ព័ត៌មាន
“កូនល្អ សិស្សល្អ មិត្តល្អ” គឺជាមូលបទដ៏សំខាន់ ដើម្បីប្រែក្លាយឱ្យទៅជាយុវជនសកម្ម ពលរដ្ឋសកល
លោក ហេង សារិន អនុប្រធានមនី្ទរតំណាងលោកប្រធានមនី្ទរអប់រំ យុវជន និងកីឡារាជធានីភ្នំពេញ បានអះអាងថា៖ “កូនល្អ សិស្សល្អ មិត្តល្អ” គឺជាមូលបទដ៏សំខាន់នៃបុគ្គលិក លក្ខណៈក្លាយជាពលរដ្ឋល្អ ដែលបានចូលរួមបណ្តុះបណ្តាល និងអភិវឌ្ឍន៍សមត្ថភាពជំនាញឯកទេស ជំនាញទន់ បំណិនជីវិត និងជំនាញផ្សេងៗទៀតដល់កុមារ និងយុវជន ដើម្បីប្រែក្លាយពួកគេឱ្យទៅជាយុវជនសកម្ម ពលរដ្ឋសកល និងមានទំនួលខុសត្រូវក្នុងសហគមន៍ និងសង្គមជាតិ។
ការថ្លែងរបស់លោក ហេង សារិន យ៉ាងដូច្នេះ ក្នុងកម្មវិធីប្រជុំបូកសរុបចលនាប្រឡងប្រណាំង៣ល្អថ្នាក់រាជធានីភ្នំពេញ នាព្រឹកថ្ងៃទី១៧ ខែកញ្ញា ឆ្នាំ២០២៤នេះ ដោយមានការចូលរួមពីលោកអនុប្រធានមន្ទីរអប់រំ លោក លោកស្រី ប្រធានការិយាល័យនៃមន្ទីរអប់រំ លោកប្រធានការិយាល័យអប់រំ យុវជន និងកីឡានៃរដ្ឋបាលខណ្ឌទាំង១៤ សរុប៥៦៥នាក់។
លោកអនុប្រធានមនី្ទរអប់រំរាជធានី បន្តថា ជាក់ស្តែងឆ្នាំសិក្សា២០២៣-២០២៤នេះ ការបូកសរុបចលនាប្រឡងប្រណាំង៣ល្អ ប្រព្រឹត្តទៅក្រោមប្រធានបទ«ការវិនិយោគ លើកុមារថ្ងៃនេះ សំដៅបង្កើនមូលធនមនុស្ស ក្នុងយុគសម័យបរិវត្តកម្មឌីជីថល និងនវានុវត្តន៍ឌីជីថលរបស់យុវជនសម្រាប់អភិវឌ្ឍប្រកបដោយចីរភាព» ក្រោមការដឹកនាំប្រកបដោយគតិបណ្ឌិតរបស់រាជរដ្ឋាភិបាល បានយកចិត្តទុកដាក់ខ្ពស់ទៅលើវិស័យអប់រំ យុវជន និងកីឡា ដោយបានកំណត់ជាអាទិភាពក្នុងយុទ្ធសាស្ត្របញ្ចកោណរបស់ខ្លួន ដែលជាយុទ្ធសាស្ត្រនៃការអភិវឌ្ឍធនធានមនុស្សជាពិសេសយុវជន សំដៅអភិវឌ្ឍសេដ្ឋកិច្ចឌីជីថល សម្រាប់សមាហរណកម្មសេដ្ឋកិច្ចពិភពលោក និងមានសក្តានុពលក្នុងការអភិវឌ្ឍសង្គមសេដ្ឋកិច្ច ដើម្បីសម្រេចបាននូវចក្ខុវិស័យកម្ពុជា ក្នុងឆ្នាំ២០៣០ ជាប្រទេសដែលមានចំណូលមធ្យមកម្រិតខ្ពស់ និងឆ្នាំ២០៥០ជាប្រទេសដែលមានចំណូលខ្ពស់។
លោក ង៉ែត ចាន់សុខ ប្រធានការិយាល័យយុវជន នៃមន្ទីរអប់រំ យុវជន និងកីឡា បានលើកឡើងថា ក្រោយពីយើងបានប្រមូលរបាយការណ៍ពីគ្រប់គ្រឹះស្ថានមធ្យមសិក្សាសាធារណៈទាំង៦៦ និងការិយាល័យអប់រំ យុវជន និងកីឡា នៃរដ្ឋបាលខណ្ឌទាំង១៤ ស្តីពីការអនុវត្តចលនាប្រឡងប្រណាំង៣ល្អ និងបន្ទាប់ពីការរៀបចំប្រជុំបូកសរុបចលនាប្រឡងប្រណាំង៣ល្អ ជានិមិត្តរូបថ្នាក់ខណ្ឌ រួចមក។ ក្នុងនោះសកម្មភាព និងលទ្ធផលពីការងារកុមារ យុវជន ដូចជា៖ បន្តពង្រឹង និងអនុវត្ត ចលនាប្រឡងប្រណាំង៣ល្អ កូនល្អ សិស្សល្អ មិត្តល្អ រួមចំណែកជួយហ្វឹកហ្វឺនកុមារ យុវជន ឲ្យរៀបចំឥរិយាបថថ្លៃថ្នូរស្រលាញ់ការសិក្សាលើកកម្ពស់សមត្ថភាពរបស់ខ្លួនចេះគោរពស្តាប់បង្គាប់ឪពុកម្តាយជាកូនដែលជាទីសង្ឃឹមរបស់គ្រួសារ និងមានស្មារតីអធ្យាស្រ័យទទួលស្គាល់ផលប្រយោជន៍អ្នកដ៏ទៃចេះជួយអ្នកដ៏ទៃក្នុងស្មារតីសមភាព និងភាតរភាព។ ភាពលូតលាស់នៃចលនានេះ គឺជាធាតុផ្សំដ៏សំខាន់នៃការងារអប់រំ របស់សាលារៀន គ្រួសារ និងសហគមន៍។ ការអនុវត្តចលនាប្រឡងប្រណាំង៣ «កូនល្អ សិស្សល្អ មិត្តល្អ» នៅតាមគ្រឹះស្ថានបឋមសិក្សា និងមធ្យមសិក្សា សាធារណៈមានសមាជិកសរុបចំនួន ១៥៩.០៥០នាក់ ស្រី ៧៨.៦៦២ នាក់៕ អត្ថបទ រដ្ឋា

-
ព័ត៌មាន1 week ago
ប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week ago
TOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន1 week ago
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
PR NEWS4 days ago
ក្រុមហ៊ុន GANZBERG ឧបត្ថម្ភដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា សរុបចំនួន ១,០០០,០០០ ដុល្លារ
-
ព័ត៌មាន6 days ago
កិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
-
ព័ត៌មាន1 week ago
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន16 hours ago
ឯកឧត្តម ទេសរដ្ឋមន្ត្រី គន់ គីម នាំយកថវិការបស់សម្តេចធិបតី ហ៊ុន ម៉ាណែត ប្រគល់ជូនវីរភាពកងទ័ពពលី ចំនួន៤រូប នៅខេត្តឧត្តរមានជ័យ
-
ព័ត៌មាន7 days ago
កម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ