ពិព័រណ៍ភូមិមួយផលិតផលមួយអបអរសាទរពិធីប្រណាំងទូកខេត្តកណ្តាល បានចាប់ផ្តើមថ្ងៃនេះ

ការពិព័រណ៍ភូមិមួយផលិតផលមួយ អបអរសាទរពិធីប្រណាំងទូកខេត្តកណ្តាល នៅថ្ងៃទី១ នៅ​ថ្ងៃ​ទី១៧ ខែតុលានេះគឺបានចាប់ផ្តើមដំណើរការ ដែលក្នុងពិព័រណ៍នេះ រដ្ឋបាល​ខេត្ត​កណ្តាល​បាន​សហការ​រៀប​ចំ​តាំងបង្ហាញផលិតផល កសិកម្ម ផលិតផលកែច្នៃនាំចេញ ដែលកកើតនៅ​ក្នុង​ទឹក​ដី​ខេត្ត​កណ្តាល ប្រមាណជាង៣០ស្តង់ និងមានតាំងបង្ហាញ​ផលិតផល​ចំរុះ​នានា​ទៀត​ប្រមាណ​ជាង​១១០​ស្តង់។

តំណាងស្តង់ពិព័រណ៍មកពីតាមក្រុងស្រុក និងមន្ទីរជុំវិញខេត្តកណ្តាល បានថ្លែងប្រាប់ BTV នៅ​ថ្ងៃ​ទី១៧ ខែតុលានេះថា នៅថ្ងៃនេះពលរដ្ឋ និងភ្ញៀវទេសចរជាតិ អន្តរជាតិ ជិតឆ្ងាយ ដែល​អញ្ជើញ​មក​ទស្សនាការប្រណាំងទូកខេត្តកណ្តាល អបអរសាទរពិធីចេញវស្សា និងអបអរ​សាទរ​ព្រះរាជ​ពិធី​​បុណ្យ​អុំទូក បណ្តែតប្រទីប អកអំបុក និងសំពះព្រះខែ នឹងបានស្គាល់នូវរាល់ផលិតផល ទំនិញ និងសេវាកម្មនានា ដែលកកើតនៅក្នុងទឹកដីភូមិសាស្ត្រខេត្តកណ្តាល និងជួយ​លើក​កម្ពស់​ការ​គាំទ្រនូ​វផលិតផលទាំងនេះ ដើម្បីជំរុញកំណើនជីវភាព សេដ្ឋកិច្ចនៅក្នុងខេ​ត្ត​កណ្តាល​របស់​យើ​។

ដោយឡែកនៅព្រឹកថ្ងៃនេះដែរ ទូកទាំង៦៥ទូក សរុបសរុបកីឡាករ កីឡាការិនី​ប្រមាណជិត ៤០០០​នាក់ បាននាំអញ្ជើញមកដល់ទីលានប្រណាំងទូក នៅសួនមាត់ទន្លេបាសាក់​ក្រុងតាខ្មៅ​អស់​ហើយ ដើម្បីត្រៀមប្រណាំងទូកដែលនឹងចាប់ផ្តើមនៅម៉ោង១រសៀលនេះ។ ក្រុមកីឡាករ​នានា បានសំដែងការសប្បាយចិត្តខ្លាំង ដែលមានប្រទេសមានសន្តិភាពពេញលេញ សេដ្ឋកិច្ច​រីក​ចម្រើន មានពលរដ្ឋ និងភ្ញៀវទេសចរជាតិ អន្តរជាតិ ចូលមកទស្សនាច្រើនកុះករ ផ្តល់កម្លាំង​ចិត្ត​ការ​ប្រណាំង​ទូក និងធនាបានការអភិរក្ស សម្បត្តិវប្បធម៌ខ្មែរ​យើង​បន្ត​រីក​ចម្រើន​ល្បី​លើ​ឆាក​អន្តរជាតិ​។

សូមបញ្ជាក់ថា ព្រឹត្តិការណ៍ប្រណាំងទូកនៅខេត្តកណ្តាលឆ្នាំ២០២៤ រយៈពេល២ថ្ងៃ ចាប់ពីថ្ងៃ​ទី១៧ ដល់ថ្ងៃទី១៨ ខែតុលានេះ រដ្ឋបាលខេត្តបានរៀបចំកម្មវិធីអមជាច្រើន រួមមាន៖ ការតាំង​ពិព័រណ៍​បង្ហាញផលិតផល អត្តសញ្ញាណខេត្តកណ្តាល ការប្រគំតន្ត្រីខ្នាតធំ បណ្តែតកូបប្រទីប បាញ់​កាំ​ជ្រួចចម្រុះព័រណ៌ជាច្រើនទៀត ហើយរំពឹងថា ពលរដ្ឋ និងទេសចរជាតិ អន្តរជាតិ ចូល​ទស្សនា​ច្រើន​កុះករ៕ អត្ថបទ ស៊ុម សុខជា