបណ្ឌិត ស៊ូ ស៊ីផាន់ណា ប្រធានប្រតិបត្តិសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) មានប្រសាសន៍ថា តាមរយៈការចុះអនុស្សរណៈនេះ អ្នកជំងឺធ្ងន់ធ្ងរយើងអាចបញ្ជូនអ្នកជំងឺមកមន្ទីរពេទ្យរ៉ូយ៉ាល់ភ្នំពេញ ហើយធ្វើឱ្យក្រុមគ្រូពេទ្យ TYDA អាចពង្រីកវិសាលភាព នៃការព្យាបាលជំងឺបន្ថែមទៀត។ លោកវេជ្ជបណ្ឌិតបានលើកឡើងដែរថា សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត តែងតែគិតគូរសុខទុក្ខចំពោះសុខភាព និងការរស់នៅរបស់បងប្អូនប្រជាពលរដ្ឋ និងតែងតែបង្កលក្ខណៈងាយស្រួលនៅក្នុងការព្យាបាលជំងឺជូនប្រជាពលរដ្ឋដល់ទីកន្លែង។ ជាក់ ស្ដែងតាមរយៈការយកចិត្តទុក្ខដាក់របស់សម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានឱ្យក្រុមការងារ និងកម្លាំងស្ម័គ្រចិត្តរបស់សមាគមចុះព្យាបាលជូនប្រជាពលរដ្ឋដោយឥតគិតថ្លៃ។
សូមជម្រាបជូនថា ការចុះអនុស្សរណៈយោគយល់គ្នា រវាងមន្ទីរពេទ្យ រ៉ូយ៉ាល់ ភ្នំពេញ និងសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA)នេះ ដោយមន្ទីរពេទ្យ រ៉ូយ៉ាល់ ភ្នំពេញ ផ្ដល់ការវះកាត់ដោយឥតគិតថ្លៃសម្រាប់ប្រជាជនកម្ពុជា និងអ្នកជំងឺដែលត្រូវធ្វើវះកាត់ ដូចជាការវះកាត់បិតប្រើសបេះដូង ថតខាងក្រោម, ការថតឆ្លុះសរសៃឈាមបេះ និងដាក់ស្តែន, វះកាត់ទ្រនាប់ឆ្អឹង ដោយការចោះ, ការវះការសរសៃពួរផ្នែកខាងមុខ, ការវះកាត់ដើម្បីភ្ជាប់សរសៃឈាម និងសរសៃវ៉ែន និងការវះកាត់ថង់ទឹកប្រមាត់ដោយការចោះ៕ អត្ថបទ រដ្ឋា
-
ព័ត៌មាន1 week agoរដ្ឋមន្រី្តក្រសួងសុខាភិបាល ជួបពិភាក្សាការងារជាមួយវិស័យឯកជន ផ្តោតលើផ្នែកប្រព័ន្ធផ្គត់ផ្គង់អុកស៊ីសែនក្នុងមន្ទីរពេទ្យ និងការសាងសង់មណ្ឌលចាស់ជរា
-
ព័ត៌មាន7 days agoឯកអគ្គរដ្ឋទូតទីម័រឡេស្តេចាត់ទុកសម្ដេចតេជោគឺមិនមែនតែជាមេដឹកនាំសម្រាប់កម្ពុជានោះទេ ក៏ប៉ុន្តែជាមេដឹកនាំសម្រាប់តំបន់ និងពិភពលោកផងដែរ
-
ព័ត៌មាន1 week agoរាជរដ្ឋាភិបាលពន្យារបន្ត នៃកិច្ចព្រមព្រៀងប្រេងកាតតំបន់ III ជូនដល់ក្រុមហ៊ុន Total Energies
-
ព័ត៌មាន6 days agoឯកឧត្តមបណ្ឌិត ចាយ បូរិន អញ្ជើញប្រគល់ជ័យលាភីដល់សមណសិស្ស សិស្សពូកែទូទាំងប្រទេសផ្នែកភាសាបាលី-សំស្រ្កឹត និងសូត្របាតិមោក្ខ សម្រាប់ឆ្នាំសិក្សា២០២៤-២០២៥
-
ព័ត៌មាន5 days agoទាក់ទងនឹងបញ្ហាកោះគុត សម្តេចតេជោ ហ៊ុន សែន ផ្តាំទៅក្រុមជ្រុលនិយមថា ដំបៅមិនឈឺកុំយកឈឺចាក់
-
ព័ត៌មាន7 days agoក្រុមមហ៊ុន Khazanah នៃប្រទេសព្រុយណេដារូស្សាឡាមបង្ហាញចំណាប់អារម្មណ៍ក្នុងការវិនិយោគនៅកម្ពុជា
-
ព័ត៌មាន5 days agoសម្តេចតេជោ អំពាវនាវឱ្យពលរដ្ឋរក្សាភាពស្ងៀមស្ងាត់លើបញ្ហាកោះគុត ទុកឱ្យរដ្ឋាភិបាលដោះស្រាយ
-
ព័ត៌មាន1 week agoពិធីបើកវេទិកាពិសេសស្តីពី «សន្តិភាពសម្រាប់មនុស្សជាតិ និងភពផែនដី» កិច្ចប្រជុំគណៈកម្មាធិការប្រតិបត្តិអង្គការអ្នកប្រជាធិបតេយ្យនិយមកណ្តាលអន្តរជាតិ IDC-CDI