ព័ត៌មាន
ពីថ្នាក់រៀនទៅកសិដ្ឋានឆ្លាតវៃ ! សិស្ស NTTI បង្កើតបានប្រព័ន្ធ Solar Greenhouse គ្រប់គ្រងដំណាំដោយស្វ័យប្រវត្តិ
(ភ្នំពេញ)៖ ពីគំនិតស្រាវជ្រាវក្នុងថ្នាក់រៀន ទៅជាស្នាដៃជាក់ស្តែងដែលអាចយកទៅប្រើប្រាស់ក្នុងវិស័យកសិកម្ម សិស្សជំនាញអគ្គិសនី នៃវិទ្យាស្ថានជាតិបណ្តុះបណ្តាលបច្ចេកទេស (NTTI) បានបង្កើតប្រព័ន្ធ Solar Greenhouse ឬផ្ទះកញ្ចក់ប្រើថាមពលព្រះអាទិត្យ ដែលអាចគ្រប់គ្រងការស្រោចទឹក ដាក់ជី និងសីតុណ្ហភាពដោយស្វ័យប្រវត្តិ តាមរយៈបច្ចេកវិទ្យាឆ្លាតវៃ។
យុវជន ភាត វិជ្ជា សិស្សជំនាញអគ្គិសនីនៅ NTTI បានលើកឡើងថា កម្ពុជាមានសក្តានុពលផ្នែកកសិកម្មខ្ពស់ ដូច្នេះការរួមបញ្ចូលបច្ចេកវិទ្យាសូឡា និងប្រព័ន្ធស្វ័យប្រវត្តិកម្មក្នុងការដាំដុះ អាចជួយកាត់បន្ថយការចំណាយលើកម្លាំងពលកម្ម និងបង្កើនទិន្នផលកសិកម្ម។
លោកបន្តថា ក្នុងផ្ទះកញ្ចក់ Solar Greenhouse ដែលលោកបង្កើតឡើងមានប្រព័ន្ធកង្ហារវិលស្វ័យប្រវត្តិ ដែលបញ្ចេញខ្យល់ក្តៅចេញ និងទាញយកខ្យល់ត្រជាក់ពីខាងក្រៅចូលមកវិញ ដើម្បីរក្សាសីតុណ្ហភាពសមស្របសម្រាប់ការលូតលាស់របស់ដំណាំ និងការពារការខូចខាតដោយសារកម្តៅខ្ពស់។
លោក សួស សុជាតិ គ្រូបង្រៀនជំនាញការដំឡើងប្រព័ន្ធបញ្ជាម៉ូទ័រអគ្គិសនី នៅសាលា NTTI បានឱ្យដឹងថា ស្នាដៃ Solar Greenhouse នេះ គឺជាឧទាហរណ៍ជាក់ស្តែងមួយដែលបង្ហាញថា TVET មិនត្រឹមតែផ្តល់ជំនាញប៉ុណ្ណោះទេ ប៉ុន្តែថែមទាំងបង្កើតនវានុវត្តន៍ និងដំណោះស្រាយថ្មីៗ សម្រាប់ការអភិវឌ្ឍសេដ្ឋកិច្ច និងជីវភាពរស់នៅរបស់ប្រជាពលរដ្ឋផងដែរ។
លោកបញ្ជាក់ថា Solar Greenhouse អាចបញ្ជាពីចម្ងាយតាមទូរសព្ទដៃ ឬដំណើរការដោយស្វ័យប្រវត្តិ ដោយមានសមត្ថភាពគ្រប់គ្រងបន្ទុកអគ្គិសនី កំណត់អាទិភាពនៃការប្រើប្រាស់ថាមពល និងផ្លាស់ប្តូរប្រភពថាមពលរវាងសូឡា អាគុយ និងបណ្តាញអគ្គិសនីរដ្ឋដោយស្វ័យប្រវត្តិ។
លើសពីនេះ ប្រព័ន្ធបានបំពាក់បច្ចេកវិទ្យា Internet of Things (IoT) ដែលអាចប្រមូលទិន្នន័យអាកាសធាតុមកវិភាគ និងព្យាករណ៍ស្ថានភាពជាមុន ដើម្បីត្រៀមបម្រុងថាមពលក្នុងអាគុយនៅពេលអាកាសធាតុប្រែប្រួល ឬមានភ្លៀងធ្លាក់។ ប្រព័ន្ធក៏មានមុខងារសុវត្ថិភាព ដែលអាចកាត់ផ្តាច់ចរន្តភ្លាមៗ នៅពេលមានការឆ្លងចរន្ត ឬសីតុណ្ហភាពកើនឡើងខុសប្រក្រតី។
បើតាម លោក សួស សុជាតិ គោលបំណងសំខាន់នៃគម្រោងនេះ គឺជំរុញសិស្សឱ្យអភិវឌ្ឍសមត្ថភាពស្រាវជ្រាវ និងនវានុវត្តន៍ ដើម្បីអាចបង្កើតអាជីវកម្មដោយខ្លួនឯងនាពេលអនាគត។ ទោះបីជាគម្រោងនេះស្ថិតក្នុងដំណាក់កាលអភិវឌ្ឍន៍ដំបូងក៏ដោយ ក៏វាបានបង្ហាញឱ្យឃើញពីសមត្ថភាពរបស់សិស្ស TVET ក្នុងការបំប្លែងចំណេះដឹងទ្រឹស្តីទៅជាផលិតផលជាក់ស្តែង ដែលអាចឆ្លើយតបនឹងតម្រូវការសង្គម និងទីផ្សារ៕
-
ព័ត៌មាន1 week agoនាយខណ្ឌរដ្ឋបាលជលផលខេត្តកណ្តាល បានព្រមានចាត់វិធានការក្តៅ ដោយគ្មានការលើកលែងចំពោះជនប្រព្រឹត្តបទល្មើសនេសាទដោយខុសច្បាប់
-
ព័ត៌មាន1 week agoរោងចក្រផ្តុំ និងដំឡើងរថយន្តដ៏ធំមួយនៅខេត្តកំពង់ឆ្នាំងនឹងសម្ភោធដាក់អោយដំណេីរការជាផ្លូវការ ស្អែកនេះក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត
-
ព័ត៌មាន1 week agoសម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន
-
ព័ត៌មាន1 week agoមុខជំនាញចំនួន ២ ដែលមានការគាំទ្រពីយុវជន និងលេចធ្លោជាងគេ នៅក្នុងវិទ្យាស្ថានពហុបច្ចេកទេសខេត្ដកោះកុង (PIKK)
-
ព័ត៌មាន4 days agoឧត្តមសេនីយ៍ទោ ប៊ុន សុសិក្ខា៖វត្តុតាងមួយចំនួនធំ ត្រូវបានដកហូតក្នុងប្រតិបត្តិការបង្ក្រាប Online Scams រយៈពេល១ឆ្នាំមកនេះ
-
ព័ត៌មាន6 days agoលោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៨ ,ចែកអំណោយជូនប្រជាពលរដ្ឋចំនួន៥៦៨គ្រួសារ និងចែកកាតាបដល់សិស្សានុសិស្ស៧០០នាក់ នៅឃុំកំពង់ភ្លុក ស្រុកប្រាសាទបាគង ខេត្តសៀមរាប
-
ព័ត៌មាន1 week agoក្រុមហ៊ុន-សហគ្រាសចិនជាង៤០ បង្ហាញពីគម្រោងចង់បោះទុនវិនិយោគនៅខេត្តកំពង់ស្ពឺ
-
ព័ត៌មាន5 days agoអាជ្ញាធរខេត្តព្រៃវែង និងស្វាយរៀងអះអាងថាបណ្ដាញ Online Scams ធំៗត្រូវបានបង្ក្រាប និងបន្តតាមប្រមាញ់ក្រុមបំបែកខ្លួន