ព័ត៌មាន
សិស្សជាង ៥០០នាក់ បានចុះឈ្មោះចូលរៀនវគ្គសិក្សាកាត់តវីដេអូឥតគិតថ្លៃ តាមរយៈគម្រោងអប់រំបែបឌីជីថលរបស់ KOICA នៅកម្ពុជា
កាលពីថ្ងៃទី៤ ខែតុលា ឆ្នាំ២០២៥ នៅក្នុងកម្មវិធី “រលកកូរ៉េ” (Hallyu Day) ដែលបានប្រារព្ធឡើងនៅមជ្ឈមណ្ឌលសហប្រតិបត្តិការកម្ពុជា–កូរ៉េ (CKCC), គម្រោងពង្រឹងសមត្ថភាពក្នុងវិស័យអប់រំបែបឌីជីថល និងការគាំទ្រការងារនៅកម្ពុជា ឬ (Digital Education and Career Development Building in Cambodia) បានរៀបចំការតាំងបង្ហាញសៀវភៅសិក្សា និងស្នាដៃសិស្សដែលបានបញ្ចប់វគ្គសិក្សាបែបឌីជីថលដោយជោគជ័យ។
កម្មវិធីនេះទាក់ទាញការចូលរួមពីសិស្សានុសិស្សជាង ១៥០នាក់ ដោយមានការតាំងបង្ហាញស្នាដៃច្នៃប្រឌិតជាច្រើនដូចជា ថ្នាក់ភាសាកូរ៉េកម្រិត ១ ដល់ ៣ ថ្នាក់ភាសាកូរ៉េសម្រាប់ការងារ ថ្នាក់ទីផ្សារឌីជីថល ថ្នាក់ ICT–3D Modeling ថ្នាក់ ICT–កាត់តវីដេអូ និងស្នាដៃពីវគ្គហាត់ការរយៈពេលខ្លី (Digital Internship)។
ក្នុងចំណោមវគ្គសិក្សាទាំងនេះ វគ្គ ICT–កាត់តវីដេអូ បានទទួលការចាប់អារម្មណ៍យ៉ាងខ្លាំង ពីសិស្សជាង ៥០០នាក់ ដែលបានចាប់អារម្មណ៍ និងបានចុះឈ្មោះចូលរៀនដោយឥតគិតថ្លៃ។ វគ្គសិក្សានេះមានគោលបំណងផ្តល់ឱកាសដល់យុវជនកម្ពុជា ក្នុងការអភិវឌ្ឍជំនាញបច្ចេកទេស និងភាពច្នៃប្រឌិត ដើម្បីពង្រឹងសមត្ថភាពក្នុងទីផ្សារការងារឌីជីថល ស្របតាមតម្រូវការនៃសេដ្ឋកិច្ចបច្ចេកវិទ្យាថ្មី។
គួរបញ្ជាក់ផងដែរថា គម្រោង Digital Education and Career Development Building in Cambodia ត្រូវបានបង្កើតដោយសាកលវិទ្យាល័យ Hallym ពីសាធារណរដ្ឋកូរ៉េ ក្នុងកិច្ចសហការជាមួយអង្គការ World Together និងមជ្ឈមណ្ឌលសហប្រតិបត្តិការកម្ពុជា–កូរ៉េ CKCC, ដោយទទួលបានការគាំទ្រពីទីភ្នាក់ងារ សហប្រតិបត្តិការអន្តរជាតិកូរ៉េ (KOICA)។
ចាប់តាំងពីឆ្នាំ ២០២២ រហូតដល់ឆ្នាំ ២០២៥ គម្រោងនេះមានគោលបំណងសំខាន់ក្នុងការលើកកម្ពស់ចំណេះដឹង និងជំនាញឌីជីថលរបស់យុវជនកម្ពុជា ដើម្បីឲ្យពួកគេអាចប្រើប្រាស់បច្ចេកវិទ្យាទំនើប និងបង្កើតបរិយាកាសសិក្សាដែលមានភាពច្នៃប្រឌិត។ គម្រោងបានអនុវត្ត កម្មវិធីបណ្តុះបណ្តាលសាកល្បង (Pilot Education Programs) ជាច្រើន ដែលបានផ្តល់ឲ្យសិស្សនិស្សិត រួមទាំងបុគ្គលិកCKCC និងសាធារណជន អាចសិក្សាតាមបែប Hybrid Education (សិក្សាបន្សំរវាងអនឡាញ និងក្នុងថ្នាក់ផ្ទាល់)។
រហូតមកដល់បច្ចុប្បន្ន មានសិស្សនិស្សិតជិត៤០០នាក់ បានចូលរួមសិក្សា និងទទួលវិញ្ញាបនបត្របញ្ចប់វគ្គសិក្សាខ្លីដោយជោគជ័យ ដែលបញ្ជាក់ពីភាពជោគជ័យ និងការរីកចម្រើនយ៉ាងឆាប់រហ័សនៃការអប់រំបែបឌីជីថលនៅកម្ពុជា៕
-
ព័ត៌មាន1 week agoឧត្តមសេនីយ៍ទោ ប៊ុន សុសិក្ខា៖វត្តុតាងមួយចំនួនធំ ត្រូវបានដកហូតក្នុងប្រតិបត្តិការបង្ក្រាប Online Scams រយៈពេល១ឆ្នាំមកនេះ
-
កីឡា1 week agoជម្រើសជាតិកម្ពុជា ចាប់ផ្ដើមប្រមូលផ្ដុំហ្វឹកហាត់ ជាមួយការផ្លាស់ប្ដូរសមាសភាពកីឡាករថ្មី ២រូប
-
ព័ត៌មាន1 week agoក្រសួងសុខាភិបាល និង UNICEF បន្តពង្រឹងភាពជាដៃគូ ដើម្បីលើកកម្ពស់សុខភាព និងសុខុមាលភាពមាតា និងកុមារនៅកម្ពុជា
-
ព័ត៌មាន6 days agoអាជ្ញាធរខណ្ឌពោធិ៍សែនជ័យប្រឹងប្រែងស្តារប្រឡាយ និងលូឆ្អឹងជំនីតាមតំបន់សំខាន់ៗក្នុងមូលដ្ឋាន ដើម្បីរំដោះការជន់លិច
-
កីឡា1 week agoកម្ពុជាឈរលេខរៀងទី១៩ ក្នុងតារាងមេដាយកីឡាអាស៊ី បណ្ដោះអាសន្ន ក្រោយឈ្នះមេដាយ ៤គ្រឿង
-
កីឡា1 week agoនាយកគ្រប់គ្រង CPL និងកញ្ញា សាន កុសមៈ ជឿជាក់ព្រឹត្តិការណ៍វាយកូនគោលលំដាប់ពិភពលោកនៅកម្ពុជា ជួយជំរុញទាំងទេសចរណ៍ សេដ្ឋកិច្ច និងកីឡាជាតិ
-
ព័ត៌មាន5 days agoសម្តេចអគ្គមហាពញាចក្រី ហេង សំរិន អញ្ជើញកាន់បិណ្ឌវេនទី១ នៅវត្តគីរីសុវណ្ណរាម ក្នុងស្រុកពញាក្រែក ខេត្តត្បូងឃ្មុំ
-
ព័ត៌មាន2 days agoប្រជាជនរងគ្រោះទឹកជំនន់រហ័សជាង១ពាន់គ្រួសារ ក្នុងខេត្តបន្ទាយមានជ័យ ដែលជម្លៀសមកកាន់ទីទួលសុវត្ថិភាព ទទួលបានអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន