ព័ត៌មាន
វិស័យឯកជនសាធារណរដ្ឋកូរ៉េ ស្នើកម្ពុជា ពង្រឹងកិច្ចសហប្រតិបត្តិការលើវិស័យអាកាសចរណ៍បន្ថែមរវាងប្រទេសទាំងពីរ
ភ្នំពេញ៖ វិស័យឯកជនៃ សាធារណរដ្ឋកូរ៉េ បានស្នើសុំការគាំទ្រពីរដ្ឋាភិបាលកម្ពុជា ក្នុងការពង្រឹងសហប្រតិបត្តិការអាកាសចរណ៍រវាងប្រទេសទាំងពីរ បន្ទាប់ពីក្រុមហ៊ុនអាកាសចរណ៍កូរ៉េចំនួនពីរ កំពុងដំណើរការរួមបញ្ចូលគ្នា ដែលគ្រោងបញ្ចប់នៅខែធ្នូ ឆ្នាំ២០២៦ ដើម្បីធានាប្រតិបត្តិការហោះហើរដោយរលូន។
ការសើ្នសុំរបស់វិស័យជនកូរ៉ធ្វើឡើងនៅក្នុងកិច្ចសន្ទនាវិស័យរដ្ឋ និងឯកជន លើកទី៣ នៅថ្ងៃទី៨ ខែធ្នូ ឆ្នាំ ២០២៦ ដែលដឹកនាំកិច្ចប្រជុំដោយ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងឯកឧត្តម គីម ឆាងយ៉ុង (KIM Chang Yong) ឯកអគ្គរដ្ឋទូតសាធារណរដ្ឋកូរ៉េ ប្រចាំព្រះរាជាណាចក្រកម្ពុជា ដឹកនាំវិស័យឯកជនកូរ៉េ។
កិច្ចសន្ទនានេះ វិស័យឯកជនកូរ៉េបានលើកឡើងពីតម្រូវការពង្រឹងកិច្ចសហប្រតិបត្តិការទ្វេភាគីជាមួយកម្ពុជា ក្នុងវិស័យអាកាសចរណ៍ ខណៈក្រុមហ៊ុនអាកាសចរណ៍កូរ៉េចំនួនពីរ កំពុងដំណើរការរួមបញ្ចូលគ្នាដែលគ្រោងបញ្ចប់នៅខែធ្នូ ឆ្នាំ២០២៦ ខាងមុខនេះ។ ក្នុងដំណាក់កាលនេះ ភាគីកូរ៉េបានស្នើសុំការគាំទ្រពីកម្ពុជា ដើម្បីធានាការផ្លាស់ប្តូរប្រតិបត្តិការហោះហើរដោយរលូន រួមទាំង ការអនុញ្ញាតឱ្យប្រើប្រាស់យន្តហោះដែលមានស្រាប់ដោយគ្មានឧបសគ្គ។ ការសម្របសម្រួលនេះត្រូវបានគេរំពឹងថានឹងជួយរក្សាបរិមាណភ្ញៀវទេសចរកូរ៉េ និងបង្កើនការហោះហើរទៅកាន់កម្ពុជា នៅពេលអនាគត។ ដោយក្រុមហ៊ុនអាកាសចរណ៍កូរ៉េ បានចាត់ទុកប្រទេសកម្ពុជាជាមជ្ឈមណ្ឌលយុទ្ធសាស្ត្រចម្បងសម្រាប់ទេសចរណ៍នៅអាស៊ីអាគ្នេយ៍ យើងសូមស្នើសុំការគាំទ្រយ៉ាងពេញទំហឹងពីរដ្ឋលេខាធិការដ្ឋានអាកាសចរណ៍ស៊ីវិល (SSCA) និងក្រុមហ៊ុនអាកាសយានដ្ឋានកម្ពុជា។
វិស័យឯកជនកូរ៉េ បញ្ជាក់ថា «យើងស្នើសុំឱ្យក្រុមហ៊ុនអាកាសចរណ៍នោះត្រូវបានអនុញ្ញាតឱ្យថែរក្សា និងប្រើប្រាស់យន្តហោះ និងឧបករណ៍ហោះហើរទាំងអស់ដែលមានស្រាប់ដែលក្រុមហ៊ុនដែលមានស្រាប់ធ្លាប់កាន់កាប់។ ការបន្តនេះគឺមានសារៈសំខាន់សម្រាប់ការរក្សាបរិមាណភ្ញៀវទេសចរកូរ៉េបច្ចុប្បន្ន និងពង្រីកភាពញឹកញាប់នៃការហោះហើរនាពេលអនាគតទៅកាន់ប្រទេសកម្ពុជា»។
ជាការឆ្លើយបត ឯកឧត្ដម ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ដែលចូលរូមកិច្ចសន្ទនានេះ បានបញ្ជាក់ថា រដ្ឋលេខាធិការដ្ឋានអាកាសចរណ៍ស៊ីវិលស្វាគមន៍គាំទ្រចំពោះសំណើរ ប៉ុន្តែឯកឧត្តមស្នើសុំឱ្យភាគីកូរ៉េ ដាក់លិខិតជាផ្លូវមករដ្ឋលេខាធិការដ្ឋានអាកាសចរណ៍ស៊ីវិល ដើម្បីយកពិភាក្សា ពិនិត្យ និងសម្រេច៕ អត្ថបទ៖ ធូ វិរៈ
-
ព័ត៌មាន5 days agoចៅក្រមស៊ើបសួរសម្រេចឃុំខ្លួនជនជាតិថៃចំនួន ២០នាក់ និងបក្ខពួកពាក់ព័ន្ធរៀបចំមជ្ឈមណ្ឌល Online Scams
-
ព័ត៌មាន1 week agoមេបញ្ជាការកងទ័ពជើងទឹកអញ្ជើញបិទវគ្គហ្វឹកហ្វឺនពលទាហានថ្មី វគ្គទី៧ បំពេញក្របខណ្ឌឲ្យកងទ័ពជើងគោក ឆ្នាំ២០២៦ និងបើកវគ្គហ្វឹកហ្វឺនបំប៉នជំនាញកាំភ្លើងការពារអាកាសឆ្នាំ២០២៦
-
កីឡា1 week agoកម្ពុជាត្រៀមកីឡាប្រមាណ ៣១ប្រភេទ ចូលរួមព្រឹត្តិការណ៍ស៊ីហ្គេម លើកទី៣៤ នៅម៉ាឡេស៊ី
-
PR NEWS1 week agoអ្នកលេងប៉ះអ្នកមែន! គូនអន្តរជាតិ៥គូ នឹងធ្វើអោយកក្រើកលើសង្វៀន “BOOSTRONG KUN KHMER SPECIAL BATTLE”
-
កីឡា1 week agoកម្ពុជានឹងបញ្ជូនអត្តពលិក ៣២នាក់ចូលរួមការប្រកួតតេក្វាន់ដូ ITF ជ្រើសរើសជើងឯកអាស៊ី លើកទី ១១ ឆ្នាំ២០២៦ នៅម៉ុងហ្គោលី
-
ព័ត៌មាន6 days agoសម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា
-
ព័ត៌មាន1 week agoពលរដ្ឋភៀសសឹកដែលមិនទាន់អាចវិលត្រលប់ទៅផ្ទះសំបែងវិញបាន ជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែនជាមួយថៃដោយសន្ដិវិធី
-
ព័ត៌មាន6 days agoអ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន