លោកឌី រ័ត្នខេមរុណ៖ កម្លាំងសណ្តាប់ធ្នាប់ បានដើរតួនាទីយ៉ាងសម្ខាន់ ជាមួយការងារសង្គមជាតិ និងប្រជាជន

នាវេលាព្រឹកថ្ងៃទី០៦ ខែវិច្ឆិកា ឆ្នាំ២០២៤នេះ លោកឌី រ័ត្នខេមរុណ អភិបាលរងខណ្ឌ៧មករា តំណាង​លោក ថេង សុថុល អភិបាល នៃគណៈអភិបាល ខណ្ឌ៧មករា បានជួបសំណេះ​សំណាល ជាមួយកម្លាំងសណ្តាប់ធ្នាប់ និង បុគ្គលិក អនាម័យ ខណ្ឌ៧មករា ។

លោក ឌី រ័ត្នខេមរុណ អភិបាលរងខណ្ឌ៧មករា បានធ្វើការកោតសរសើរ ចំពោះកម្លាំង​សណ្តាប់​ធ្នាប់​ខណ្ឌ ដែលបានបំពេញនូវតួនាទី ភារកិច្ច របស់ខ្លួន និងការខិតខំប្រឹងប្រែង រក្សាសន្តិសុខ សុវត្ថិភាព រៀបចំសណ្ដាប់ធ្នាប់សាធារណៈ ជូនបងប្អូនប្រជាពលរដ្ឋ ក្នុងមូលដ្ឋាន ឱ្យរស់នៅ​បាន​ប្រកប​ដោយ​សេចក្តីសុខសប្បាយ ។

កម្លាំងទាំងនេះ ក៏បានដើរតួសម្ខាន់ ក្នុងការជួយសម្រួលចរាចរណ៍ មិនថាយប់ថ្ងៃជូនប្រជាពលរដ្ឋ ពិសេស​ក្បួនធ្វើដំណើរពិសេសៗ របស់ថ្នាក់ដឹកនាំប្រទេសគ្រប់ជាន់ថ្នាក់ ក៏ដូចជា​ថ្នាក់​ដឹកនាំ​កំពូល​ៗ​របស់អន្តរជាតិ ដែលបានចូលមកកម្ពុជា ផងដែរ ។

លោកអភិបាលរង បានធ្វើការផ្តាំផ្ញើ ជូនកងកម្លាំងសណ្តាប់ធ្នាប់ខណ្ឌ៧មករា ទាំងអស់ ត្រូវប្រកាន់អោយបានខ្ជាប់ខ្ជួនដូចជា ៖

១.កម្លាំង ត្រូវមានវិន័យ

២.កម្លាំង ត្រូវស្តាប់បទបញ្ជា

៣.កម្លាំង ត្រូវគោរព តួនាទី ភារកិច្ច និងសាមគ្គីភាពផ្ទៃក្នុង ។

ក្នុងពិធីសំណេះសំណាលនេះដែរ កម្លាំងសណ្តាប់ធ្នាប់ រួមទាំងកម្មករអនាម័យ ក្នុងម្នាក់ៗទទួលបាន ៖ មី១កេស, ទឹកក្រូច ១កេស, ទឹកស៊ីអ៉ីវ ១យួរ , ទឹកត្រី ១យួរ, ឃីត ១កញ្ចប់ និងថវិកាមួយចំនួនផងដែរ៕ អត្ថបទ៖ កុម្ភះ