សម្ដេចតេជោ និពន្ធចម្រៀងពីរបទរំលឹកដល់ខួបលើកទី ៥១ឆ្នាំ នៃថ្ងៃសម្ដេចធ្លាក់ខ្លួនពិការនៅសមរភូមិ

ភ្នំពេញ៖ នៅថ្ងៃទី១៣ ខែមេសា ឆ្នាំ២០២៦នេះ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃកម្ពុជា បានមានប្រសាសន៍ឱ្យដឹងថា ក្នុងរយៈពេលប៉ុន្មានថ្ងៃមកនេះ សម្ដេចបាននិពន្ធចម្រៀងចំនួនពីរបទ ដើម្បីរំលេកដល់ខួបលើកទី ៥១ ឆ្នាំនៃថ្ងៃដែលសម្ដេចធ្លាក់ខ្លួនពិកា ១៦ មេសា ១៩៧៥-១៦មេសា២០២៦) ដែលជាសមរភូមិទី១០៥ និងជាសមរភូមិចុងក្រោយ។

សម្ដេចតេជោ បានសរសេរថា ប៉ុន្មានថ្ងៃមុនខ្ញុំបាននិពន្ធចម្រៀង២បទ ដើម្បីរំលឹកដល់ខួបលើកទី៥១ឆ្នាំនៃថ្ងៃធ្លាក់ខ្លួនពិការរបស់ខ្ញុំ (១៦មេសា១៩៧៥-១៦មេសា២០២៦) ដែលជាសមរភូមិទី១០៥ និងជាសមរភូមិចុងក្រោយ។

សម្ដេចតេជោ មានប្រសាសន៍ថា បទនេះមានចំណងជើងថា (ធ្លាក់ខ្លួនពិការដោយសារសង្រ្គាម) បទនេះត្រូវបានកូន ឌៀប សិដ្ឋសុធា ច្រៀងជា ៤ ទម្រង់មានផាត់ពពក, លោមនាង, ផាត់ជាយក្លាយ និងកាត់ត្រើយ។

សម្ដេចតេជោ បានបង្ហោះជូននូវទម្រង់ផាត់ជាយក្លាយ។ ចម្រៀងមួយបទទៀតមានចំណងជើងថា (យល់ខុសគិតខុស) ដែលកើតឡើង នៅចុងខែមេសា១៩៧៥ ដែលពេលនោះ សម្ដេចពិការខ្លួនប្រាណផង និងពិការផ្លូវចិត្តផងដោយសារការយល់ច្រឡំ។

ក្នុងឱកាសនេះ សម្ដេចតេជោ ក៏បានជូនពរបងប្អូនជនរួមជាតិជួបតែសេចក្ដីសុខនិងសេចក្ដីចម្រើនក្នុងឱកាសចូលឆ្នាំថ្មីចាប់ពីថ្ងៃទី១៤ ខែមេសា ឆ្នាំ២០២៦ស្អែកនេះតទៅផងដែរ៕