រដ្ឋមន្ដ្រីស្តីទីក្រសួងមុខងារសាធារណៈ ចុះពិនិត្យការធ្វើជំរឿនមន្ដ្រីជាក់ស្ដែងដោយផ្ទាល់ នៅទីស្តីការក្រសួងទេសចរណ៍

ខណៈពេលដែលគណៈកម្មការជំរឿន កំពុងធ្វើការពិនិត្យ និងផ្ទៀងផ្ទាត់យ៉ាងយកចិត្តទុកដាក់ទៅលើរចនាសម្ព័ន្ធអង្គភាពជាក់ស្តែង និងវត្តមានមន្ត្រី រួមជាមួយការធ្វើជីវមាត្រមន្ត្រី ដូចជាការថតរូប និងផ្តិតស្នាមខ្ចៅដៃជាដើម នៅទីស្តីការក្រសួងទេសចរណ៍ ឯកឧត្តម យក់ ប៊ុនណា រដ្ឋមន្ត្រីស្តីទីក្រសួងមុខងារសាធារណៈ ឆ្លៀតឱកាសពីការងារប្រចាំថ្ងៃ បានចុះពិនិត្យដោយផ្ទាល់ ក្នុងសកម្មភាពនៃការធ្វើជំរឿនមន្ត្រីជាក់ស្តែងនៅតាមរចនាសម្ព័ន្ធ នៅទីស្តីការក្រសួងទេសចរណ៍។

តាមការគ្រោងទុក គណៈកម្មការជំរឿន ចុះធ្វើជំរឿនមន្ត្រីជាក់ស្តែង ដោយធ្វើការពិនិត្យផ្ទៀងផ្ទាត់រចនាសម្ព័ន្ធ និងវត្តមានមន្ត្រីក្របខ័ណ្ឌ មន្ត្រីជាប់កិច្ចសន្យា និងមន្ត្រីផ្សេង​ ដែលបាន និងកំពុងបំពេញការងារជាក់ស្តែងរបស់អង្គភាពចំណុះទីស្តីការក្រសួងទេសចរណ៍ រយៈពេល ២ថ្ងៃពេញ គឺថ្ងៃទី២៥ និងទី២៦ ខែមិថុនា ឆ្នាំ២០២៦។

ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង ធ្វើឡើងដើម្បីទទួលបានទិន្នន័យច្បាស់លាស់ ឯកភាពគ្នា និងប្រើប្រាស់បានរួមគ្នា៕