សម្តេចធិបតី ណែនាំដល់ប្រមុខការពារជាតិកម្ពុជា ត្រូវតាមដានជាប្រចាំចំពោះកងទ័ពមួកខៀវ កំពុងប្រតិបត្តិការនៅក្រៅប្រទេស

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ធ្វើការណែនាំដល់ឧបនាយករដ្ឋមន្ត្រី រដ្ឋមន្រ្តី ក្រសួងការពារជាតិកម្ពុជា នាយឧត្តមសេនីយ៍ ទៀ សីហា ត្រូវធ្វើការតាមដាន និងទាក់ទងជាប់ជាប្រចាំថ្ងៃចំពោះកងទ័ពមួកខៀវកម្ពុជា ដែលកំពុងបំពេញបេសកកម្មនៅក្រៅប្រទេស ក្រោមឆត្រអង្គការសហប្រជាជាតិ ជាពិសេសគឺប្រទេសដែលកំពុងមានសង្រ្គាមនាពេលនេះតែម្តង។

ក្នុងឱកាសអញ្ជើញចូលរួមជាអធិបតីភាពខួបអនុស្សាវរីយ៍លើកទី៣០ឆ្នាំ នៃការបង្កើត​កងពលតូច​លេខ៧០(១៥ តុលា ១៩៩៤ – ១៥ តុលា ឆ្នាំ ២០២៤)នេះ សម្តេចធិបតី ​នាយឧត្តមសេនីយ៍ផ្កាយ មាសបួន ហ៊ុន ម៉ាណែត​ នាយករដ្ឋមន្រ្តីនៃកម្ពុជា ​បានថ្លែងថា សម្តេចតែងតែធ្វើការទាក់ទង​ជា​ប្រចាំជាមួយកង ទ័ពមួកខៀវរបស់កម្ពុជា ដែលកំពុងឈរជើងនៅក្រៅប្រទេស ជាពិសេស​គឺនៅប្រទេសលីបង់តែម្តង ដើម្បីចង់ដឹងអំពីស្ថានការណ៍ ជាក់ស្តែងនៅទីនោះ ខណៈសង្រ្គាម​នៅប្រទេសនេះ បានកំពុងផ្ទុឡើងជារៀងរាល់ថ្ងៃនោះ។

ដោយមានការព្រួយបារម្ភ​អំពីសុវត្ថិភាពរបស់កងទ័ពមួកខៀវកម្ពុជា ​ដែលកំពុងប្រតិបត្តិការនៅ ក្រៅប្រទេសនោះ ​សម្តេចធិបតី ហ៊ុន ម៉ាណែត ក៏បានណែនាំបន្ថែមទៀត​ដល់ប្រមុខការពារជាតិ​កម្ពុជាត្រូវ ​តែតាមដាន​ស្ថានការណ៍​ឲ្យជាប់ជាប្រចាំចំពោះសង្រ្គាម​នៅប្រទេសមួយចំនួន ដែល​មានកងទ័ពមួកខៀវ របស់កម្ពុជាដែលកំពុងបេសកកម្មនោះ។

ជាមួយគ្នានោះដែរសម្តេចធិបតី នាយករដ្ឋមន្រ្តី នៃកម្ពុជាក៏បានប្រកាសដោយ សម្រេចកែសម្រួល​សមាសភាពរបស់គណៈកម្មាធិការជាតិ​បញ្ជូន​កងកម្លាំង​រក្សាសន្តិភាព ទៅក្រៅប្រទេស​ក្រោមឆត្រអង្គការ​សហប្រជាជាតិ​ ពីក្រសួងការបរទេស និងសហប្រតិបត្តិការអន្តរជាតិ​ឲ្យមក​ក្រសួងការពារជាតិកម្ពុជា​ ជាអ្នកដឹកនាំវិញផងដែរ៕អត្ថបទបាន ចក់