ព័ត៌មាន
សិស្ស NPIC បង្កើតម៉ាស៊ីនបោះពុម្ព 3D ខ្នាតធំ ជួយជំរុញវិស័យឧស្សាហកម្មកម្ពុជាឱ្យកាន់តែរីកចម្រើន
សមត្ថភាព និងភាពច្នៃប្រឌិតរបស់យុវជនកម្ពុជាក្នុងវិស័យបច្ចេកទេស និងបច្ចេកវិទ្យា កំពុងបន្តបង្ហាញឱ្យឃើញកាន់តែច្បាស់ ខណៈសិស្សជំនាញមេកានិចរថយន្តនៃវិទ្យាស្ថានជាតិពហុបច្ចេកទេសកម្ពុជា (NPIC) បានរួមគ្នាបង្កើត និងដំឡើងម៉ាស៊ីនបោះពុម្ព 3D ខ្នាតធំ ដោយខ្លួនឯង ដែលមានសមត្ថភាពបោះពុម្ពវត្ថុកម្ពស់ជាង ១,៤០ម៉ែត្រ ដើម្បីបម្រើដល់តម្រូវការនៃវិស័យឧស្សាហកម្ម និងការច្នៃប្រឌិត។
យុវជន ឡេង សុខលីន សិស្សជំនាញមេកានិចរថយន្ត បានឱ្យដឹងថា ម៉ាស៊ីនបោះពុម្ព 3D ខ្នាតធំនេះ ត្រូវបានដំឡើងនៅក្នុងវិទ្យាស្ថានផ្ទាល់ ដោយសិស្សជាអ្នកអនុវត្ត ខណៈគ្រឿងបង្គំមួយចំនួនត្រូវបានទិញពីខាងក្រៅ។ ការអភិវឌ្ឍម៉ាស៊ីននេះបានចំណាយពេលប្រមាណ ៣ខែ និងត្រូវឆ្លងកាត់ការធ្វើតេស្តជាច្រើនដង ដើម្បីធានាបាននូវភាពត្រឹមត្រូវ និងប្រសិទ្ធភាពក្នុងការប្រើប្រាស់។
យុវជនរូបនេះបានបញ្ជាក់ថា មូលហេតុដែលក្រុមការងារសម្រេចចិត្តបង្កើតម៉ាស៊ីននេះ គឺដោយសារម៉ាស៊ីនបោះពុម្ព 3D ភាគច្រើនដែលមាននៅលើទីផ្សារ មានតែទំហំតូច ខណៈតម្រូវការក្នុងការផលិតគំរូ ឬវត្ថុដែលមានទំហំធំកំពុងកើនឡើង។ ដូច្នេះ ការបង្កើតម៉ាស៊ីនខ្នាតធំនេះ នឹងអាចជួយពង្រីកលទ្ធភាពផលិត និងបង្កើតស្នាដៃថ្មីៗបានកាន់តែច្រើន។
លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា ម៉ាស៊ីនបោះពុម្ព 3D ខ្នាតធំនេះ អាចដើរតួនាទីសំខាន់ក្នុងការផលិតគំរូ (Prototype) សម្រាប់រោងចក្រ និងសហគ្រាស មុនពេលឈានទៅផលិតផលពេញលេញ។ វាជួយឱ្យម្ចាស់អាជីវកម្មអាចពិនិត្យ វាយតម្លៃ និងកែលម្អផលិតផលរបស់ខ្លួនបានកាន់តែមានប្រសិទ្ធភាព។
លោកបានគូសបញ្ជាក់ថា៖«ស្នាដៃនេះគឺជាភស្តុតាងបង្ហាញយ៉ាងច្បាស់ពីគុណភាពនៃការបណ្តុះបណ្តាលជំនាញបច្ចេកទេស និងវិជ្ជាជីវៈនៅកម្ពុជា ដែលអាចបណ្តុះធនធានមនុស្សមានសមត្ថភាពពិតប្រាកដ ឆ្លើយតបនឹងតម្រូវការរបស់ទីផ្សារការងារ និងការអភិវឌ្ឍឧស្សាហកម្មសម័យទំនើប»។
បើតាមលោក ស៊ុន មេសា ម៉ាស៊ីនបោះពុម្ព 3D ខ្នាតធំនេះ អាចប្រើប្រាស់សម្រាប់ការផលិតគំរូផលិតផលធំៗ ដូចជា គ្រឿងសង្ហារឹម គ្រឿងអេឡិចត្រូនិក គ្រឿងបន្លាស់រថយន្ត រូបចម្លាក់ និងស្នាដៃសិល្បៈផ្សេងៗ។ លើសពីនេះ វាក៏អាចអនុវត្តក្នុងវិស័យស្ថាបត្យកម្ម សម្រាប់បោះពុម្ពគំរូអគារ និងផ្នែកសំណង់ ព្រមទាំងវិស័យរចនា និងសិល្បៈផងដែរ។
សមិទ្ធផលនេះមិនត្រឹមតែជាស្នាដៃបច្ចេកទេសរបស់សិស្សជំនាញប៉ុណ្ណោះទេ ប៉ុន្តែថែមទាំងជាសញ្ញាបង្ហាញថា យុវជនកម្ពុជាមានសមត្ថភាព ចំណេះដឹង និងភាពច្នៃប្រឌិត អាចអភិវឌ្ឍបច្ចេកវិទ្យាថ្មីៗ ដើម្បីរួមចំណែកជំរុញការប្រកួតប្រជែង និងការអភិវឌ្ឍសេដ្ឋកិច្ចជាតិឱ្យកាន់តែរឹងមាំនាពេលអនាគត។ នេះបើតាមអ្នកនាំពាក្យដដែល៕
-
ព័ត៌មាន2 days agoសម្ដេចតេជោ-ធិបតី តែងតែក្រើនរម្លឹកដល់អាជ្ញាធរគ្រប់លំដាប់ថ្នាក់ឱ្យបង្ក្រាបបទល្មើសតាមប្រព័ន្ធបច្ចេកវិទ្យាដោយវិធានការយ៉ាងតឹងរ៉ឹង និងម៉ឺងម៉ាត់បំផុត
-
PR NEWS5 days agoមហាព្រឹត្តិការណ៍ Ganzberg លើកស្ទួយគុនខ្មែរ នឹងទៅដល់ខេត្តព្រៃវែងចុងសប្តាហ៍នេះ!
-
ព័ត៌មាន1 week agoកងទ័ពមានសុទិដ្ឋិនិយមស្ដូបអនុស្សាវរីយ៍នយោបាយឈ្នះ ឈ្នះ ខេត្តកោះកុងជានិមិត្តសញ្ញាសន្តិភាព
-
ព័ត៌មាន1 day agoក្រុមគ្រូពេទ្យភ្នែកស្ម័គ្រចិត្តចុះពិនិត្យព្យាបាលភ្នែក និងផ្ដល់វ៉ែនតាជូនពលរដ្ឋស្រុកស្ទោងខេត្ដកំពង់ធំ
-
ព័ត៌មាន1 week agoក្រសួងការបរទេសធ្វើបទបង្ហាញស្ដីពីការវិនិយោគជូនមន្ត្រីការទូតកម្ពុជា
-
ព័ត៌មាន2 days agoសម្តេចតេជោ ហ៊ុន សែន ជម្រុញដល់មន្ត្រីខេត្តកណ្តាលខិតខំបំពេញការងារបម្រើប្រជាជនដោយស្មោះត្រង់ និងមានទំនាក់ទំនងល្អជាមួយប្រជាជន
-
ព័ត៌មាន2 days agoឃាតកម្មចាក់សម្លាប់មនុស្សរួចយកសពប្លុងចោលក្នុងរថយន្តនៅខណ្ឌដង្កោ កម្លាំងសមត្ថកិច្ចឃាត់ខ្លួនក្រុមឃាតកបាន០៤នាក់
-
ព័ត៌មាន2 days agoអ្នកនាំពាក្យ៖កម្លាំងមហាសាមគ្គីជាតិខ្មែរបានគាំទ្ររាជរដ្ឋាភិបាលក្នុងប្រើប្រាស់យន្តការផ្សះផ្សារដោយបង្ខំជាមួយថៃដើម្បីដោះស្រាយវិវាទទាមទារដែនសមុទ្រត្រួតស៊ីគ្នា