មន្រ្តីជំនាញ ក.ប.ប ចុះពិនិត្យស្តង់លក់ម្ហូបអាហារ ភេសជ្ជៈ និងគ្រឿងឧបភោគបរិភោគ ដែលបានដាក់តាំងពិព័រណ៍ លក់ផលិតផលក្នុងពិធី ប្រណាំងទូក ក្រុងតាខ្មៅ

ក្រុមការងារ ការពារអ្នកប្រើប្រាស់ កិច្ចការប្រកួត និងក្លែងបន្លំ(ក.ប.ប) សហការ ជាមួយ​មន្ទីរ​ពាណិជ្ជ​កម្ម ខេត្តកណ្តាល បានចុះពិនិត្យ ស្តង់លក់ម្ហូបអាហារ ភេសជ្ជៈ និងគ្រឿងឧបភោគ បរិភោគ ក្នុងពិធីប្រណាំងទូក ក្រុងតាខ្មៅ ដើម្បីយកទៅធ្វើតេស្ត ក្នុងមន្ទីរពិសោធន៍ រថយន្តចលត័ ដើម្បី​ស្វែងរកសារធាតុ ហាមឃាត់ ក្នុងចំណីអាហារ ដែលប៉ះពាល់ដល់សុខភាពអ្នកប្រើប្រាស់ តាមរយៈ ម៉ាស៊ីនទំនើប ។

ក្នុងឱកាសនោះ ក្រុមការងារ ក.ប.ប បានណែនាំ ដល់ពាណិជ្ជករ និងអាជីវករ ដែលបាន​ចូលរួ​ម​តាំង​ពិព័រណ៍ ផ្គត់ផ្គង់ម្ហូបអាហារ ភេសជ្ជៈ និងគ្រឿងឧបភោគបរិភោគទាំងអស់ ត្រូវរៀប​ចំ​ទុក​ដាក់​ម្ហូប​អាហារ ឱ្យបានត្រឹមត្រូវ មានសុវត្តិភាព និងអនាម័យល្អ ដើម្បីបម្រើប្រជាពលរដ្ឋ ប្រកបដោយ និង​សុខសុវត្តិភាព ។

គួរបញ្ជាក់ថា ឆ្នាំនេះ ក្នុងព្រឹត្តិការណ៍ប្រណាំងទូក ក្រុងតាខ្មៅរដ្ឋបាល ខេត្តកណ្តាល បាន​រៀបចំ​ស្តង់ពិព័រណ៍ចំនួន ១១២ស្តង់គ្រប់ប្រភេទចំនួន១១២ស្តង់ ក្នុងនោះស្តង់ភូមិ១ផលិតផល១ ចំនួន​៣០​ស្តង់,ស្តង់លក់ផលិតផលខ្មែរ និងម្ហូបអាហារ ចំនួន៨២ស្តង់។