ព័ត៌មាន
ឧបនាយករដ្ឋមន្ត្រី សាយ សំអាល់ ផ្ដល់បណ្ណកម្មសិទ្ធិដីសមូហភាពដល់ជនជាតិភាគតិចក្រោល នៅខេត្តក្រចេះ
ក្រចេះ៖ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញផ្ដល់បណ្ណកម្មសិទ្ធិដីសមូហភាព ដែលស្ថិតក្នុងគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ (LASED III) ទៅដល់បងប្អូនជនជាតិដើមភាគតិចក្រោល ស្ថិតក្នុងភូមិស្រែជិះ ឃុំស្រែជិះ ស្រុកអូរគ្រៀងសែនជ័យ ខេត្តក្រចេះ ដែលងាយស្រួលដល់ពួកគាត់អាស្រ័យផល ចូលរួមថែរក្សាការពារព្រៃឈើ និងប្រតិបត្តិតាមប្រពៃណីទំនៀមទម្លាប់របស់ពួកគាត់។
ក្នុងពិធីផ្ដល់បណ្ណសមូហភាពចំនួន ៣៩បណ្ណ ស្មើនឹងផ្ទៃដីប្រមាណជិត ១ពាន់ហិកតា នៅថ្ងៃទី២០ ខែមករា ឆ្នាំ២០២៦ ឯកឧត្តមឧបនាយករដ្ឋមន្ត្រី មានប្រសាសន៍ថា ការងារផ្ដល់នូវដីសមូហភាពដល់បងប្អូនជនជាតិដើមភាគតិចគ្រប់អម្បូរ គឺជាការយកចិត្តទុកដាក់ និងគោលដៅរបស់រាជរដ្ឋាភិបាល ដោយធ្វើយ៉ាងណាឲ្យពួកគាត់ មានដីសម្រាប់រស់នៅ អាស្រ័យផលធ្វើកសិកម្ម ដីព្រៃសហគមន៍ និងដីសម្រាប់កបខ្មោចជាដើម ។
ឯកឧត្តម បានបន្តថា មួយវិញទៀត បន្ទាប់ពីការងារវាស់វែងដីធ្លី និងការផ្ដល់ជូននូវបណ្ណកម្មសិទ្ធិរួចរាល់ ក្រសួងក៏នឹងមានការរៀបចំការអភិវឌ្ឍដីធ្លី ជាពិសេសនៅក្នុងទឹកដីភូមិភាគឦសាននេះ ដែលមានខេត្តក្រចេះផងដែរនោះ នឹងត្រូវបែងចែកប្រភេទដី សម្រាប់ធ្វើការអភិវឌ្ឍសេដ្ឋកិច្ច ក្នុងនោះមានដីធ្វើកសិកម្ម ដូចជាការដាំដំណាំផ្សេង និងការចិញ្ចឹមសត្វ… ។
ជាមួយនេះ ឯកឧត្តមឧបនាយករដ្ឋមន្ត្រី សាយ សំអាល់ បានបង្ហាញការជឿជាក់ថា បងប្អូនជនជាតិដើមភាគតិច ដែលបានទទួលបណ្ណកម្មសិទ្ធិដីសមូហភាពនេះ នឹងប្រើប្រាស់បានជាប្រយោជន៍ដល់សហគមន៍ ជាមួយនឹងការស្នើទៅអាជ្ញាធរ និងគម្រោង LASED III បន្តជួយអភិវឌ្ឍន៍ផ្លូវ អាងស្តុកទឹក និងបណ្ដុះបណ្ដាលជំនាញកសិកម្មជាដើម ដល់ពលរដ្ឋនៅក្នុងបន់នេះ ឲ្យកាន់តែមានជីវភាពល្អប្រសើរ។
ក្នុងពេលទៅទទួលបណ្ណកម្មសិទ្ធិដីសមូហភាព ជនជាតិដើមក្រោល បានបង្ហាញការសប្បាយរីករាយ ចំពោះការគិតគូររបស់រាជរដ្ឋាភិបាល ដែលបានផ្ដល់នូវបណ្ណកម្មសិទ្ធិដីធ្លីជូនជនជាតិដើមភាគតិច ជាមួយនឹងការប្ដេជ្ញាខិតខំចូលរួមថែរក្សាដីដូនតា និងដីសហគមន៍ ដែលកំពុងមានសត្វព្រៃជាច្រើនប្រភេទកំពុងរស់នៅ ឲ្យបានគង់វង់ ។
ឯកឧត្តម វ៉ា ថន អភិបាលខេត្តក្រចេះ មានប្រសាសន៍ថា ខេត្តក្រចេះ មានសហគមន៍ជនជាតិដើមភាគតិច បានដាក់ពាក្យស្នើសុំចុះបញ្ជីដីចំនួន ១១សហគមន៍ ក្នុងនោះ បានចេញបណ្ណកម្មសិទ្ធិសមូហភាពរួចចំនួន ៧សហគមន៍ មានចំនួន ២៤៥បណ្ណ ស្មើនឹង ៩៩៣គ្រួសារ មានទំហំ ៦ ៥៣៨,៣៧ហិកតា ។
ឯកឧត្តម បានបន្តថា សហគមន៍ទាំង ៧រួមមាន សហគមន៍ជនជាតិដើមភាគតិច “ព្នង” ចំនួន ៣សហគមន៍, សហគមន៍ជនជាតិដើមភាគតិច “ក្រោល” ចំនួន៣សហគមន៍, សហគមន៍ជនជាតិដើមភាគតិច “មិល” ចំនួន១សហគមន៍។ ជាមួយនេះ មានសហគមន៍ជនជាតិដើមភាគតិច បានស្នើសុំអនុបយោគចំនួន ២សហគមន៍ គឺជនជាតិដើមភាគតិច “គួយ”, បានបញ្ចប់ការវាស់វែងចំនួន ១សហគមន៍ គឺជនជាតិដើមភាគតិច “ព្នង”, បាននិងកំពុងចុះបញ្ជីចំនួន១សហគមន៍ គឺជនជាតិដើមភាគតិច “គួយ” ដែលស្ថិតក្រោមគម្រោង LASED III ហើយក៏បានបញ្ចប់ការវាស់វែង និងត្រៀមបិទផ្សាយ) ៕ អត្ថបទ បាន សុខរិទ្ធិ
-
PR NEWS4 days agoអស់ទាស់ហើយ GANZBERG លើកនេះដាក់កក្រើកក្រុងសេរីសោភ័ណ្ឌ រយៈពេល២យប់ជាប់គ្នា!
-
ព័ត៌មាន2 days agoអភិបាលខេត្តកោះកុង ជំរុញដល់កម្មករកម្មការិនី និងនិយោជក ចាត់ទុករោងចក្រជាឆ្នាំងបាយរួម និងជាផ្ទះទីពីរ
-
ព័ត៌មាន1 day agoប្រធានគណៈកម្មាធិការ គណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ
-
ព័ត៌មាន1 week agoអតីតពលករមកពីថៃជាង ២០នាក់ បាទទួលវិញ្ញាបនបត្របញ្ជាក់ជំនាញ ពីក្រសួងការងារ
-
ព័ត៌មាន5 days agoនាវាកងទ័ពជើងទឹកប្រជាជនវៀតណាមចូលសំចតនៅផែមូលដ្ឋានសមុទ្ររាម
-
ព័ត៌មាន3 days agoកម្ពុជា-ម៉ាឡេស៊ី ប្ដេជ្ញាជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ និង ទូលំទូលាយបន្ថែមទៀត
-
ព័ត៌មាន4 days agoសម្តេចតេជោ ហ៊ុន សែន៖ ថ្នាក់ដឹកនាំគ្រប់ជាន់ថ្នាក់ក្នុងខេត្តតាកែវត្រូវយកចិត្តទុកដាក់ឱ្យបានខ្ពស់ចំពោះអតីតយុទ្ធជន និងនិវត្តជន
-
ព័ត៌មាន1 week agoគិតត្រឹមចុងខែមីនាឆ្នាំ២០២៦៖ រោងចក្រ សហគ្រាសកើនដល់ជាង ៤ម៉ឺន៧ពាន់ ផ្ដល់ការងាររាប់ម៉ឺនកន្លែង