ព័ត៌មាន
អ្នកជំនាញអប់រំអំពាវនាវយុវជនឱ្យរៀនជំនាញច្បាស់លាស់ ដើម្បីចាប់យកឱកាសការងារសមរម្យ
អ្នកជំនាញផ្នែកអប់រំនៅកម្ពុជា បានលើកទឹកចិត្តសិស្សនិស្សិតឲ្យជ្រើសរើសមុខវិជ្ជាណាមួយដែលខ្លួនពេញចិត្តជាពិសេសជំនាញដែលទីផ្សារការងារមានតម្រូវការខ្ពស់ទៅថ្ងៃអនាគត ខណៈបច្ចុប្បន្នកម្ពុជាកំពុងត្រូវការអ្នកជំនាញលើគ្រប់វិស័យ ដើម្បីចូលរួមចំណែកអភិវឌ្ឍប្រទេសជាតិឲ្យកាន់តែរីកចម្រើន។
លោកស្រី អ៊ូ ព្រំសុធារី នាយិការង នៃវិទ្យាស្ថានជាតិពាណិជ្ជសាស្រ្ត (NIB) ក្នុងបទសម្ភាសន៍នៅព្រឹកថ្ងៃទី១៨ ខែតុលា ឆ្នាំ២០២៤ បានលើកឡើងថា មូលហេតុដែលជំរុញឲ្យសិស្សនិស្សិតពិចារណាឲ្យបានម៉ត់ចត់ក្នុងការជ្រើសរើសមុខជំនាញមួយដែលច្បាស់លាស់ ដោយសារបារម្ភថា យុវជនមួយចំនួនដែលរៀនជំនាញផ្នែក (ក) ប៉ុន្តែបែរជាធ្វើការជំនាញផ្នែក (ខ) ឬ (គ) ទៅវិញ ដែលអាចប៉ះពាល់ដល់អនាគតរបស់ខ្លួន និងសង្គមជាតិផងដែរ។
លោកស្រីបន្ថែមថា ដើម្បីជៀសវាងការចាប់យកជំនាញខុសទិសដៅ សិស្សនិស្សិតគួរតែឆ្លតពេលស្វែងយល់បន្ថែមអំពីទីផ្សារការងារ តាមរយៈការផ្សព្វផ្សាយព័ត៌មាននានាក្នុងប្រព័ន្ធអ៊ិនធើណិត ឬតាមរយៈទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈជាដើម ដែលតែងតែប្រកាសជាហូរហែរ និងជាច្រើនរាប់ពាន់ម៉ឺនកន្លែងជារៀងរាល់សប្តាហ៍។
កញ្ញា ញ៉ង ម៉ាលីន និងយុវជន អុល បញ្ញា បច្ចុប្បន្នជានិស្សិតឆ្នាំទី៤ រៀនជំនាញផ្នែកគណនេយ្យ និងហិរញ្ញវត្ថុ បាននិយាយថា សព្វថ្ងៃនេះទីផ្សារការងារនៅក្នុងស្រុក ពិតជាមានច្រើនណាស់ ពិសេសតាមរយៈការផ្សព្វផ្សាយរបស់ NEA អំពីតម្រូវការកម្លាំងពលកម្មរបស់បណ្តាក្រុមហ៊ុន សហគ្រាសនានា ប៉ុន្តែអ្វីដែលសំខាន់ចំពោះមុខ គឺការត្រៀមខ្លួនដើម្បីឆ្លើយតបទីផ្សារការងារដែលកំពុងមានតម្រូវការលើគ្រប់វិស័យ។ យុវជនទាំងនេះបានទទួលស្គាល់ទៀតថា ទាក់ទិនការផ្សព្វផ្សាយអំពីព័ត៌មានទីផ្សារការងារ ក៏មានភាពទូលំទូលាយច្រើនជាងមុនផងដែរ មិនថាតាមរយៈការផ្សព្វផ្សាយដោយផ្ទាល់ និងតាមប្រព័ន្ធអ៊ិនធើណិតជាដើមដោយឃើញថា ពិតជាផ្តល់ឱកាសកាន់តែច្រើនក្នុងការស្វែងយល់ពីតម្រូវការការងារទាំងពេលបច្ចុប្បន្ន និងទៅអនាគត។
ក្នុងគោលបំណងឆ្លើយតបតម្រូវការការងារ ក៏ដូចជាផ្តល់នូវដំណោះស្រាយបញ្ហាទីផ្សារការងារ រាជរដ្ឋាភិបាលកម្ពុជា បានបង្កើតទីភ្នាក់ងារជាតិមុខរបរ និងការងារ (NEA) ដើម្បីផ្តល់សេវាការងារ និងព័ត៌មានទីផ្សារការងារជាសាធារណៈនៅមួយកន្លែង និងងាយស្រួលតាមរយៈប្រព័ន្ធផ្សព្វផ្សាយនានា ដូចជាតាមរយៈគេហទំព័រ, ហ្វេសប៊ុក , តេឡេក្រាម និងនៅតាមមជ្ឈមណ្ឌលការងារនៅរាជធានី-ខេត្ត និងរថយន្តចល័ត។
សូមជម្រាបទៀតថា នៅថ្ងៃទី២៦ និង២៧ ខែតុលា ឆ្នាំ២០២៤ខាងមុខនេះ ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំ «ពិព័រណ៍ការងារ និងផលិតភាពជាតិឆ្នាំ២០២៤» នៅអគារពិព័រណ៍កោះពេជ្រ ជាមួយឱកាសការងារចំនួនជាង ៣ម៉ឺនកន្លែង ពីក្រុមហ៊ុន រោងចក្រ និងហគ្រាសចំនួន១៥០៕ អត្ថបទ ឈិត បូរ៉ាវី
-
ព័ត៌មាន1 week agoស្នាក់ការសន្តិសុខកងរាជអាវុធហត្ថច្រកទ្វារព្រំដែនអន្តរជាតិ អូរស្មាច់ បង្ក្រាបក្រុមក្មេងទំនើង ៥នាក់ផឹកស៊ីកាប់គ្នា
-
កីឡា1 week agoព្រះខ័នរាជស្វាយរៀង នឹងធ្វើគ្រប់យ៉ាង ដើម្បីដណ្ដើម ៣ពិន្ទុជាមួយ Thanh Hoa ល្ងាចនេះ
-
ព័ត៌មាន3 days agoក្រុមការងារមន្ទីរធនធានទឹក តម្លើងម៉ាស៊ីនបូមទឹកបញ្ចូលអាងស្ដុបទុក ដើម្បីត្រៀមជួយសង្គ្រោះស្រូវប្រាំងកសិករដែលខ្វះទឹកស្រោចស្រព
-
ព័ត៌មាន7 days agoសម្ដេចធិបតី ណែនាំដល់ក្រសួងស្ថាប័នពាក់ព័ន្ធត្រូវបន្តសហការគ្នាដោះស្រាយបញ្ហាខ្វះខាតទឹកជូនដល់ប្រជាកសិករធ្វើស្រែប្រាំង
-
ព័ត៌មាន5 days agoបើករថយន្តក្នុងល្បឿនលឿន បុកជាមួយនឹងរថយន្តជាច្រើនគ្រឿងឆេះយ៉ាងសន្ធោសន្ធៅ , ស្លាប់បុរសម្នាក់
-
ព័ត៌មាន1 week agoថ្នាក់ដឹកនាំក្រសួងកសិកម្ម ជួបសំណេះសំណាលជាមួយអាជីវករធាតុចូលកសិកម្មខេត្តកំពង់ឆ្នាំង
-
ព័ត៌មាន6 days agoសម្តេចធិបតី៖ ប្រព័ន្ធធារាសាស្ត្រទំនប់កំពង់គោមានសក្តានុពលស្រោចស្រពលើផ្ទៃដីបង្កបង្កើនផលប្រមាណ ៣ម៉ឺនហិកតា
-
ព័ត៌មាន7 days agoសម្ដេចធិបតី ហ៊ុន ម៉ាណែត អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី ដើម្បីពិភាក្សា និងឆ្លងលើរបៀបវារៈចំនួន៣