ព័ត៌មាន
អ្នករាយការណ៍ពិសេស UN ចេញសេចក្តីថ្លែងការណ៍គាំទ្រវិធានការសន្តិភាព និងការកសាងទំនុកចិត្តរវាងកម្ពុជា និងថៃ
អ្នករាយការណ៍ពិសេស អង្គការសហប្រជាជាតិសម្រាប់សិទ្ធិមនុស្សនៅកម្ពុជា (UN Special Rapporteur on the situation of human rights in Cambodia) បានចេញសេចក្តីថ្លែងការណ៍គាំទ្រវិធានការសន្តិភាព និងការកសាងទំនុកចិត្តរវាងកម្ពុជា និងថៃ។
លោក វីទិត ម៉ុនតាប៊ន (Vitit Muntarbhorn) អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នៅថ្ងៃទី២៥ វិច្ឆិកា ឆ្នាំ២០២៥ ម៉ោងនៅកម្ពុជាលោកបានចេញសេចក្តីប្រកាសគាំទ្រយ៉ាងពេញទំហឹងចំពោះ កិច្ចព្រមព្រៀងសន្តិភាព និងវិធានការកសាងទំនុកចិត្តរវាងកម្ពុជា និងថៃ។ ការប្រកាសនេះធ្វើឡើងក្រោយពីសម្តេច ហ៊ុន សែន ប្រធានព្រឹទ្ធសភាកម្ពុជា ប្រកាសសួររកមុខ បន្ទាប់ពីកងទ័ពថៃធ្វើសកម្មភាពល្មើសច្បាប់អន្តរជាតិជាបន្តបន្ទាប់មកលើជនស៊ីវិលកម្ពុជាដែលរំលោភសិទ្ធិមនុស្សយ៉ាងព្រៃផ្សៃ។
លោក ម៉ុនតាប៊ន បានថ្លែងថា រាល់វិធានការកសាងទំនុកចិត្តដែលជួយផ្សារភ្ជាប់ទំនាក់ទំនងរវាងប្រជាជាតិទាំងពីរ គឺសមនឹងទទួលបានការគាំទ្រពីអង្គការសហប្រជាជាតិ។ លោកបន្ថែមថា «ជនស៊ីវិលដែលរងផលប៉ះពាល់ដោយសារស្ថានភាពនៅតាមព្រំដែន គួរតែទទួលបានជំនួយស្របតាមស្តង់ដារសិទ្ធិមនុស្ស»។
អ្នករាយការណ៍ពិសេស ដែលជាជនជាតិថៃរូបនេះ ដែលបានចូលកាន់តំណែងជាអ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាកាលពីខែមីនា ឆ្នាំ២០២១ ថ្មីៗនេះបានរងការចាប់អារម្មណ៍យ៉ាងខ្លាំងចំពោះភាពស្ងៀមស្ងាត់របស់លោកលើស្ថានភាពសិទ្ធិមនុស្សដែលកើតចេញពីជម្លោះព្រំដែនរវាងកម្ពុជា និងថៃ ជាពិសេសការបន្តឃុំខ្លួនទាហានកម្ពុជាចំនួន ១៨នាក់ដោយកងទ័ពថៃ។
សម្ដេចតេជោ ហ៊ុន សែន ប្រធានព្រឹទ្ធសភា កាលពីពេលថ្មីៗនេះបានចោទសួរថា ហេតុអ្វីបានជាលោក ម៉ុនតាប៊ន មិនចេញមុខនិយាយអំពីការឃុំខ្លួនកងទ័ពកម្ពុជា ខណៈដែលឯកអគ្គរាជទូតកម្ពុជាប្រចាំអង្គការសហប្រជាជាតិនៅទីក្រុងហ្សឺណែវ បានបញ្ជាក់ថា កម្ពុជាអាចនឹងពិចារណាលើការឆ្លើយតបសមស្របណាមួយចំពោះភាពអសកម្មរបស់អ្នករាយការណ៍ពិសេសអង្គការសហប្រជាជាតិរូបនេះ។
អ្នករាយការណ៍ពិសេសបានស្វាគមន៍ចំពោះកិច្ចព្រមព្រៀងឈប់បាញ់ដែលសម្រេចបានដោយភាគីពាក់ព័ន្ធក្នុងខែកក្កដា ឆ្នាំ២០២៥។ លោកបានមានប្រសាសន៍ថា ការអនុវត្តកិច្ចព្រមព្រៀងនោះប្រកបដោយប្រសិទ្ធភាព ដែលផ្អែកលើការប្ដេជ្ញារួម ការសន្ទនា និងការអនុវត្តមនុស្សធម៌ គឺមានសារៈសំខាន់ណាស់ ដោយអនុវត្តតាមរយៈការកាត់បន្ថយភាពតានតឹង និងការដោះស្រាយជម្លោះដោយសន្តិវិធីស្របតាមច្បាប់អន្តរជាតិ។
អ្នកជំនាញរូបនេះបានអំពាវនាវឱ្យមានវិធានការដើម្បីទប់ស្កាត់ព័ត៌មានមិនពិត។ លោកក៏បានកត់សម្គាល់ពីវត្តមានរបស់ការិយាល័យឧត្តមស្នងការសិទ្ធិមនុស្ស និងភ្នាក់ងារផ្សេងទៀតដែលអាចផ្តល់ជំនួយផងដែរ។
លោក ម៉ុនតាប៊ន បានសម្តែងការគាំទ្រចំពោះសេចក្តីប្រកាសរួមរវាងកម្ពុជា និងថៃនៅទីក្រុងកូឡាឡាំពួរ ក្នុងខែតុលា ឆ្នាំ២០២៥ ដោយបញ្ជាក់ពីបទឈប់បាញ់ពីមុន និងធ្វើការប្តេជ្ញាចិត្តលើបញ្ហាជាច្រើន រួមទាំងច្បាប់មនុស្សធម៌អន្តរជាតិ ដែលការពារជនស៊ីវិល និងអ្នកទោសសង្គ្រាម។
អ្នករាយការណ៍ពិសេសបានសង្កត់ធ្ងន់លើសារៈសំខាន់នៃការលើកកម្ពស់សិទ្ធិមនុស្ស សន្តិភាព លទ្ធិប្រជាធិបតេយ្យ និងការអភិវឌ្ឍប្រកបដោយចីរភាពនៅកម្ពុជា ហើយបានបញ្ជាក់ជាថ្មីនូវការត្រៀមខ្លួនរបស់លោកក្នុងការផ្តល់ជំនួយ៕
-
ព័ត៌មាន2 days agoសមាគមគីមីកម្ពុជា ត្រៀមបង្កើតក្លឹបគីមីនៅតាមវិទ្យាល័យនានា ដើម្បីជួយបង្រៀនសិស្សបន្ថែម
-
ព័ត៌មាន4 days ago សម្ដេចតេជោ ហ៊ុន សែន រម្លឹក បកស្រាយប្រវត្តិ និងអ្នកនិពន្ធពិត នៃចម្រៀង “ឱ! ភ្នំពេញអើយ”
-
ព័ត៌មាន1 week agoនគរបាលរាជធានី នឹងចាប់ផ្តើមចុះរឹតបន្តឹងច្បាប់ចរាចរណ៍តាមរយៈការអប់រំ ដោយមិនផាកពិន័យ នៅថ្ងៃទី០១ ធ្នូខាងមុខ
-
ព័ត៌មាន1 week agoឧត្តមសេនីយ៍ឯក ជួន ណារិន្ទ ដាក់បទបញ្ជាបន្ទាន់ឲ្យសមត្ថកិច្ចពាក់ព័ន្ធចុះបង្ក្រាបឲ្យអស់នូវមុខសញ្ញាក្រុមក្មេងទំនើង ក្នុងភូមិសាស្ត្ររាជធានីភ្នំពេញ
-
ព័ត៌មាន4 days agoរដ្ឋបាលខេត្តកំពង់ឆ្នាំង ស្នើអង្គភាពនានាចូលរួមទប់ស្កាត់ និងកាត់បន្ថយការបំពុលខ្យល់សាធារណៈ
-
ព័ត៌មាន4 days agoថ្នាក់ដឹកនាំនិងមន្រ្តីរាជការនៃមន្ទីរសេដ្ឋកិច្ចនិងហិរញ្ញវត្ថុ បានចូលទស្សនាស្វែងយល់ពីសមុច្ច័យក្នុងសារមន្ទីរខេត្តកំពង់ឆ្នាំង
-
ព័ត៌មាន4 days agoលោកជំទាវបណ្ឌិត ពេជ ចន្ទមុន្នី៖ «ការលើកស្ទួយធុរកិច្ចស្រ្តីនឹងជំរុញឱ្យសេដ្ឋកិច្ចជាតិកើនឡើង»
-
ព័ត៌មាន1 week agoឧបនាយករដ្ឋមន្ត្រី ប្រាក់ សុខុន អញ្ជើញចូលជួបសម្តែងការគួរសមចំពោះប្រធានរដ្ឋ និងជាអគ្គលេខាធិការបក្សប្រជាជនបដិវត្តន៍ឡាវ នៅទីក្រុងវៀងចន្ទន៍