សាលារៀនចំនួន១៥ទីតាំងនៅមូលដ្ឋានខណ្ឌដង្កោបានទទួលជីប្រភេទទឹកចំនួន១ម៉ឺន៥លីត្រពីសប្បុរសជនដើម្បីប្រើប្រាស់ស្រោចស្រព និងថែទាំដំណាំកសិកម្មក្នុងសាលារៀន

ភ្នំពេញ៖ សាលារៀនវិទ្យាល័យ, អនុវិទ្យាល័យ និង សាលាបឋម សរុបចំនួន១៥កន្លែង នៅក្នុងមូលដ្ឋាន ខណ្ឌដង្កោ រាជធានីភ្នំពេញ បានទទួលអំណោយសប្បុរសធម៌ ជី ប្រភេទជាទឹក ពីក្រុមហ៊ុនដាវីស៊ីអេចចំនួន ១,៥០០០ លីត្រ សម្រាប់ប្រើប្រាស់ក្នុងការស្រោចស្រព និងថែទាំដំណាំកសិកម្មផងដែរ ក្នុងបរិវេណសាលា។

ការទទួលនៅអំណោយរបស់សប្បុរសជន កាលពីរសៀល ថ្ងៃទី២៤ ខែមិថុនា ឆ្នាំ២០២៦ ដោយមានការចូលរួម លោក ឌី ពុទ្ធារ័ត្ន នាយករង កម្មវិធីកសាងអង្គការមហាជន ស្ថិតនៅវិទ្យាល័យទួលអំពិល ក្នុងសង្កាត់ជើងឯក ខណ្ឌដង្កោ រាជធានីភ្នំពេញ ដោយវិទ្យាល័យ ,អនុវិទ្យាល័យ និង សាលាបឋមនីមួយៗ គឺទទួលបាន ជី ប្រភេទទឹក ចំនួន ១០០០លីត្រ សម្រាប់ប្រើប្រាស់ក្នុងការស្រោចស្រព និងថែទាំដំណាំកសិកម្មក្នុងសាលា។

ក្នុងនោះផងដែរដោយមានការយកចិត្តទុកដាក់ របស់ក្រុមហ៊ុន បានចាត់ក្រុមការងារដឹក ជី ប្រភេទទឹក ទាំងនោះដាក់តាមសាលានីមួយៗ តាមចំនួនកំណត់ ដល់គោលដៅដោយផ្ទាល់ ដើម្បីផ្តល់ភាពងាយស្រួលដល់សាលាផងដែរ។

ជាចុងក្រោយ នាឪកាសនោះ លោកនាយករងបានគាំទ្រ សកម្មភាពទាំងនេះ និង គាំទ្រ រួមចំណែកលើកកម្ពស់សកម្មភាពសាលាបៃតង ការអប់រំផ្នែកកសិកម្ម និង ការត្រៀមខ្លួនរបស់សាលារៀនសម្រាប់ការប្រកួតប្រជែង សួនបន្លែ នាពេលខាងមុខ៕

អត្ថបទ៖ កុម្ភៈ