ក្រសួងសុខាភិបាល ពិនិត្យលទ្ធផល និងការលើកផែនការពង្រឹងគុណភាពថែទាំ និងសុវត្ថិភាពអ្នកជំងឺ

នៅថ្ងៃអង្គារ ទី១១ ខែវិច្ឆិកា ឆ្នាំ២០២៥ លោកជំទាវសាស្រ្តាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាល បានអញ្ជើញចូលរួមជាអធិបតី ក្នុងពិធីបើកសិក្ខាសាលា ស្តីពី ការពិនិត្យលទ្ធផល និងការលើកផែនការពង្រឹងគុណភាពថែទាំ និងសុវត្ថិភាពអ្នកជំងឺ។

សិក្ខាសាលានេះ រៀបចំឡើងក្នុងគោលបំណងដាចខាងក្រោម៖

១. ឈ្វេងយល់ពីទិដ្ឋភាពទូទៅ នៃការថែទាំរបស់ក្រសួងសុខាភិបាល ដែលស្របតាមយុទ្ធសាស្ត្រថែទាំជាសកល

២. បង្ហាញវឌ្ឍនភាពការប្រើប្រាស់សំណុំឯកសារថែទាំ គិលានុបដ្ឋាក និងឆ្មប

៣. បង្ហាញលទ្ធផលវាយតម្លៃលើសំណុំឯកសារថែទាំ គិលានុបដ្ឋាក និងឆ្មប

៤. ការដោះស្រាយបញ្ហា នៅតាមមូលដ្ឋានសុខាភិបាល មន្ទីរពេទ្យជាតិ មន្ទីរពេទ្យបង្អែកខេត្ត ស្រុក

៥. ពិភាក្សា និងរៀបចំផែនការសកម្មភាពសម្រាប់ឆ្នាំ ២០២៦

ឆ្លៀតក្នុងសិក្ខាសាលានេះ លោកជំទាវសាស្ត្រាចារ្យ បានផ្តល់អនុសាសន៍សំខាន់ៗសម្រាប់អនុវត្តជាបន្តក្នុង ឆ្នាំ២០២៦ ដូចជា៖

១. ពង្រឹងសមត្ថភាពបុគ្គលិក

២. បង្កើតហេដ្ឋារចនាសម្ព័ន្ធថែទាំ

៣. បច្ចេកវិទ្យា និងការរួមបញ្ចូលសុខភាពឌីជីថល

៤. ការអនុវត្តដោយផ្អែកតាមនីតិវិធីប្រតិបត្តិស្តង់ដា

៥. ភាពជាអ្នកដឹកនាំ និងនវានុវត្តន៍

៦. ការតាមដាន ការត្រួតពិនិត្យ និងការវាយតម្លៃ

សិក្ខាសាលានេះ មានរយៈពេល ៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែវិច្ឆិកា ឆ្នាំ២០២៥ ដោយមានអ្នកចូលរួមពី ឯកឧត្តម លោកជំទាវ ថ្នាក់ដឹកនាំក្រសួងសុខាភិបាល នាយកដ្ឋានមន្ទីរពេទ្យ មន្ទីរពេទ្យជាតិ លោក លោកស្រីប្រធានថែទាំមកពីមន្ទីរពេទ្យពេទ្យបង្អែកខេត្ត និងស្រុក ទូទាំងប្រទេស សរុបចូលរួមដោយផ្ទាល់ចំនួន ១៦៣រូប និងតាមប្រព័ន្ធនិម្មិតចំនួន ៣០០រូប៕