ព័ត៌មាន
គណៈប្រតិភូជាន់ខ្ពស់រដ្ឋសភាកម្ពុជា អញ្ជើញដាក់កម្រងផ្កា និងគោរពវិញ្ញាណក្ខន្ធវីរបុរសជាតិ និងយុទ្ធជនពលីដើម្បីបុព្វហេតុជាតិ របស់ប្រទេសអាស៊ែបៃហ្សង់
ក្នុងឱកាសអញ្ជើញដឹកនាំគណៈប្រតិភូរដ្ឋសភាកម្ពុជា ចូលរួមសន្និសីទសភាអន្តរជាតិរំលឹកខួបលើកទី៣០ នៃការអនុម័តរដ្ឋធម្មនុញ្ញនៃសាធារណរដ្ឋអាស៊ែបៃហ្សង់ នៅទីក្រុងបាគូ ប្រទេសអាស៊ែបៃហ្សង់ នាព្រឹកថ្ងៃទី២៩ ខែតុលា ឆ្នាំ២០២៥ ឯកឧត្តម វង សូត អនុប្រធានទី២ រដ្ឋសភា នៃព្រះរាជាណាចក្រកម្ពុជា រួមទាំងគណៈប្រតិភូសភាជាច្រើនផ្សេងទៀត បានអញ្ជើញដាក់កម្រងផ្កាគោរពវិញាណក្ខន្ធ ឯកឧត្តម Heydar Aliyev ដែលជាវីរបុរសជាតិ និងយុទ្ធជនដែលបានធ្វើពលីកម្មដើម្បីបុព្វហេតុជាតិ។
ពិធីដាក់កម្រងផ្កា និងគោរពវិញាណក្ខន្ធនេះ បានប្រព្រឹត្តិទៅនៅទីតាំងបញ្ចុះសព្វរបស់អតីតប្រធានាធិបតី Haydar Aliyev និងវិមាននៃការចងចាំ Eternal Flame memorial monument។
គួររំលឹកថា អតីតប្រធានាធិបតី Haydar Aliyev ត្រូវបានចាត់ទុកជាឥស្សរជនជាតិដែលបានដឹកនាំតស៊ូទាមទារបានឯករាជ្យភាពពេញលេញសម្រាប់អាស៊ែបៃហ្សង់ និងជាអ្នកតាក់តែងរដ្ឋធម្មនុញ្ញឆ្នាំ១៩៩៥ សម្រាប់អាស៊ែបៃហ្សង់សម័យទំនើប ដែលបានប្រើប្រាស់រហូតដល់សព្វថ្ងៃ ដើម្បីបន្តធានាបានឯករាជ្យភាព អធិបតេយ្យភាព បូរណភាពទឹកដី និងប្រជាធិបតេយ្យ សម្រាប់សាធារណរដ្ឋអាហ្សែបៃហ្សង់។
ក្នុងនាមរដ្ឋសភានៃព្រះរាជាណាចក្រកម្ពុជា ឯកឧត្តម អនុប្រធានទី២ រដ្ឋសភា បានសម្តែងនូវគោរពយ៉ាងជ្រាលជ្រៅ ចំពោះវិញ្ញាណក្ខន្ធរបស់វីរជន និងវីរនារី នៃសាធារណរដ្ឋអាស៊ែបៃហ្សង់ ដែលបានពលីជីវិត ដើម្បីឯករាជ្យភាព និងសេរីភាពសម្រាប់ប្រជាជាតិទាំងមូល៕






-
ព័ត៌មាន1 week agoអគ្គិសនីកម្ពុជា នឹងជួសជុល រុះរើគន្លងខ្សែបណ្តាញ តាមខណ្ឌមួយចំនួន ចាប់ពីថ្ងៃទី២៣ ដល់ ២៦ ខែតុលា នេះ
-
ព័ត៌មាន1 week agoកំណាត់ផ្លូវជាតិលេខ២៣ (ផ្លូវកាត់ពីកោះធំទៅលើកដែក) ប្រវែង១៩,៨ គីឡូម៉ែត្រ ស្ថាបនារួចរាល់ហើយ!
-
ព័ត៌មាន6 days agoកម្ពុជា អបអរសាទរ ម៉ាឡេស៊ី ចំពោះភាពជោគជ័យក្នុងការធ្វើជាប្រធានអាស៊ាន
-
ព័ត៌មាន5 days agoយោធភូមិភាគទី៤ កម្ពុជា និងកងទ័ពភូមិភាគទី២ ថៃ ជួបពិភាក្សាគ្នានៅច្រកអូរស្មាច់ពង្រឹងកិច្ចសហប្រតិបត្តិការជាក់ស្តែង បង្កើនជំនឿទុកចិត្តគ្នា
-
ព័ត៌មាន5 days agoសម្ដេចធិបតី ហ៊ុន ម៉ាណែត និងលោកជំទាវបណ្ឌិត រួមនឹងគណៈប្រតិភូកម្ពុជាបានអញ្ជើញដល់ប្រទេសម៉ាឡេស៊ីហើយ ប្រកបដោយសុវត្ថិភាព
-
ព័ត៌មាន1 week agoគណៈប្រតិភូជាន់ខ្ពស់ GBC កម្ពុជា ធ្វើមាតុភូមិនិវត្តន៍ ពីម៉ាឡេស៊ី ប្រកបដោយសុវត្ថិភាព
-
ព័ត៌មាន6 days agoសមត្ថកិច្ចខណ្ឌចំការមនឃាត់ខ្លួនជនសង្ស័យចំនួន១៩នាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា
-
ព័ត៌មាន5 days agoលោកអភិបាលខណ្ឌ៧មករា បន្តដឹកនាំមន្រ្តីជំនាញត្រួតពិនិត្យការដ្ឋានវាយរំលំ អគារអតីត សណ្ឋាគារអង្គរមានជ័យ