ព័ត៌មាន
វីរកងទ័ពកម្ពុជា បន្តឈរជើងយ៉ាងរឹងមាំក្នុងកិច្ចការពារបូរណភាពទឹកដី ខណៈទាហានឈ្លានពានថៃបន្តបាញ់ផ្លោងចូល
អ្នកនាំពាក្យក្រសួងការពារជាតិកម្ពុជាលោកជំទាវម៉ាលី សុជាតា បានថ្លែងថា រហូតមកដល់ថ្ងៃទី១១ ខែធ្នូ ឆ្នាំ២០២៥នេះ ទាហានឈ្លានពានថៃបានបន្តបាញ់ផ្លោងយ៉ាងឃោរឃៅបំផុតមកលើដែនអធិបតេយ្យរបស់កម្ពុជាដោយបន្តប្រើប្រាស់អាវុធុនធ្ងន់ គ្រាប់បែកផ្សែង និងយន្តហោះចម្បាំប្រភេទF-16 ប៉ុន្តែវីរកងទ័ពកម្ពុជាបានបន្តឈរជើងការពារយ៉ាងរឹងមាំបំផុតក្នុងកិច្ចការពារនូវបូរណភាពទឹកដីរបស់ខ្លួនដោយបានធ្វើការបាញ់តបទៅវិញយ៉ាងចាស់ដៃផងដែរ។
ក្នុងសន្និសីទសារព័ត៌មានប្រចាំថ្ងៃនាព្រឹកថ្ងៃទី១១ ខែធ្នូ ឆ្នាំ២០២៥នេះ ស្តីពីស្ថានភាពព្រំដែន ក្រោយភាគីថៃធ្វើការឈ្លានពានមកលើដែនអធិបតេយ្យកម្ពុជាអស់រយៈពេលប៉ុន្មានថ្ងៃមកនេះ លោកជំទាវ ម៉ាលី សុជាតា បានលើកឡើងថា ការបន្តបាញ់ប្រហាររបស់ទាហានឈ្លានពានថៃ មកលើដែនអធិបតេយ្យភាពកម្ពុជា គឺជាទង្វើអមនុស្សធម៌ និងឃោរឃៅបំផុត ដោយគ្មានទទួលខុសត្រូវនេះ វាបានធ្វើឲ្យមានគ្រោះថ្នាក់យ៉ាងធ្ងន់ធ្ងរបំផុត ដោយមិនត្រឹមតែប៉ះពាល់សម្រាប់សន្តិភាព និងស្ថិរភាពក្នុងតំបន់ប៉ុណ្ណោះទេ ប៉ុន្តែថែមទាំងប៉ះពាល់ដល់មូលដ្ឋានគ្រឹះនៃសណ្តាប់ធ្នាប់អន្តរជាតិផងដែរ។ មួយវិញទៀតទង្វើបាញ់ប្រហាររបស់ទាហានឈ្លានពានថៃមកលើកម្ពុជាទាំងកំរោលនេះ មិនត្រឹមតែរំលោភនូវកិច្ចព្រមព្រៀងទាំងឡាយរវាងកម្ពុជា និងថៃប៉ុណ្ណោះទេថែមទាំងរំលោភលើធម្មនុញ្ញអង្គការសហប្រជាជាតិ និងធម្មនុញ្ញអាស៊ានផងដែរ។
អ្នកនាំពាក្យក្រសួងការពារជាតិកម្ពុជា លោកជំទាវឧត្តមសេនីយ៍ឯក ម៉ាលី សុជាតា ក៏បានថ្លែងផងដែរថា ការបាញ់ប្រហារយ៉ាងព្រៃផ្សៃរបស់ទាហានថៃដោយប្រើប្រាស់អាវុធធុនធ្ងន់, ឧស្ម័នពុល, រួមទាំងយន្តហោះចម្បាំងដ៏កំរោល ដោយមិនរើសគោលដៅរបស់ទាហានឈ្លានពានថៃនេះ ជាការរំលោភបំពានច្បាប់មនុស្សធម៌អន្តរជាតិ ដោយការបាញ់ប្រហាររបស់ទាហានឈ្លានពានថៃអស់រយៈពេលប៉ុន្មានថ្ងៃមកនេះបានបណ្តាល ឲ្យជនស៊ីវិលកម្ពុជាបាត់បង់ជីវិតចំនួន ១០នាក់ និងរងរបួសធ្ងន់ស្រាលឡើងដល់៥០នាក់ ខណៈរាប់សែននាក់កំពុងរត់ភៀសសឹក។
នៅក្នុងសន្និសីទសារព័ត៌មាននោះដែរ អ្នកនាំពាំក្យក្រសួងការពារជាតិកម្ពុជា ក៏បានបង្ហាញការសោកស្តាយរបស់ទង្វើដោយគ្មានស្មោះត្រង់របស់ភាគីថៃ និងបានប្រកាសធ្វើការច្រានចោលទាំងស្រុងក្នុងការមូលបង្កាច់ បំភ្លៃការពិត និងគ្មានមូលដ្ឋានម្តងហើយម្តងទៀតរបស់ភាគីថៃ ដើម្បីយកមកធ្វើជាឡេសបម្រើដល់មហិច្ឆិតាឈ្លានពានរបស់ខ្លួនមកលើដែនអធិបតេយ្យស្របច្បាប់របស់កម្ពុជា។ ដោយក្រោយបានធ្វើការបាញ់ប្រហារមកលើកម្ពុជា ភាគីថៃបានបំពានគ្រប់លក្ខខណ្ឌទាំងអស់ ទាំងកិច្ចព្រមព្រៀងបទឈប់បាញ់ កិច្ចព្រមសន្តិភាពកូឡាឡាំពួ ហើយបែជាមកជ្រើសរើសការគំរាមកំហែង និងការប្រើប្រាស់កម្លាំងដោយមិនញញើតច្បាប់អន្តរជាតិសូម្បីតែបន្តិចនោះ។
យ៉ាងណាក៏ដោយលោកជំទាវម៉ាលី សុជាតា បានអះអាងថា វីរកងទ័ពកម្ពុជា បានបន្តឈរជើងយ៉ាងរឹងមាំរបស់ខ្លួន ដើម្បីការពារនូវបូរណភាពទឹកដីរបស់កម្ពុជាយ៉ាងអង់អាចបំផុត ហើយមួយវិញទៀតការបាញ់ឆ្លើយតបតចំពោះយោធាកម្ពុជា គឺបាញ់ទៅលើតែមូលដ្ឋានកងទ័ពឈ្លានពានថៃប៉ុណ្ណោះ មិនបាញ់សំដៅប្រហារលើជនស៊ីវិលដូចភាគីថៃនោះឡើយ៕ អត្ថបទ៖ បាន ចក់
-
PR NEWS1 week agoអស់ទាស់ហើយ GANZBERG លើកនេះដាក់កក្រើកក្រុងសេរីសោភ័ណ្ឌ រយៈពេល២យប់ជាប់គ្នា!
-
ព័ត៌មាន6 days agoអភិបាលខេត្តកោះកុង ជំរុញដល់កម្មករកម្មការិនី និងនិយោជក ចាត់ទុករោងចក្រជាឆ្នាំងបាយរួម និងជាផ្ទះទីពីរ
-
ព័ត៌មាន5 days agoប្រធានគណៈកម្មាធិការ គណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ
-
ព័ត៌មាន1 week agoសម្តេចតេជោ ហ៊ុន សែន៖ ថ្នាក់ដឹកនាំគ្រប់ជាន់ថ្នាក់ក្នុងខេត្តតាកែវត្រូវយកចិត្តទុកដាក់ឱ្យបានខ្ពស់ចំពោះអតីតយុទ្ធជន និងនិវត្តជន
-
ព័ត៌មាន1 week agoនាវាកងទ័ពជើងទឹកប្រជាជនវៀតណាមចូលសំចតនៅផែមូលដ្ឋានសមុទ្ររាម
-
ព័ត៌មាន7 days agoកម្ពុជា-ម៉ាឡេស៊ី ប្ដេជ្ញាជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ និង ទូលំទូលាយបន្ថែមទៀត
-
កីឡា1 week agoលោក អ៊ូ តារា៖ ការប្រកួតគុនល្បុក្កតោបឋមសិក្សាថ្នាក់ជាតិឆ្នាំនេះកុមារា កុមារី មានការកើនឡើងទាំងចំនួន និងបច្ចេកទេស
-
ព័ត៌មាន1 week agoកម្ពុជា-ឡាវ-វៀតណាម ឯកភាពបន្តជំរុញកិច្ចសហប្រតិបត្តិការលើគ្រប់វិស័យឱ្យកាន់តែជិតស្និទ្ធ