ព័ត៌មាន
កម្មករនិយោជិតរោងចក្រសផ្លេនឌើរ (Splendor) ចូលរួមថវិកាជាមួយរដ្ឋាភិបាលក្នុងការកសាងហេដ្ឋារចនាសម្ព័ន្ធតាមព្រំដែន
ភ្នំពេញ ៖ កម្មករនិយោជិតរោងចក្រកាត់ដេរសម្លៀកបំពាក់សផ្លេនឌើរ (Splendor) នៅរាជធានីភ្នំពេញ រីករាយចូលរួមបរិច្ចាគថវិកាជូនមូលនិធិកសាងហេដ្ឋារចនាសម្ព័ន្ធតាមព្រំដែន ជាមួយរាជរដ្ឋាភិបាល នៅថ្ងៃទី៤ ខែកញ្ញា ឆ្នាំ២០២៤នេះ ដើម្បីកសាងផ្លូវ និងអភិវឌ្ឍន៍តំបន់ព្រំដែនឱ្យកាន់តែល្អប្រើសើរថែមទៀត។
អ្នកស្រីជា ផា កម្មការិនីរោងចក្រសផ្លេនឌើរ (Splendor) បានលើកឡើងថា ដោយទឹកចិត្តស្នេហាជាតិ អ្នកស្រីបានបាញ់លុយចូលមូលនិធិកសាងហេដ្ឋារចនាសម្ព័នដើម្បីចូលរួមចំណែកជាមួយរាជរដ្ឋាភិបាលក្នុងការកសាងផ្លូវ ក៏ដូចជាធ្វើការអភិវឌ្ឍតំបន់ព្រំដែនឱ្យបានកាន់តែរីកចម្រើនថែមទៀត។ អ្នកស្រីថា មានតែការការភិវឌ្ឍតំបន់ព្រំដែនឱ្យទៅជាទីកន្លែងអ៊ូអរ ជាទីប្រជុំជនមានមនុស្សច្រើនប៉ុណ្ណោះ ទើបធ្វើឱ្យព្រំដែនប្រទេសជាតិរឹងមាំគង់វង្សបានជារៀងរហូតទៅ។
អ្នកស្រីនិយាយថា៖«ខ្ញុំចូលរួមដោយសារតែខ្ញុំស្រលាញ់ប្រទេសជាតិ ហើយការចូលរួមនេះដើម្បីឱ្យរដ្ឋាភិបាលកសាងផ្លូវ ព្រំដែនរីកចម្រើនកាន់តែល្អ កាលណាអភិវឌ្ឍន៍តំបនព្រំដែនគ្មានអ្នកណាយកប្រទេសជាតិយើងបានទេ»។
ដូចគ្នានេះដែរកម្មការិនីរោងចក្រ សផ្លេនឌើរ (Splendor) ម្នាក់ទៀតគឺអ្នកស្រី ឆាយ សា បាននិយាយថា៖«ខ្ញុំស្រលាញ់ទឹកដីខ្ញុំ។ ខ្ញុំចង់ការពារទឹកដីខ្ញុំ កុំឱ្យគេចូលឈ្លានពានហើយដើម្បីឱ្យកូនចៅជំនាន់ក្រោយបានដឹង និងមួយវិញទៀត ដើម្បីភាពងាយស្រួលទំនាក់ទំនងប្រទេសជិតខាង ហើយភ្ញៀវទេសចរអាចចូលមកមើលប្រទេសយើងបានស្រួល»។
រីឯអ្នកស្រី ចយ ធីតា កម្មការិនីរោងចក្រសផ្លេនឌើរ (Splendor) បានលើកឡើងផងដែរថា៖«មានតែការអភិវឌ្ឍទេ ដែលធ្វើឱ្យតំបន់ព្រំដែនរបស់យើងរឹងមាំបានហើយមានភ្ញៀវទេសចរកាន់តែច្រើន»។
ទន្ទឹមនេះបងប្អូនកម្មការិនីបានបង្ហាញពីការទុកចិត្តចំពោះសម្តេចធិបតីក្នុងការដឹកនាំរាជរដ្ឋាភិបាល ឈានឆ្ពស់ទៅរកការរីកចម្រើនកាន់តែខ្លាំង និងបានបញ្ជាក់ថា សម្តេចប្រមុខរាជរដ្ឋាភិបាលដឹកនាំប្រទេសបានល្អ ដោយបានគិតគូរយកចិត្តទុកដាក់ចំពោះកម្មករកម្មការិនី ឱ្យទទួលបានផលប្រយោជន៍កាន់តែច្រើន លក្ខខណ្ឌការងារល្អ ប្រាក់ខែក៏ឡើងជាបន្តបន្ទាប់ពីមួយឆ្នាំទៅមួយឆ្នាំ។
កម្មការិនី សែត ម៉ារី លើកឡើងថា៖«ការដឹកនាំរបស់សម្តេចធិបតីធ្វើឱ្យខ្ញុំទទួលបានអត្ថប្រយោជន៍ច្រើនដូចជា បសស សម្រាប់កម្មការិនីពួកខ្ញុំឆ្លងទន្លេងាយស្រួល ហើយមានអត្ថប្រយោជន៍ក្រុមហ៊ុនដូចថាក្រុមហ៊ុនខ្ញុំធ្វើការរាល់ថ្ងៃនេះគឺល្អហ្មង»។
ចំណែកកម្មការិនីខាត់ ស៊ីយ៉ិន បាននិយាយថា៖«បងហ៊ុនម៉ាណែតគាត់គាត់ដឹកនាំបានល្អ បានរីកចម្រើន ឱ្យប្រជាជនរស់នៅបានស្រួល អភិវឌ្ឍន៍ជឿនលឿនគ្រប់វិស័យ។យើងត្រូវការអភិវឌ្ឍដើម្បីប្រជាជនកម្ពុជាទាំងអស់រស់នៅបានសុខស្រួលកុំឱ្យគេឈ្លានពាន មានតែការអភិវឌ្ឍព្រំដែនទេ ដែលធ្វើឱ្យប្រទេសជាតិយើងរីកចម្រើនទៅមុខ»៕

-
ព័ត៌មាន1 week ago
ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week ago
TOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន7 days ago
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
PR NEWS3 days ago
ក្រុមហ៊ុន GANZBERG ឧបត្ថម្ភដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា សរុបចំនួន ១,០០០,០០០ ដុល្លារ
-
ព័ត៌មាន7 days ago
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន5 days ago
កិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
-
ព័ត៌មាន6 days ago
កម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ
-
ព័ត៌មាន1 week ago
រដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់អាហារជូនបងប្អូនភៀសខ្លួនពីខេត្តឧត្តរមានជ័យ និងខេត្តព្រះវិហារ