ព័ត៌មាន
និស្សិតខ្មែរទៅសិក្សានៅចិនថា នេះជាឱកាសដ៏ល្អក្នុងការប្រាប់បរទេសពីសក្ដានុពលរបស់ខ្មែរ ទាំងវប្បធម៌ អរិយធម៌ តំបន់ទេសចរណ៍ ជាពិសេសប្រាសាទបុរាណរបស់ខ្មែរ
ភ្នំពេញ៖ សិស្សនិស្សិតដែលទទួលបានអាហារូបករណ៍ទៅសិក្សានៅប្រទេសចិន លើកឡើងថា នេះជាឱកាសដ៏ល្អសម្រាប់ពួកគេក្នុងការប្រាប់ទៅកាន់បរទេសពីសក្ដានុពលរបស់ខ្មែរ ទាំងវប្បធម៌ អរិយធម៌ តំបន់ទេសចរណ៍ ជាពិសេសប្រាសាទបុរាណរបស់ខ្មែរ ដែលកំពុងមានជម្លោះជាមួយប្រទេសថៃ។
នៅក្នុងកម្មវិធីជួបជុំនិស្សិតជយលាភីអាហារូបករណ៍ទៅកាន់ប្រទេសចិន សិក្សានៅសាកលវិទ្យាល័យឈានណា នាថ្ងៃទី៨ ខែតុលា ឆ្នាំ២០២៥ ក្រោមការសម្របសម្រួលរបស់ សាកលវិទ្យាល័យប៊ែនធីអន្តរជាតិ និងសាលាអន្តរជាតិស្ទេបហ្វរវើដអន្តរជាតិ ក្រោមវត្តមាន ឯកឧត្តមបណ្ឌិត ស្រេង វង្សហៀង ប្រធានកិច្ចសាលាអន្តរជាតិស្ទេបហ្វរវើដអន្តរជាតិ ក្រុមនិស្សិតអាហារូបករណ៍បានលើកឡើងថា ក្នុងដំណាក់កាលនេះ គឺជាឱកាសដ៏ល្អសម្រាប់ពួកគេក្នុងការប្រាប់ទៅកាន់បរទេសពីសក្ដានុពលរបស់ខ្មែរ ទាំងវប្បធម៌ អរិយធម៌ ជាពិសេសតំបន់ ទេសចរណ៍ បន្ទាប់ពីកិច្ចការងារស្នូល គឺការសិក្សារៀនសូត្រយកចំណេះជំនាញនោះ។
ពួកគេបានបន្តថា មួយវិញទៀត ពួកគេក៏មិនភ្លេចផងដែរ ពីការប្រាប់ទៅនិស្សិតបរទេសពីប្រាសាទបុរាណរបស់ខ្មែរ ដែលកំពុងមានជម្លោះជាមួយប្រទេសថៃ គឺប្រាសាទតាមាន់ធំ ប្រាសាទតាមាន់តូច និងប្រាសាទតាក្របីជាដើម ដែលប្រាសាទទាំងអស់នេះ ជារបស់ខ្មែរយ៉ាង ពិតប្រាកដ ព្រោះកសាងដោយបុព្វបុរសខ្មែរ ។
ឯកឧត្តម លី ណាវុឌ្ឍ សាកលវិទ្យាធិការសាកលវិទ្យាល័យប៊ែធីអន្តរជាតិ បានថ្លែងថា ក្នុងពេលបានអាហារូបករណ៍ទៅសិក្សានៅប្រទេសចិននេះ និស្សិតកម្ពុជាទាំងអស់ ត្រូវតែខិតខំសិក្សារៀនសូត្រក្រេបយកចំណេះដឹង មកចូលរួមអភិវឌ្ឍន៍ប្រទេសជាតិ ឲ្យកាន់តែរីកចម្រើន ជាមួយនេះ ក៏ត្រូវតែគោរពនូវច្បាប់របស់ប្រទេសគេ រស់នៅប្រកបដោយភាពសាមគ្គី ។ មួយ វិញទៀត មិនត្រូវមានការប្រកាន់បក្ខពួក បែងចែកវណ្ណៈ កុំធ្វើឲ្យបរទេសវាយតម្លៃយើង។
លោក លឹម វុទ្ធី ស្ថាបនិក និងជាអគ្គនាយកសាលាស្ទេបហ្វរវើដអន្តរជាតិ បានឲ្យដឹងថា សម្រាប់និស្សិត ដែលទទួលអាហារូបករណ៍នេះ មានចំនួន៤៦នាក់ សិក្សាលើជំនាញបច្ចេក វិទ្យា (IT) និងជំនាញទំនាក់ទំនងសេដ្ឋកិច្ចអន្តរជាតិជាដើម។
លោកបានបន្តថា ក្រៅពីការទទួលបាននូវអាហារូបករណ៍ ទាំងការស្នាក់នៅ និងថ្លៃការសិក្សាហើយនោះ ពួកគេក៏ទទួលបានការពិនិត្យជំងឺ ដោយឥតគិតថ្លៃរយៈពេល ៥ឆ្នាំ នៃការសិក្សាពីឯកឧត្តមបណ្ឌិត ស្រេង វង្សហៀង ផងដែរ៕ អត្ថបទ បាន សុខរិទ្ធិ
-
PR NEWS4 days agoមហាព្រឹត្តិការណ៍ GANZBERG Kun Khmer Tour concert នឹងធ្វើឲ្យកក្រើក អ្នក កំពង់ស្ពី ចុងសប្តាហ៍នេះ ជាមួយការប្រគំតន្ត្រី និងសង្វៀនគុនខ្មែរ
-
ព័ត៌មាន23 hours agoក្រសួងពាណិជ្ជម្ម អំពាវនាវដល់អ្នកចែកចាយនិងម្ចាស់ស្ថានីយប្រេងឥន្ធនៈ ត្រូវគ្រប់គ្រងហានិភ័យនៃការទិញ-លក់ និងសុវត្ថិភាពអ្នកប្រើប្រាស់
-
ព័ត៌មាន4 days agoជនភៀសសឹកបង្ហាញក្តីឈឺចាប់ពីការឈ្លានរបស់ថៃស្របពេលអគ្គលេខាធិការអង្គការហ្វ្រង់កូហ្វូនីចុះសួរសុខទុក្ខ
-
ព័ត៌មាន6 days agoសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្រេចផ្តល់អំណោយមនុស្សធម៌ជាបន្ទាន់ដើម្បីជួយសម្រាលការលំបាកជូនប្រជាជនភៀសសឹកចំនួន ២.៨៨០គ្រួសារ នៅខេត្តបន្ទាយមានជ័យ ដែលរងគ្រោះដោយទឹកភ្លៀងនៅជំរំសុវត្ថិភាព
-
ព័ត៌មាន1 week agoអង្គភាព CMAC ទទួលបានគ្រឿងចក្រកម្ទេចមីនថ្មីទំនើបពីរដ្ឋាភិបាលជប៉ុន
-
ព័ត៌មាន1 week agoអ្នកនយោបាយលើកឡើងពីជោគជ័យដ៏ធំធេងរបស់សម្តេចធិបតីនៅអាម៉េរិក និងអឺរ៉ុប
-
ព័ត៌មាន3 days agoអនុព័ន្ធយោធាបរទេស ១២ប្រទេស ចុះពិនិត្យទីតាំងជាក់ស្តែងនៅភូមិព្រៃចាន់ ដែលរងការវាយប្រហារ រាយបន្លាលួស និងដាក់ទូកុងតឺន័រកាន់កាប់ដោយខុសច្បាប់ពីសំណាក់យោធាថៃ
-
ព័ត៌មាន1 week agoអគ្គលេខាធិការសមាគមអតីតយុទ្ធជន អញ្ជើញពិនិត្យការសាងសង់ផ្ទះជូនអតីតយុទ្ធជន ក្នុងខេត្តបន្ទាយមានជ័យ