ព័ត៌មាន
ឧបនាយករដ្ឋមន្ដ្រី ទៀ សីហា៖ ប្រជាជនកម្ពុជាលែងប្រកាន់ហើយ ចំពោះពួកក្រុមថៃ ពូកែបង្អាប់ សម្តែង មើលងាយគេ
ឧបនាយករដ្ឋមន្ដ្រី ទៀ សីហា រដ្ឋមន្ដ្រីក្រសួងការពារជាតិ នាល្ងាចថ្ងៃទី៦ ខែតុលា ឆ្នាំ២០២៥ នេះ បានបង្ហោះលើបណ្ដាញសង្គមហ្វេសប៊ុកថា ប្រជាជនកម្ពុជាលែងប្រកាន់ហើយ ចំពោះពួកក្រុមជនជាតិថៃមួយចំនួនដែលនិយម រឿងបង្អាប់ រឿងសម្តែង មើលងាយគេ។
បន្ទាប់ពីឃើញ វីដេអូ ដែលជនជាតិថៃបានដាក់តាំងរូបសម្ដេចតេជោ ដើម្បីបាញ់យករង្វាន់, ឧបនាយករដ្ឋមន្ដ្រី ទៀ សីហា លើកឡើងថា ការបង្ហោះវីដេអូ មានសមត្ថកិច្ច និងប្រជាជនមួយចំនួន បានយករូបថ្នាក់ដឹកនាំប្រទេសកម្ពុជាមកលេងសើចបែបនេះ តើមានបំណងអ្វី?
១. ចង់បង្ហាញថា ប្រជាជនថៃ និងកងកម្លាំងស្អប់ថ្នាក់ដឹកនាំកម្ពុជា?
២. មិនចង់ឱ្យបញ្ចប់ការប៉ះគ្នានៅព្រំដែនកម្ពុជា-ថៃ ដែលបាននាំគ្នាអនុវត្តបទឈប់បាញ់ ៦៩ថ្ងៃមកនេះ
៣. ក្រុមអគតិមួយចំនួន ចង់ឱ្យប្រជាជាតិខ្មែរស្អប់ប្រជាជនថៃ ដល់កម្រិតមួយដែលមិនអាចវិលមកវិញបាន
ឧបនាយករដ្ឋមន្ដ្រី ទៀ សីហា លើកឡើងបន្តថា៖ “ខ្ញុំតែងតែគិតថា ប្រជាជនថៃមានការសិក្សាល្អ មានភាពថ្លៃថ្នូរ ប្រទេសជឿនលឿនជាប់លំដាប់ថ្នាក់ក្នុងអាស៊ាន តែមើលទៅខ្ញុំគិតខុសហើយ វាក៏នៅមានក្រុមដែលមិនបានស្គាល់ពិភពលោកខាងក្រៅដែរតើ។ប្រជាជនកម្ពុជាលែងប្រកាន់ហើយ ចំពោះពួកក្រុមទាំងនេះ រឿងបង្អាប់ រឿងសម្តែង មើលងាយគេ (Bully) ឬ don’t thai to me គឺដោយសារក្រុមនេះហើយ ដែលធ្វើឱ្យពិភពលោកមើលឃើញជ្រុងខ្មៅងងឹតរបស់ប្រទេសថៃ(dark side of thailand)”។
ជាមួយគ្នានេះ ឧបនាយករដ្ឋមន្ដ្រី ទៀ សីហា បានសំណូមពរបងប្អូនជនរួមជាតិកម្ពុជា កុំយកតម្រាប់តាមទង្វើរបស់ក្រុមថៃមួយចំនួន ខណៈកម្ពុជាយើងមិនឈានដល់កម្រិតអសីលធម៌ គ្មានសុជីវធម៌ បែបក្រុមនេះទេ។ ឯកឧត្ដមបញ្ជាក់ថា ឯកឧត្ដមស្រឡាញ់ រាប់អានមនុស្ស មិនប្រកាន់ជាតិសាសន៍នោះទេ សូមបងប្អូនជនជាតិថៃ និងជនជាតិដទៃទៀតដែលរស់នៅកម្ពុជា បន្តរួមរស់ដោយសុវត្ថិភាព និងសន្តិភាព៕

-
ព័ត៌មាន1 week ago
មនុស្សជាង៧០នាក់ស្លាប់ និងជាង៥០នាក់រងរបួសធ្ងន់ស្រាល ដោយសារគ្រោះថ្នាក់ចរាចរណ៍រយៈពេល៩ខែឆ្នាំ២០២៥
-
ព័ត៌មាន5 days ago
កម្ពុជា ធ្វើជាម្ចាស់ផ្ទះរៀបចំសន្និសីទសមាគមគ្រូពេទ្យ ត្រចៀក ច្រមុះ បំពង់ក សល្យសាស្រ្ត ក្បាល និងក អាស៊ាន លើកទី២១
-
ព័ត៌មាន1 week ago
នាវាកងទ័ពជើងទឹកចិន ចំនួន២គ្រឿង នឹងចូលសំចតធ្វើទស្សនកិច្ចនៅកំពង់ផែស្វយ័តក្រុងព្រះសីហនុ រយៈពេល៦ថ្ងៃ
-
ព័ត៌មាន1 week ago
យោធភូមិភាគទី៤ កម្ពុជា បានបញ្ជូនលិខិតអញ្ជើញជាលើកទីពីរ ទៅកាន់ កងទ័ពភូមិភាគទី២ ថៃ
-
ព័ត៌មាន1 week ago
TOP STORY | សម្តេចធិបតី រំពឹងថាកិច្ចប្រជុំ JBC នឹងប្រព្រឹត្តទៅនាពេលឆាប់ៗ ដើម្បីដោះស្រាយបញ្ហានៅតាមព្រំដែនកម្ពុជា-ថៃ ពិសេសតំបន់ឃុំអូរបីជាន់
-
ព័ត៌មាន1 week ago
សម្តេចតេជោស្នើឲ្យរាជរដ្ឋាភិបាលកម្ចាត់ចោលរាល់មន្រ្តី និងឈ្មួញណានៅបន្តនាំទំនិញមកពីថៃខណៈកំ ពុងបិទព្រំដែន
-
ព័ត៌មាន1 week ago
និស្សិតខ្មែរទៅសិក្សានៅចិនថា នេះជាឱកាសដ៏ល្អក្នុងការប្រាប់បរទេសពីសក្ដានុពលរបស់ខ្មែរ ទាំងវប្បធម៌ អរិយធម៌ តំបន់ទេសចរណ៍ ជាពិសេសប្រាសាទបុរាណរបស់ខ្មែរ
-
PR NEWS1 week ago
ក្រុមហ៊ុនអាកាសចរណ៍ អ៊ែរ អេស៊ា ខេមបូឌា នឹងបើកជើងហោះហើរត្រង់ពីសៀមរាបទៅ Phu Quoc ចាប់ពីថ្ងៃទី ១៧ ធ្នូ ឆ្នាំ ២០២៥